ആംബറിനും ക്രിസ്സിനും ഇത് ഇരട്ടിമധുരം!
2014-ല് ആണ് അംബേറും ക്രിസും മെല്ബണില് ഒരു വീട് വാങ്ങിയത്.വീട് സ്വന്തമായതോടെ ഒരു കുടുംബം തുടങ്ങണമെന്നുള്ള ആഗ്രഹമായി. അങ്ങനെയിരിക്കെ 23-കാരിയായ ആംബറിന് ഹോട്ട് ഫ്ളാഷസ് ഉണ്ടാകാന് തുടങ്ങി. പെട്ടെന്ന് ശരീരത്തിന്റെ ചൂട് കൂടുക, ചര്മത്തില് ഇടയ്ക്കിടെ ചൂട് അനുഭവപ്പെടുക, മുഖം, കഴുത്ത്,കാതുകള്, നെഞ്ചു തുടങ്ങിയ ഭാഗങ്ങളിലെ ചര്മങ്ങള്ക്കു ചുവന്ന നിറം ഉണ്ടാവുക എന്നിങ്ങനെ വിവിധ ലക്ഷണങ്ങളാണ് കണ്ടത്.
തുടര്ന്ന് ഡോക്ടറെ കണ്ടു.അവളുടെ ഫോളിക്കിള് സ്റ്റിമുലേറ്റിംഗ് ഹോര്മോണിന്റെ ലെവല് ഉയര്ന്നിരിക്കുന്നത് മൂലമാണ് അവള്ക്കു ഹോട്ട് ഫ്ലാഷുകള് ഉണ്ടാകുന്നതെന്നാണ് ഡോക്ടര് പറഞ്ഞത്. എന്നാല് അവള് ഞെട്ടിയത് അപ്പോഴല്ല. അങ്ങനെ ഫോളിക്കിള് സ്റ്റിമുലേറ്റിംഗ് ഹോര്മോണിന്റെ അളവ് വര്ദ്ധിയ്ക്കുന്നത് അവള് ആര്ത്തവവിരാമത്തോട് അടുത്തത് കൊണ്ടാണെന്ന് ഡോക്ടര് അറിയിച്ചപ്പോള് 23-കാരിയായ അംബേറും ഭര്ത്താവ് ക്രിസും തകര്ന്നു പോയി.
വീണ്ടും അവളെ നിരാശപ്പെടുത്തുന്ന ആരോഗ്യപ്രശ്നങ്ങളാണ് അവള്ക്കുള്ളതായി വെളിപ്പെട്ടുകൊണ്ടിരുന്നത്.അവളുടെ അണ്ടാശയത്തില് 7 സെന്റിമീറ്റര് വ്യാസമുള്ള ഒരു മുഴ ഉള്ളതായി കണ്ടെത്തി.അത് നീക്കം ചെയ്യാനായി ശസ്ത്രക്രിയ നടത്തി. പിന്നീട് അവള്ക്കു അണ്ഡവിസര്ജ്ജനം നടക്കുന്നുണ്ടോ എന്നറിയുന്നതിനായി 6 മാസത്തേയ്ക്ക് വന്ധ്യതാ ചികിത്സയായ ക്ലോമിഡ് ഏര്പ്പെടുത്തി. ചികിത്സയ്ക്ക് ശക്തമായ പാര്ശ്വഫലങ്ങള് ഉണ്ടായതല്ലാതെ അവള്ക്കു അണ്ഡവിസര്ജനം ഉണ്ടായില്ല.അതോടെ സ്വാഭാവിക രീതിയില് ഗര്ഭിണി ആകാന് ആംബറിന് കഴിയില്ലെന്നും കൃതിമ മാര്ഗങ്ങളുടെ സഹായം വേണ്ടി വരുമെന്നും അവര്ക്കു മനസ്സിലായി.
പിന്നീട് ഐ വി എഫ് രീതി ഉപയോഗിച്ച് രണ്ടു തവണ അവളില് ഭ്രൂണം നിക്ഷേപിച്ചു. രണ്ടു തവണയും വിജയമായില്ല.അതിനിടെ ആംബറിന്റെ ഇടതു ഫാലോപ്പിയന് ട്യൂബില് ഒരു സിസ്ററ് ഉണ്ടെന്നു കണ്ടെത്തി.അതോടെ സിസ്റ്റിനോടൊപ്പം ആ ഫലോപ്യന് ട്യൂബ് കൂടി നീക്കം ചെയ്യേണ്ടി വന്നു. പ്രവര്ത്തനക്ഷമമല്ലാത്ത അണ്ഡാശയങ്ങളും ഒരേ ഒരു ഫലോപ്യന് ട്യൂബുമുള്ള ആംബറിന് കുഞ്ഞുങ്ങള് ഉണ്ടാകാന് സാധ്യതകള് തീരെ കുറവാണെന്ന് ഡോക്ടര്മാര് ഉപദേശിച്ചു. കൃത്രിമ ഗര്ഭധാരണത്തിനായി ബീജം നല്കാന് ആംബറിന്റെ അണ്ഡാശയങ്ങള്ക്കു കഴിവില്ലായിരുന്നു.
