സൗദി തലസ്ഥാനമായ റിയാദിലെ ജനവാസമേഖലയില്‍ കറങ്ങി നടക്കുന്ന ഗൊറില്ലയുടെ വീഡിയോ സമൂഹമാധ്യമങ്ങളില്‍ വൈറലാകുന്നു. കെട്ടിടങ്ങള്‍ക്കിടയിലൂടെയും ടാറിട്ട റോഡുകളിലൂടെയും യാതൊരു വിധ ആശങ്കകളുമില്ലാതെയാണ് ഈ വന്യ മൃഗം നടക്കുന്നത്. ഇതോടെ ചിമ്ബാന്‍സിയുടെ ചിത്രങ്ങള്‍ പകര്‍ത്താനും തിടുക്കമായി. ചിലര്‍ പഴങ്ങളും മറ്റും കൊടുത്ത് ഇതിനെ വശത്താക്കാനും ശ്രമിച്ചു.

തണലത്ത് വാഹനങ്ങള്‍ പാര്‍ക്ക് ചെയ്തതിന് അടുത്ത് ഇരുന്നുകൊണ്ട് വിശ്രമിക്കുന്നതിന്റെ ദൃശ്യങ്ങളും സമൂഹമാധ്യമങ്ങളില്‍ പടരുന്നുണ്ട്. ഗേറ്റുകള്‍ തുറക്കാന്‍ മെനക്കെടാതെ അതിന് മുകളില്‍ കയറി ചാടിയാണ് ഇവ അകത്തുകടക്കുന്നത്.

എന്നാല്‍ ഏങ്ങിനെയാണ് ഇവ പുറത്തിറങ്ങിയതെന്നോ റോഡില്‍ എത്തിയതെന്നോ വ്യക്തമല്ല. ഏതെങ്കിലും സര്‍ക്കസ് കൂടാരത്തില്‍ നിന്നാണോ അതോ സ്വകാര്യ വ്യക്തികള്‍ വീട്ടില്‍ വളര്‍ത്തിയതാണോ എന്നും വ്യക്തമല്ല. അര മണിക്കൂറോളം നാട്ടില്‍ കറങ്ങിയ ശേഷം പൊലീസും അധികൃതരും സ്ഥലത്തെത്തി ചിമ്ബാന്‍സിയെ കീഴ്‌പ്പെടുത്തിയത്.