കോടികളുടെ നഷ്ടം വരുത്തിയ തമന്നയ്ക്കെതിരെ നടപടി ആവശ്യപ്പെട്ട് നടന് ത്യാഗരാജന്
തനിക്ക് കോടികളുടെ നഷ്ടം വരുത്തിയ തമന്നയ്ക്കെതിരെ നടപടി ആവശ്യപ്പെട്ട് നടന് ത്യാഗരാജന് നടികര് സംഘത്തിന് പരാതി നല്കുന്നു. സംഭവം ഇങ്ങനെയാണ്... കങ്കണാ റണാവത്ത് അഭിനയിച്ച ക്വീന് തമിഴില് റീമേക്ക് ചെയ്യാനായി മൂന്ന് കോടി മുടക്കി ത്യാഗരാജന് അവകാശം വാങ്ങിയിരുന്നു. നടി രേവതിയാണ് ചിത്രം സംവിധാനം ചെയ്യാനിരുന്നത്. ത്യാഗരാജന് റീമേക്ക് അവകാശം വാങ്ങിയതറിഞ്ഞ് അഭിനയിക്കാന് താല്പര്യം പ്രകടിപ്പിച്ച് തമന്നയെത്തി.
ത്യാഗരാജന് സന്തോഷമായി. കാരണം തമിഴിന് പുറമേ, തെലുങ്ക്, മലയാളം, കന്നട ഭാഷകളിലും സിനിമ റീമേക്ക് ചെയ്യാന് ത്യാഗരാജന് തീരുമാനിച്ചിരുന്നു.തമന്നയുടെ സാനിധ്യം ചിത്രത്തിന്റെ വിജയസാധ്യത വര്ദ്ധിപ്പിക്കുമെന്ന് ത്യാഗരാജന് കരുതി. തമിഴിലും തെലുങ്കിലും തമന്നയെ അവതരിപ്പിക്കാനാണ് തീരുമാനിച്ചത്. തമന്നയും അമ്മയും ഇതിനായി മൂന്ന് കോടിയാണ് പ്രതിഫലം ചോദിച്ചത്. എന്നാല് അത്രയും തുക തരാനൊക്കില്ലെന്നും അതേസമയം തമന്ന ഇപ്പോള് വാങ്ങുന്ന പണം തരാമെന്നും ഉറപ്പ് നല്കി. അതിന് സമ്മതിച്ച തമന്ന അഡ്വാന്സ് ചോദിച്ചു. ഷൂട്ടിംഗ് തുടങ്ങും മുമ്പ് അഡ്വാന്സ് തരാമെന്ന് ത്യാഗരാജന് ഉറപ്പ് നല്കി. എന്നാല് അഡ്വാന്സ് നല്കാത്തത് തന്നെ ഒഴിവാക്കാനാണെന്ന് തമന്ന തെറ്റിദ്ധരിച്ചു. തുടര്ന്ന് സിനിമയുടെ ചിത്രീകരണം നിര്ത്തിവെച്ചതായി തമന്ന വാര്ത്തകള് പ്രചരിപ്പിച്ചു. വാര്ത്തകള് കണ്ട് വിതരണക്കാരും തിയേറ്റര് ഉടമകളും മറ്റ് ഭാഷാ നിര്മാതാക്കളും ത്യാഗരാജനോട് കാര്യങ്ങള് തിരക്കി. പലരും പ്രോജക്ടില് നിന്ന് പിന്മാറുകയും ചെയ്തു. ഇതോടെ തനിക്ക് വലിയ നഷ്ടമാണ് സംഭവിച്ചതെന്ന് ത്യാഗരാജന് ആരോപിക്കുന്നു. അതിനാല് താരത്തിനെതിരെ നടികര് സംഘത്തിലും പറ്റുമെങ്കില് നിയമനടപടികളും സ്വീകരിക്കുമെന്ന് ത്യാഗരാജന് അറിയിച്ചു.
https://www.facebook.com/Malayalivartha