ഒടുവില് ആംബറിന്റെ കുഞ്ഞനിയത്തി ടൈലോറില് നിന്നും ബീജം സ്വീകരിച്ച്് കൃത്രിമ ഗര്ഭധാരണം നടത്താന് തീരുമാനമായി.അനിയത്തിയില് നിന്നും ബീജം സ്വീകരിച്ചപ്പോഴും ആദ്യ തവണ പരാജയമായിരുന്നു ഫലം.അവര് എല്ലാവരും ആകെ തകര്ന്നുപോയി. മാനസികമായും, ശാരീരികമായും, സാമ്പത്തികമായും അവള് ആകെ തളര്ന്നു പോയി.വീണ്ടും ഒരിക്കല് കൂടി ശ്രമിയ്ക്കാനും കാത്തിരുന്നു നിരാശ സ്വന്തമാക്കാനും അവര്ക്കു വയ്യായിരുന്നു.
ഒടുവില് ഒരിക്കല് കൂടി അവസാനമായി ശ്രമിയ്ക്കാമെന്നു തീരുമാനമായി. പിന്നേയും ഭ്രൂണം നിക്ഷേപിച്ചു കാത്തിരിപ്പായി. രണ്ടാഴ്ച കാത്തിരിക്കണം പരീക്ഷണം വിജയിച്ചോ എന്നറിയാന്. ആ രണ്ടാഴ്ചക്കാലത്തെ അസ്വസ്ഥത പറഞ്ഞറിയിക്കാന് ആവുമായിരുന്നില്ല. ഭ്രൂണം ഗര്ഭാശയ ഭിത്തിയില് പറ്റിപ്പിടിച്ചു വളര്ന്നു തുടങ്ങിയോ അതോ വീണ്ടും ഒരിക്കല് കൂടി നിരാശ ആണോ ഫലം എന്നൊക്കെ ചിന്തിച്ചു ആകുലപ്പെട്ടു ദിവസങ്ങള് തള്ളി നീക്കി.ഒ ടുവില് രണ്ടാഴ്ച കഴിഞ്ഞുള്ള ഒരു ദിവസം ഒരു പ്രെഗ്നന്സി കിറ്റിന്റെ സഹായത്തോടെ ഗര്ഭിണി ആണോ എന്ന് പരിശോധിച്ചു നോക്കി.ഒന്നും സംഭവിച്ചിട്ടുണ്ടാവില്ല...താന് ഗര്ഭിണി ആയിട്ടുണ്ടാവില്ല എന്ന വിചാരത്തോടെയാണ് പരിശോധിച്ചു നോക്കിയത്.ഗര്ഭിണി അല്ലെങ്കില് ആ ടാബില് തെളിയുന്നത് ഒരു വര ആയിരിയ്ക്കും. ഗര്ഭിണി ആണെങ്കില് രണ്ടു വരകള് തെളിഞ്ഞു കാണും. ഒരു രേഖ ആയിരിക്കും എന്ന് പ്രതീക്ഷിച്ചു കൊണ്ട് നോക്കിയ ആംബര് രണ്ടു രേഖകള് തെളിഞ്ഞു നില്ക്കുന്നത് കണ്ടു തുള്ളിച്ചാടിപ്പോയി. അതെ... താന് ഗര്ഭവതി ആയിരിയ്ക്കുന്നു എന്ന് വിളിച്ചു കൂവാന് പോലും അവള്ക്കു തോന്നി.
23-ാം വയസ്സില് ആര്ത്തവവിരാമം സംഭവിച്ച താന് ഗര്ഭിണി ആയിരിക്കുന്നു എന്നത് തന്നെ അവളെ 7-ാം സ്വര്ഗത്തില് എത്തിച്ചു. എന്നാല് വിധി അവള്ക്കായി കരുതിയിരുന്നത് ഇതിലും വലിയ സന്തോഷമായിരുന്നു. തുടര് പരിശോധനകളില് അവളുടെ ഗര്ഭത്തില് ഇരട്ട കുട്ടികള് ആണെന്ന് കണ്ടെത്തി. ഒരു ആണ്കുട്ടിയും ഒരു പെണ്്കുട്ടിയുമാണ് അവള്ക്കു പിറക്കാന് പോകുന്നത്.
ഐ വി എഫ് ഓസ്ട്രേലിയ എന്ന ഗ്രൂപ്പിന്റെ ഫെയ്സ്ബൂക്കിലൂടെ കുഞ്ഞുങ്ങള്ക്കായി കാത്തിരിയ്ക്കുന്ന അനേകം പേരുമായി തന്റെ അനുഭവം പങ്കുവയ്ക്കുകയാണ് ആംബര് ഇപ്പോള്.
https://www.facebook.com/Malayalivartha