തിരുവനന്തപുരം പാര്‍ലെമെന്റ് സീറ്റില്‍ ശശി തരൂരിന്റെ കാര്യം സംശയത്തിലായതോടെ സി പി ഐ നേതാവ് പ്രകാശ് ബാബുവിനെ രംഗത്തിറക്കാന്‍ ഇടതുമുന്നണി തീരുമാനിച്ചു. സി പി ഐ ക്കാണ് തിരുവനന്തപുരം സീറ്റ് നല്‍കുന്നത്.
സുരേഷ് ഗോപിയെ ബിജെപി സ്ഥാനാര്‍ത്ഥിയാക്കാന്‍ ബി ജെ പിയുടെ കേന്ദ്ര തലങ്ങളില്‍ ആലോചനയുണ്ട്. ശശി തരൂരിന്റെ സാധ്യതകള്‍ അദ്ദേഹം തന്നെ ഇല്ലാതാക്കിയതായാണ് കോണ്‍ഗ്രസ് ഹൈക്കമാന്റിന്റെ കണക്കുകൂട്ടല്‍.

സുരേഷ് ഗോപിക്ക് സാധ്യത കല്പിക്കുന്ന ബി ജെ പി നേതാക്കള്‍ നിരവധിയുണ്ട്. നായര്‍ സമുദായംഗമായ സുരേഷ് ഗോപിക്ക് പക്ഷേ എന്‍ എസ് എസിന്റെ പിന്തുന്ന ലഭിക്കില്ല. എന്‍ എസ് എസിന്റെ പിന്തുണ നായര്‍ സമുദായംഗമായ പ്രകാശ് ബാബുവിന് ലഭിക്കുമെന്നാണ് ഇടതു കേന്ദ്രങ്ങള്‍ കരുതുന്നത്. ജി.സുകുമാരന്‍ നായര്‍ക്ക് താത്പര്യമുള്ള നിരവധി കാര്യങ്ങള്‍ നടത്തി കൊടുക്കാന്‍ പിണറായി സര്‍ക്കാരിന് കഴിഞ്ഞിട്ടുണ്ട്. പ്രകാശ് ബാബുവിന് എന്‍എസ്എസുമായി നല്ല ബന്ധമുണ്ട്. ചെങ്ങന്നൂരില്‍ സമുദായത്തിന് നിന്നും ലഭിച്ച പിന്തുണ ഇക്കുറിയും ലഭിക്കുമെന്നാണ് പാര്‍ട്ടി കരുതുന്നത്.

ഇന്ദ്രപ്രസ്ഥം ബി ജെ പി പിടിച്ചാല്‍ ഇന്ത്യ ഹിന്ദു പാകിസ്ഥാന്‍ ആകുമെന്നത തരൂരിന്റെ പ്രസ്താവന യഥാര്‍ത്ഥത്തില്‍ തിരുവനന്തപൂരം പാര്‍ലെമെന്റിലെ ഹിന്ദു വോട്ടുകള്‍ അദ്ദേ ഹത്തിന് ഇല്ലാതാക്കും. മാത്രവുമല്ല കഴിഞ്ഞ 5 വര്‍ഷ കാലയളവില്‍ തരൂര്‍ തലസ്ഥാനത്തിന് വേണ്ടി യാതൊന്നും ചെയ്തുമില്ല. തരൂരിന് വികസന പ്രവര്‍ത്തനങ്ങള്‍ നടത്താനുള്ള ശേഷി ഉണ്ടായിരുന്നിട്ടും അദ്ദേഹം നിശബ്ദത പാലിച്ചു. അദ്ദേഹം തുടക്കമിട്ട കഴക്കൂട്ടം കാരോട് ഹൈവേ പൂര്‍ത്തിയായതേയില്ല. വിഴിഞ്ഞം തുറമുഖം വഴിയില്‍ കിടക്കുന്നു.

ഒരു എം എല്‍ എക്ക് കഴിയുന്ന വികസന പ്രവര്‍ത്തനങ്ങള്‍ പോലും എം പി എന്ന നിലയില്‍ തരൂര്‍ നടത്തിയില്ല. അദ്ദേഹത്തിന്റെ ഫണ്ടുകള്‍ ലാപ്‌സായതായി ആരോപണം ഉയര്‍ന്നു. പണം വെറുതെ കളഞ്ഞ തരൂര്‍ മറ്റ് എം പികളില്‍ നിന്നും തീരെ പിന്നാക്കം പോയി. മണ്ഡലത്തില്‍ അദ്ദേഹം സജീവമല്ലായിരുന്നു. ആര്‍ക്കും തരൂരിനെ കാണാന്‍ കഴിയില്ലെന്ന് പ്രചരണം വന്നു. ഓഫീസില്‍ ചെന്നാല്‍ പി എ യെ കണ്ട് മടങ്ങേണ്ട ഗതികേടുണ്ടായി. അതിനിടെ കോണ്‍ഗ്രസ് നേതാക്കളുടെ നിസഹരണം കാരണം നടത്തിയ വികസന പ്രവര്‍ത്തനങ്ങള്‍ പോലും നടത്തിയില്ലെന്നു വന്നു. ചെയ്തു കഴിഞ്ഞ കാര്യങ്ങള്‍ക്ക് പ്രചരണം ലഭിച്ചുമില്ല. ഇതെല്ലാമാണ് തരൂരിന് വിനയായി തീര്‍ന്ന കാര്യങ്ങള്‍.

തരൂരിനെ വീണ്ടും ജയിപ്പിക്കാന്‍ കോണ്‍ഗ്രസിന് താത്പര്യമില്ല. തരൂര്‍ സ്ഥിരമായി ജയിച്ചു കൊണ്ടിരുന്നാല്‍ തങ്ങളുടെ സാധ്യത ഇല്ലാതാകുമെന്നാണ് കോണ്‍ഗ്രസ് നേതാക്കള്‍ പറയുന്നത്. അതു കൊണ്ടു തന്നെ കോണ്‍ഗ്രസ് നേതാക്കള്‍ പാര്‍ലെമെന്റ് തെരഞ്ഞെടുപ്പിന് വേണ്ടി ഒന്നും ചെയ്യുന്നില്ല. സി പി എമ്മും സി പി ഐ യും കാര്യക്ഷമമായി തങ്ങളുടെ തൊഴില്‍ ഏര്‍പ്പെട്ടു കഴിഞ്ഞു. പാര്‍ലെമെന്റ് തെരഞ്ഞടുപ്പില്‍ ഇടതിന്റെ ജയം സര്‍ക്കാരിനെ സംബന്ധിച്ചടത്തോളം അനിവാര്യമാണ്. ഇടത് മുന്നണി ഭൂരിപക്ഷം സീറ്റുകളിലും ജയിക്കാമെങ്കില്‍ അടുത്ത നിയമസഭാ തെരഞ്ഞെടുപ്പിലും ജയിക്കാമെന്ന് സര്‍ക്കാര്‍ കരുതുന്നു.