'കുമ്മനടി'ക്കു ശേഷം ട്രോളർമാർ അഭിമാന പുരസ്സരം അവതരിപ്പിക്കുന്നു 'അമിട്ടടി'
'കുമ്മനടി' എന്ന വാക്കിനു ശേഷം സോഷ്യൽ മീഡിയ ട്രോളർമാരുടെ പുതിയ കണ്ടുപിടുത്തമാണ് 'അമിട്ടടി'. ബിജെപി സംസ്ഥാന അദ്ധ്യക്ഷന് കുമ്മനം രാജശേഖരന് കൊച്ചി മെട്രോ ഉദ്ഘാടനയാത്രയില് പങ്കെടുത്തതോടെയാണ് 'കുമ്മനടി' എന്ന പ്രയോഗമുണ്ടായത്. ക്ഷണമില്ലാതെ നുഴഞ്ഞ് കയറുക എന്ന അര്ത്ഥത്തിലാണ് ട്രോളന്മാര് പുതിയ വാക്ക് കണ്ടെത്തിയത്. ഇത് സോഷ്യൽ മീഡിയയിൽ വലിയ ഹിറ്റായി മാറുകയും ചെയ്തിരുന്നു.
എന്നാൽ ഇപ്പോഴിതാ ട്രോളർമാർ പുതിയൊരു വാക്ക് കൂടി സംഭാവന ചെയ്തിരിക്കുകയാണ്.
'അമിട്ടടി'. ബിജെപി ദേശീയ അദ്ധ്യക്ഷന് അമിത് ഷായില് നിന്നാണ് പുതിയ വാക്കിന്റെ ഉത്ഭവം. 'മുങ്ങല്' എന്ന പദത്തിന് പകരമായാണ് ട്രോളന്മാര് 'അമിട്ടടി'ക്കുക എന്ന പ്രയോഗവുമായി എത്തിയിരിക്കുന്നത്. കുമ്മനത്തെ തനിച്ചാക്കി അമിത്ഷാ മുങ്ങി എന്നാണ് ട്രോളർമാർ ആക്ഷേപിക്കുന്നത്. ബിജെപിയുടെ ജനരക്ഷായാത്ര പൂര്ത്തിയാവുന്നതിന് മുന്പ് അസൗകര്യങ്ങള് അറിയിച്ച് അമിത് ഷാ പിന്വാങ്ങിയിരുന്നു. ഇതിനെ പരിഹസിച്ചാണ് ട്രോളർമാർ പുതിയ വാക്കിന് ജന്മം കൊടുത്തത്.
https://www.facebook.com/Malayalivartha