ബ്രസീല് വെനസ്വേലയെ നേരിടും... ലാറ്റിനമേരിക്കന് ഫുട്ബോള് വസന്തമായ കോപ്പ അമേരിക്കയ്ക്ക് ഇനി മണിക്കൂറുകള് മാത്രം...
ബ്രസീല് വെനസ്വേലയെ നേരിടും... ലാറ്റിനമേരിക്കന് ഫുട്ബോള് വസന്തമായ കോപ്പ അമേരിക്കയ്ക്ക് ഇനി മണിക്കൂറുകള് മാത്രം. തിങ്കളാഴ്ച പുലര്ച്ചെ 2:30 ന് നടക്കുന്ന ഉദ്ഘാടന മത്സരത്തില് ബ്രസീല് വെനസ്വേലയെ നേരിടും.
ടൂര്ണമെന്റില് പത്താം കിരീടമാണ് സാംബതാളക്കാരുടെ ലക്ഷ്യം. അര്ജന്റീനയിലും കൊളംബിയയിലുമായി നടത്താന് തീരുമാനിച്ചിരുന്ന 47മത് കോപ്പ അമേരിക്ക ടൂര്ണമെന്റിന്ടെ ആതിഥേയത്വം അപ്രതീക്ഷിത സാഹചര്യത്തെ തുടര്ന്നാണ് വീണ്ടും ബ്രസീലിന് ലഭിച്ചത്. ഈ മാസം 14ന് പുലര്ച്ചെ 2:30 ന് ബ്രസീല് - വെനസ്വേല മത്സരത്തോടെ ടൂര്ണമെന്റില് പന്തുരുളും.
2 ഗ്രൂപ്പുകളിലായി ആകെ 10 ടീമുകള് പങ്കെടുക്കുന്ന കോപ്പ അമേരിക്ക ടൂര്ണമെന്റില് ബ്രസീല് എ ഗ്രൂപ്പിലും അര്ജന്റീന ബി ഗ്രൂപ്പിലുമാണ്. ലോകപ്രശസ്തമായ മാറക്കാന സ്റ്റേഡിയം, ബ്രസീലിയയിലെ മാനെ ഗാരിഞ്ച സ്റ്റേഡിയം എന്നിവ ഉള്പ്പെടെ 4 വേദികളിലാണ് ടൂര്ണമെന്റ് നടക്കുക.
ജൂണ് 19ന് പുലര്ച്ചെ 5.30നാണ് മെസിയും സുവാറസും നേര്ക്ക് നേര് വരുന്ന അര്ജന്റീന - ഉറുഗ്വായ് പോരാട്ടം. രണ്ട് ഗ്രൂപ്പുകളില് നിന്നുമായി നാല് വീതം ടീമുകള് ക്വാര്ട്ടറിലെത്തും. ജൂലൈ 3 നും നാലിനും ക്വാര്ട്ടര് ഫൈനലുകളും ആറിനും ഏഴിനും സെമി ഫൈനലുകളും നടക്കും. ജൂലൈ 11 ന് പുലര്ച്ചെ 5:30ന് മാറക്കാന സ്റ്റേഡിയത്തിലാണ് ഫൈനല്.
2015, 2016 ടൂര്ണമെന്റുകളില് ഫൈനല് വരെയെത്തി പരാജയം രുചിച്ച ലയണല് മെസിയുടെ അര്ജന്റീന കപ്പെടുക്കാന് ഉറച്ചാണ് ഇക്കുറി ഒരുങ്ങുന്നത്.2019 ല് നടന്ന കോപ്പയില് മൂന്നാം സ്ഥാനക്കാരായിരുന്നു ആല്ബിസെലസ്റ്റകള്. ആകെ 14 തവണയാണ് അര്ജന്റീന കിരീടം നേടിയത്.
"
https://www.facebook.com/Malayalivartha