കാവല്ക്കാരനും ക്യാപ്റ്റനും കമാന്ഡന്റുമെല്ലാം എന്റെ ഭാര്യയെ പീഡിപ്പിച്ചു; ദമ്പതികള് അനുഭവിച്ച നരകയാതന
സ്വന്തം കണ്മുമ്പില് വച്ച് ഭാര്യയ്ക്കും കുഞ്ഞിനും നേരെ അതിക്രൂരമായ അതിക്രമമാണ് നടന്നത്. അഫ്ഗാനിസ്ഥാനില് ഹഖാനി ഭീകരര് ബന്ദികളാക്കിയ ദമ്പതികള്ക്കാണ് കണ്ണില്ലാത്ത ക്രൂര പീഡനങ്ങള് നേരിടേണ്ടി വന്നത്. സന്നദ്ധസേവകരായി ആ രാജ്യത്തെത്തിയ ഞങ്ങളുടെ പിഞ്ചുകുഞ്ഞിനെ അവര് കൊലപ്പെടുത്തി. ഭാര്യയെ പലവട്ടം ബലാല്സംഗം ചെയ്തു. കാനഡയില് വിമാനമിറങ്ങിയ കുടുംബത്തിനെ ഒഴിവാക്കി തനിച്ചാണ് മാധ്യമങ്ങളോട് ബോയല് സംസാരിച്ചത്.
ഗര്ഭിണിയായ ഭാര്യ സെയ്റ്റ്ലന് കോള്മാനൊപ്പമാണ് 2012ല് ജോഷ്വയെ അഫ്ഗാനിസ്ഥാനില്വച്ച് ഭീകരര് തട്ടിക്കൊണ്ടുപോയത്. തീര്ത്ഥാടകരെപ്പോലെയാണ് താനും ഭാര്യയും അഫ്ഗാനിലെത്തിയത്. അഫ്ഗാനിലെ താലിബാന് അധീനതയിലുള്ള ഉള്ഗ്രാമങ്ങളില് സേവനമായിരുന്നു ഞങ്ങളുടെ ഉദ്ദേശം.
താലിബാനു കീഴിലെ ഹഖാനി ഭീകരശൃംഖല പ്രവര്ത്തകര് തട്ടിക്കൊണ്ടു പോയ ഇവരെ കഴിഞ്ഞ ദിവസം പാക് സൈന്യമാണ് രക്ഷപ്പെടുത്തിയത്. . യുഎസ് നല്കിയ വിവരങ്ങളനുസരിച്ച് പാക്കിസ്ഥാന് അഫ്ഗാന് അതിര്ത്തിയില് നടത്തിയ സൈനിക നീക്കമാണ് ദമ്പതികള്ക്കു തുണയായത്. യു എസ് പ്രസിഡന്റ് ട്രംപും ഇവരെ മോചിപ്പിക്കാന് ഇടപെടണമെന്ന് പാക്കിസ്ഥാനോട് ആവശ്യപ്പെട്ടിരുന്നു.
കരുത്തുറ്റ മനസും ഇച്ഛാശക്തിയുമാണ് കുടുംബത്തെ മുന്നോട്ടു നയിച്ചത്. മൂന്നു കുഞ്ഞുങ്ങള്ക്കൊപ്പം സ്വസ്ഥമായൊരു ജീവിതമാണ് ഇനി ആഗ്രഹിക്കുന്നത്, അതിനാണ് പ്രാധാന്യം കൊടുക്കുന്നത് ബോയല് മാധ്യമപ്രവര്ത്തകരോട് പറഞ്ഞു. ഒട്ടാവയക്കടുത്തുള്ള കുടുംബ വീട്ടിലേയ്ക്കാണ് ഇവര് പോയതെന്നാണ് അറിയുന്നത്.
അഞ്ച് വര്ഷത്തോളം നീണ്ട തടങ്കല് വാസത്തിനൊടുവിലാണ് കനേഡിയന് പൗരനായ ജോഷ്വാ ബോയലും യുഎസ് പൗരയായ സെയ്റ്റ്ലന് കോള്മാനും മോചിപ്പിക്കപ്പട്ട് വെള്ളിയാഴ്ച നാട്ടിലെത്തിയത്. താലിബാന് തീവ്രവാദികളില് നിന്ന് നേരിടേണ്ടി വന്നത് ക്രൂരപീഡനങ്ങളാിരുന്നുവെന്നും ഇവര് വെളിപ്പെടുത്തുന്നു. താലിബാന് അനുകൂല ഭീകരസംഘടനയായ ഹഖാനി നെറ്റ് വര്ക്കിന്റെ തീവ്രവാദികള് തന്റെ കണ്മുന്നില് വച്ചാണ് പിഞ്ചു കുഞ്ഞിനെ കൊലപ്പെടുത്തുന്നത്.
മകളാണെന്നറിഞ്ഞതോടെയായിരുന്നു ഇത്. ഭാര്യയെ നിരവധി തവണ പീഡിപ്പിച്ചെന്നും അദ്ദേഹം പറഞ്ഞു. കാവല്ക്കാരനും അയാളുടെ ക്യാപ്റ്റനും കമന്ഡാന്റുമെല്ലാം പീഡിപ്പിച്ചു.അബൂ ഹജര് എന്ന കമാന്ഡറും അയാളുടെ അംഗരക്ഷകനും കൂടിയാണ് തന്റെ ഭാര്യയെ പീഡിപ്പിച്ചതന്നും അദ്ദേഹം വെളിപ്പെടുത്തുന്നു.
പാക്കിസ്ഥാനില് നിന്നു ലണ്ടനിലേക്കും അവിടെ നിന്ന് ടൊറന്റോയിലേക്കുമാണ് ബോയലും കുടുംബവും എത്തിയത്. ബോയലിനും കുടുബത്തിനുമാവശ്യമായ എല്ലാ സഹായങ്ങളും നല്കുമെന്ന് കനേഡിയന് സര്ക്കാരും അറിയിച്ചിട്ടുണ്ട്.
യുഎസ് സ്റ്റേറ്റ് ഡിപാര്ട്മെന്റ് ഉദ്യോഗസ്ഥരും വിമാനത്തില് ഒപ്പമുണ്ടായിരുന്നു. മൂന്നു കുട്ടികളില് ഒരാളുടെ ആരോഗ്യനില മോശമായിരുന്നതിനെത്തുടര്ന്ന് പാക്കിസ്ഥാനില് വച്ചു തന്നെ വൈദ്യസഹായം തേടിയിരുന്നു. ഒട്ടാവയില് നിന്ന് 80 കി.മീ. ദൂരെയുള്ള ബോയലിന്റെ കുടുംബവീട്ടിലേക്കാണ് ദമ്പതികളും കുട്ടികളും പോയത്.
https://www.facebook.com/Malayalivartha