സ്റ്റേഷനിൽ നിന്നും കാണാതായ അര ടൺ കഞ്ചാവ് ' ഏലി ' തിന്നു; ഡ്യൂട്ടിയിലുണ്ടായിരുന്ന പോലീസുകാർക്ക് എട്ടിന്റെ പണി
പൊലീസ് സ്റ്റേഷനില് വിവിധ കേസുകളിലെ തൊണ്ടിമുതലായ കഞ്ചാവ് കാണാതായതിനെ തുടര്ന്ന് ചോദിച്ച വിശദീകരണത്തിന് എലി തിന്നുവെന്ന് പോലീസുകാരുടെ മറുപടി. ഇതോടെ ഡ്യൂട്ടിയിലുണ്ടായിരുന്ന എട്ടു പോലീസുകാർക്ക് സസ്പെന്ഷന്.
അര്ജന്റീനയിലാണ് സംഭവം. രണ്ട് വര്ഷത്തോളമായി സ്റ്റേഷനിലെ സ്റ്റോറില് സൂക്ഷിച്ചിരുന്ന തൊണ്ടിമുതലായ അര ടണ്ണോളം വരുന്ന കഞ്ചാവാണ് കാണാതായത്. വര്ഷം തോറുമുള്ള ഓഡിറ്റിനെത്തിയപ്പോഴായിരുന്നു ഇതില് പകുതിയും കാണാനില്ലെന്ന കാര്യം അധികൃതരുടെ ശ്രദ്ധയില് പെട്ടത്.
പോലീസുകാരുടെ വിശദീകരണത്തില് തൃപ്തി വരാത്ത അധികൃതര് സംഭവത്തില് അന്വേഷണം പ്രഖ്യാപിച്ചതിന് പിന്നാലെ സ്റ്റേഷനില് സര്വ്വീസില് ഉണ്ടായിരുന്ന എട്ട് പൊലീസുകാരെ സര്വ്വീസില് നിന്ന് നീക്കം ചെയ്യുകയായിരുന്നു.
അതേസമയം കഴിഞ്ഞ വര്ഷം ബീഹാറില് സ്റ്റേഷനില് സൂക്ഷിച്ചിരുന്ന മദ്യം എലി കുടിച്ച് തീര്ത്തെന്ന് പൊലീസുകാര് അവകാശപ്പെട്ടിരുന്നു. സമാന സംഭവത്തില് സ്റ്റേഷനില് കസ്റ്റഡിയില് ഇരുന്ന പണം പാമ്പ് വിഴുങ്ങിയെന്ന് നൈജീരിയന് പോലീസും അവകാശപ്പെട്ടിരുന്നു.
https://www.facebook.com/Malayalivartha