വിവരംകെട്ട ഫാന്സുകാര് മലയാളികളുടെ വില കളഞ്ഞു; ദിലീപ് ഫാൻസുകാരുടെ തൊലിയുരിച്ച് യുവാവിന്റെ വീഡിയോ വൈറലാകുന്നു
നടിയെ ആക്രമിച്ച കേസില് അറസ്റ്റിലായ നടന് ദിലീപിന് ജാമ്യം കിട്ടിയ വാര്ത്തയായിരുന്നു ഈ അടുത്ത കാലത്തായി ഏറ്റവുമധികം മാധ്യമ ശ്രദ്ധ പിടിച്ചുപറ്റിയ സംഭവം. ദിലീപ് അറസ്റ്റിലായതിന് ശേഷം താരത്തെ അനുകൂലിച്ചും പ്രതികൂലിച്ചും നിരവധിപേരാണ് രംഗത്തെത്തിയിരുന്നത്.
സോഷ്യല് മീഡിയകളിലുള്പ്പെടെ ദിലീപിന്റെ വാര്ത്തകള് അങ്ങനെ നിറഞ്ഞൊഴുകി. എന്നാല് ദിലീപിന് ജാമ്യം കിട്ടി പുറത്തിറങ്ങിയപ്പോള് ആര്ത്തുല്ലസിച്ച ദിലീപ് ആരാധകരുടെ അതിരുവിട്ട ആഘോഷങ്ങളാണ് ഇപ്പോള് സംസാരവിഷയമായിരിക്കുന്നത്.
ദിലീപിന് ജാമ്യം കിട്ടിയതില് ആഘോഷിച്ച ആരാധകുടെ തൊലിയുരിച്ച് ഫേസ്ബുക്ക് ലൈവിലെത്തിയ ഒരു യുവാവിന്റെ വീഡിയോയാണ് ഇപ്പോള് വൈറലായിരിക്കുന്നത്. ‘വിവരംകെട്ട ഫാന്സുകാര് മലയാളികളുടെ വില കളഞ്ഞു. ഉപ്പ് സത്യാഗ്രത്തിന് ജയിലില് കിടന്നു തിരിച്ചു വരുന്നപോലെ പീഡനകേസില് അറസ്റ്റിലായി ജയിലില് പോയ ദിലീപിനെ ന്യായീകരിക്കാന് ഉളുപ്പുണ്ടോടാ നിങ്ങള്ക്കെ എന്നാണ് യുവാവ് ചോദിക്കുന്നത്. എല്ലാ സംസ്ഥാനങ്ങളില് പോയാലും മലയാളികള്ക്ക് ഒരു വിലയുണ്ട് അത്യാവശ്യം പക്വതയോടെ കാര്യങ്ങള് കാണുന്നു എന്ന ധാരണയുണ്ട് അത് ഫാന്സ്കാര് കളഞ്ഞു.
സൂപ്പര്സ്റ്റാറിനെ എന്തേലും പറഞ്ഞാല് തീയ്യേറ്റര് അടിച്ചു പോളിക്കുക തുടങ്ങിയ തമിഴന്മാരുടെ നിലയിലേക്കായി മലയാളികളെന്നും, ഫാന്സ്കാര് പറയുന്നപോലെ അന്വോഷണം നടക്കണം മലയാളികള് ഇത്രയ്ക്ക് അധംപതിച്ചോ എന്നും യുവാവ് ചോദിക്കുന്നു.
നടിയെ ആക്രമിച്ച കേസില് അറസ്റ്റിലായി 85 ദിവസത്തിന് ശേഷം ഈ മാസം മൂന്നാം തീയതിയാണ് ഹൈക്കോടതി ദിലീപിന് ജാമ്യം അനുവദിച്ചത്. കര്ശന ഉപാധികളോടെയാണ് ദിലീപിന് ജാമ്യം ലഭിച്ചത്. പാസ്പോര്ട്ട് ഹാജരാക്കണം, അന്വേഷണസംഘത്തോട് പൂര്ണമായും സഹകരിക്കണം, ഒരു ലക്ഷം രൂപ ബോണ്ട് നല്കണം, സാക്ഷികളെ സ്വാധീനിക്കാന് ശ്രമിക്കരുത്, തെളിവുകള് നശിപ്പിക്കരുത്, രണ്ട് പേരുടെ ആള് ജാമ്യം എന്നീ ഉപാധികളോടെയാണ് ജാമ്യം. കേസിലെ ഗൂഢാലോചനകുറ്റത്തിന് ജൂലൈ 10നാണ് ദിലീപ് അറസ്റ്റിലായത്.
https://www.facebook.com/Malayalivartha