പള്സര് സുനിക്ക് രക്ഷപ്പെടാന് വഴിയൊരുക്കിയത് നിര്മാതാവ് ആന്റോ ജോസഫെന്ന് മുഖ്യധാരാ പത്രങ്ങള്; ആന്റോ ജോസഫിന് പങ്കില്ലെന്ന് പി.ടി തോമസ്
നടിയെ അക്രമിച്ച സംഭവത്തിലെ മുഖ്യപ്രതി പള്സര് സുനിക്കു രക്ഷപെടാന് വഴിയൊരുക്കിയത് നിര്മാതാവ് ആന്റോ ജോസഫ് ആണെന്ന് പോലീസ് പറയുന്നു എന്ന് മംഗളം ഉള്പ്പെടെയുള്ള മുഖ്യധാര പത്രങ്ങള് പറയുന്നു. അവരുടെ റിപ്പോര്ട്ട് ഇങ്ങനെയാണ്. അന്വേഷണം ആരംഭിച്ച വിവരം പള്സര് സുനിയെ ആന്റോ ജോസഫ് ഫോണ് ചെയ്ത് അറിയിക്കുകയായിരുന്നു. ഇതുമായി ബന്ധപ്പെട്ട് ആന്റോ ജോസഫിനെ പോലീസ് ചോദ്യം ചെയ്യും. തട്ടിക്കൊണ്ടുപോകല് സംഭവത്തില് സിനിമാ നിര്മാണക്കമ്പനിയായ ലാല് ക്രിയേഷന്സിലെ ചിലരും സംശയ നിഴലിലാണ്.
നടന് ലാലിന്റെ വീട്ടില് നടി എത്തിയശേഷം ഇവിടെയെത്തിയ ആന്റോ ജോസഫ് സംഭവം പോലീസ് കേസായ വിവരം പള്സര് സുനിയെ ഫോണില് അറിയിക്കുകയായിരുന്നു. സുനി പിന്നീട് ആന്റോ ജോസഫിനെ തിരികെ വിളിക്കുകയും ചെയ്തിട്ടുള്ളതായി കോള് ഡീറ്റെയില്സ് പരിശോധനയില് വ്യക്തമായി.
ആന്റോ ജോസഫിന്റെ ഫോണ് വിളിയെത്തുടര്ന്ന് അപകടം മനസിലാക്കിയ സുനി പോലീസിനെ കബളിപ്പിച്ച് രക്ഷപെടുകയായിരുന്നു. നിരവധി ക്രിമിനല് കേസുകളില് പ്രതിയായ പള്സര് സുനിക്ക് ലാല് ക്രിയേഷന്സുമായുള്ള ബന്ധം പോലീസ് അന്വേഷിക്കുന്നുണ്ട്. സംഭവത്തില് ലാല് ക്രിയേഷന്സിന്റെ ഭാഗത്തുനിന്നുണ്ടായിട്ടുള്ള നടപടികള് പോലീസില് സംശയം ജനിപ്പിച്ചിട്ടുമുണ്ട്. ക്രിമിനല് പശ്ചാത്തലമുള്ള സുനി ഏര്പ്പെടുത്തിയ െ്രെഡവറെ നടിയെ സ്റ്റുഡിയോയില് എത്തിക്കാന് നിയോഗിച്ചതുമുതല് ഇവര് എത്താന് മണിക്കൂറുകള് വൈകിയിട്ടും അന്വേഷിക്കാതിരുന്നതുള്പ്പെടെയുള്ള കാര്യങ്ങള് സംശയം ജനിപ്പിക്കുന്നതാണ്.
സംഭവത്തിനുപിന്നില് പ്രമുഖ നടന് ഈ നടിയുമായുള്ള വ്യക്തിവിരോധം കാരണമായിട്ടുണ്ടെന്ന അഭ്യൂഹം അടക്കമുള്ളവയ്ക്കു സ്ഥിരീകരണമുണ്ടാവണമെങ്കില് പള്സര് സുനി പിടിയിലാകേണ്ടതുണ്ട്. സുനിക്ക് ആലപ്പുഴ കൈനകരിയിലും കോയമ്പത്തൂരിലും ഗോവയിലുമുള്ള ഒളിത്താവളങ്ങള് തിരിച്ചറിഞ്ഞ് പോലീസ് കോയമ്പത്തൂരില് നടത്തിയ തെരച്ചിലിലാണ് രണ്ടുപേര് പിടിയിലായത്. ആലപ്പുഴയില് ആരെയും കണ്ടെത്താനായില്ല.
അതേസമയം യുവ നടിയെ ആക്രമിച്ച കേസിലെ മുഖ്യപ്രതി പള്സര് സുനി രക്ഷപ്പെട്ടതില് നിര്മാതാവ് ആന്റോ ജോസഫിന് പങ്കില്ലെന്ന് പി.ടി തോമസ് എംഎല്എ. പോലീസിന്റേയും സംവിധായകന്റെയും തന്റെയും മുന്നില്വച്ചാണ് ആന്റോ സുനിയെ വിളിച്ചത്. അറസ്റ്റിലായ മാര്ട്ടിനാണ് സുനിയുടെ നമ്പര് നല്കിയതെന്നും എംഎല്എ പറഞ്ഞു. സുനി ഫോണ് എടുത്തയുടന് ആന്റോ ജോസഫ് എസിപിക്കു ഫോണ് കൈമാറി. എന്നാല് എസിപി ഹലോ എന്നു സംസാരിച്ചയുടനെ സുനി ബന്ധം വിച്ഛേദിച്ചെന്നു പി.ടി. തോമസ് അറിയിച്ചു. അതേസമയം, നടിയെ തട്ടിക്കൊണ്ടു പോയത് ക്വട്ടേഷന് സംഘമാണെന്ന മൊഴിയും പി.ടി. തോമസ് സ്ഥിരീകരിച്ചു. ഇക്കാര്യം അക്രമികള് നടിയോടു പറഞ്ഞു. തമ്മനത്തെ ഫ്ളാറ്റില് എത്തിച്ച് ഉപദ്രവിക്കുമെന്ന് ഭീഷണിപ്പെടുത്തി. ഇവിടെ 20 പേരുണ്ടെന്നായിരുന്നു അക്രമികളുടെ മുന്നറിയിപ്പ് എന്നാണ് മൊഴി.
https://www.facebook.com/Malayalivartha