ഭര്‍ത്താവില്ലാത്ത സമയത്ത് ഉസ്താദിന്റെ പരാക്രമം, മതപഠനത്തിനെത്തിയ യുവതിയെ പീഡിപ്പിച്ച മൗലവി ഒളിവില്‍
ഖുര്‍-ആന്‍ ക്ലാസില്‍ എത്തിയിരുന്ന ഭര്‍തൃമതിയായ യുവതിയെ പള്ളിയിലെ മൗലവി ബലാല്‍സംഘം ചെയ്തതായി പരാതി. പാലക്കാട് സ്വദേശിയായ മതപണ്ഡിതന്‍ കുഞ്ഞി മുഹമ്മദ് മൗലവിക്കെതിരെയാണ് യുവതി കാസര്‍കോഡ് പൊലീസില്‍ പരാതി നല്‍കിയത്. മതപഠനത്തിനെത്തിയ യുവതിയെ ഇയാള്‍ നിരവധി തവണ ബലാല്‍സംഗം ചെയ്തതായാണ് പരാതി. തളിപ്പറമ്പ് മന്നയില്‍ താമസിക്കുന്ന മൗലവി ഭര്‍തൃമതിയായ യുവതികള്‍ക്ക് പ്രത്യേകമായി മതപഠന ക്ലാസ് നടത്തിയിരുന്നു. മതകാര്യങ്ങളില്‍ നിന്ന് ശ്രദ്ധ തിരിച്ചു വിട്ടശേഷം യുവതിയെ ലൈംഗിക വിചാരങ്ങള്‍ കുത്തിവച്ചെന്നും അങ്ങനെ ബലാല്‍സംഗത്തിന് ഇരയാക്കിയെന്നുമാണ് ആരോപണം. മൗലവിക്കെതിരെ കാസര്‍ഗോഡ് വിദ്യാ നഗര്‍ പൊലീസ് കേസെടുത്തതോടെ ഇയാള്‍ ഒളിവില്‍ പോയിരിക്കയാണ്. മുപ്പത്തഞ്ചുകാരിയായ യുവതിയെ അവരുടെ വീട്ടില്‍ വച്ചും വിവിധ സ്ഥലങ്ങളില്‍ കൊണ്ടുപോയും പീഡിപ്പിച്ചതായി അവര്‍ പൊലീസില്‍ നല്‍കിയ പരാതിയില്‍ പറയുന്നു.
വിവിധ പ്രായക്കാര്‍ക്കായി പ്രത്യേകം പ്രത്യേകമായാണ് ക്ലാസെടുക്കാറുള്ളത്. മതകാര്യങ്ങള്‍ പഠിപ്പിക്കുന്നതിനോടൊപ്പം അതിരു കവിഞ്ഞ രീതിയില്‍ സ്ത്രീ പുരുഷ ബന്ധങ്ങളെക്കുറിച്ചും ഇയാള്‍ പതിവായി പരാമര്‍ശം നടത്താറുണ്ട്. സ്ത്രീകളെ വശീകരിക്കാനുള്ള പ്രത്യേക കഴിവും ഇയാള്‍ക്കുണ്ടായിരുന്നുവെന്ന് പറയുന്നു. ക്ലാസില്‍വച്ചുള്ള പരിചയം വളര്‍ന്ന് ഭര്‍ത്താവ് സ്ഥലത്തില്ലാത്ത വീടുകളില്‍ ഈ മതപണ്ഡിതന്‍ തക്കം നോക്കിയെത്താറുണ്ടെന്നും അങ്ങനെ ചിലര്‍ ഇയാളുടെ ഇംഗിതത്തിന് വഴങ്ങേണ്ടിവന്നതായും വിവരമുണ്ട്. ഒരു മാസം മുമ്പ് മറ്റൊരു ഭര്‍തൃമതിയുടെ വീട്ടിലെത്തിയ പണ്ഡിതന്റെ കാര്‍ ഒരു സംഘം യുവാക്കള്‍ തകര്‍ത്തിരുന്നു. എന്നാല്‍ കാര്‍ തകര്‍ത്ത സംഭവത്തില്‍ മൗലവി പൊലീസില്‍ പരാതി നല്‍കിയില്ല. നാട്ടുകാര്‍ പിന്നീട് പ്രതികരിച്ചുമില്ല.
മതപഠന ക്ലാസിലെ സ്ത്രീപഠിതാക്കളെ ഏതൊക്കെ ക്ലാസില്‍ ഇരുത്തണമെന്ന് മൗലവി തന്നെയാണ് തീരുമാനിക്കാറ്. തനിക്കു വേണ്ടുന്ന ഇരകളെ പ്രത്യേക ബാച്ചിലിരുത്തി മതപഠന ക്ലാസ് ആരംഭിക്കുകയാണ് പതിവ്. ഖുര്‍-ആന്‍ പഠനത്തില്‍ ആരംഭിച്ച് ലൈംഗികതെയെക്കുറിച്ചുള്ള വിഷയങ്ങള്‍ വരെ ക്ലാസില്‍ പരാമര്‍ശങ്ങളാകും.
ലൈംഗിക കാര്യങ്ങളെ കുറിച്ച് നല്ല അറിവുണ്ടാകണമെന്നും മൗലവി സ്ത്രീകളെ വിശ്വസിപ്പിക്കും. അതിന് കൂട്ടായി ഇസ്ലാമിക ഗ്രന്ഥത്തില്‍ ഉള്ളതും ഇല്ലാത്തതുമായ കാര്യങ്ങള്‍ ഉദ്ധരിക്കും. ഈ ക്ലാസുകളില്‍ സംശയമുന്നയിക്കുന്നവെര മൗലവി പ്രത്യേകമായി നോട്ടമിടും. അങ്ങനെയുള്ളവര്‍ക്ക് പ്രത്യേകമായി ക്ലാസ് നടത്തും. അത്തരക്കാരാണ് മൗലവിയുടെ പിടിയില്‍ അകപ്പെടുന്നത്. പീഡനം ആരോപിച്ച് യുവതി പൊലീസില്‍ പരാതി നല്‍കിയതോടെ ഒളിവില്‍ പോയ കുഞ്ഞി മുഹമ്മദ് മൗലവിക്കെതിരെ പൊലീസ് തെരച്ചില്‍ ആരംഭിച്ചിട്ടുണ്ട്. എന്നാല്‍ ഇതൊന്നും ഇയാള്‍ ജോലി ചെയ്തിരുന്ന മസ്ജിദിന്റെ ഭാരവാഹികള്‍ അറിഞ്ഞിരുന്നില്ല.
https://www.facebook.com/Malayalivartha
