ഫെയ്സ്ബുക്കിലും വാട്സാപ്പിലും രഹസ്യം സൂക്ഷിക്കാന് സാധിക്കില്ല
ജനപ്രിയ സോഷ്യല്മീഡിയകളാണ് ഫെയ്സ്ബുക്കും വാട്സാപ്പും. ഇതില് സന്ദേശങ്ങള് അയച്ചാല് അയക്കുന്നയാള്ക്കും വായിക്കുന്നയാള്ക്കും മാത്രമേ സന്ദേശങ്ങള് കാണാന് കഴിയൂയെന്നാണ് ഫെയ്സ്ബുക്കും വാട്സാപ്പും പറഞ്ഞിരുന്നത്. എന്നാല് കമ്പനി അവകാശപ്പെടുന്ന സുരക്ഷിത സംവിധാനങ്ങളൊക്കെ മറികടന്ന് ഹാക്കര്മാര് സന്ദേശങ്ങള് കാണുകയും വായിക്കുകയും ചെയ്യുന്നുവെന്ന് റിപ്പോര്ട്ട്.
കാലിഫോര്ണിയ സര്വകലാശാലയിലെ ഗവേഷകന് തോഭിയാസ് ഒരു പ്രമുഖ മാധ്യമത്തിനോട് പറഞ്ഞു. ഫെയ്സ്ബുക്ക്, വാട്സാപ്പിന്റെ എന്ഡ് ടു എന്ഡ് എന്ക്രിപ്ഷന് ടെക്നോളജി സുരക്ഷിതമല്ലെന്നും പോസ്റ്റ് ചെയ്യുന്ന എല്ലാ മെസേജുകളും വായിക്കാന് കഴിയുമെന്നും റിപ്പോര്ട്ട്. എന്ഡ് ടു എന്ഡ് എന്ക്രിപ്ഷനില് വന് സുരക്ഷാ വീഴ്ചയുണ്ട്. ഇക്കാര്യം നേരത്തെ തന്നെ അധികൃതരെ അറിയിച്ചിരുന്നെങ്കിലും അതിനുള്ള നടപടികള് സ്വീകരിക്കാന് അവരിതുവരെയും തയാറായിട്ടില്ല.
കമ്പനി ഉറപ്പുനല്കുന്നതു പോലെ വാട്സാപ്പ്, ഫെയ്സ്ബുക്ക് രഹസ്യങ്ങള് സുരക്ഷിതമല്ലെന്നും എന്ഡ് ടു എന്ഡ് എന്ക്രിപ്ഷന് സംവിധാനം കൊണ്ടു മാത്രം ഒന്നും സുരക്ഷിതമാകുന്നില്ലെന്നാണ് റിപ്പോര്ട്ട്. ഉപയോക്താക്കള് അയയ്ക്കുന്ന സന്ദേശങ്ങള് മൂന്നാമതൊരാള് കാണുകയോ വായിക്കുകയോ ചെയ്യില്ലെന്ന് ഫെയ്സ്ബുക്കും വാട്സാപ്പും ഉറപ്പു നല്കുന്നു. എന്നാല് വിവിധ സര്ക്കാരുകളിലെ സാങ്കേതിക വിദഗ്ധര് മെസേജുകള് കാണുകയും വായിക്കുകയും ചെയ്യുന്നുണ്ടെന്നാണ് ആരോപണം.
എന്ഡ് ടു എന്ഡ് എന്ക്രിപ്ഷനിലെ സുരക്ഷാ വീഴ്ചയാണ് ഇതിന്റെ കാരണം. ഇത് സുരക്ഷിതമാക്കിയാല് ഒരാളും സന്ദേശങ്ങള് വായിക്കില്ല. എന്നാല് വാട്സാപ്പും ഫെയ്സ്ബുക്കും ഇതിനു തയാറാകുന്നില്ല. എന്ഡ് ടു എന്ക്രിപ്ഷനില് പ്രോട്ടോകോള് എന്ന സംവിധാനമാണ് സന്ദേശങ്ങള്ക്ക് സുരക്ഷ നല്കുന്നത്.
എന്നാല് ഹാക്ക് ചെയ്ത് സന്ദേശങ്ങളില് ആരെങ്കിലും മാറ്റം വരുത്തിയാല് മറികടക്കാനുള്ള ശേഷി പ്രോട്ടോക്കോളിന് ഇല്ലെന്നും തോഭിയാസ് പറഞ്ഞു. ഫെയ്സ്ബുക്ക്, വാട്സാപ്പ് എന്ക്രിപ്ഷന് സുരക്ഷിതമല്ലെന്നും നേരത്തെ തന്നെ ചിലര് ആരോപിച്ചിരുന്നെങ്കിലും ആന്റിവൈറസ് ആപ്ലിക്കേഷന് മക്കാഫെ സ്ഥാപകന് ജോണ് ഡേവിഡും വാട്സാപ്പ് സുരക്ഷാ വീഴ്ചക്കെതിരെ രംഗത്തുവന്നിരുന്നു. എന്നാല് ഈ ആരോപണം നിഷേധിക്കുന്നതായി ഫെയ്സ്ബുക്കും വാട്സാപ്പും അറിയിച്ചിട്ടുണ്ട്.
https://www.facebook.com/Malayalivartha