പ്രമുഖ വ്യവസായിയും സാമൂഹ്യപ്രവര്‍ത്തകനുമായ ഡോ. കെ.ടി റബീയുള്ളയെ തട്ടിക്കൊണ്ടു പോകാന്‍ ശ്രമിച്ച കേസില്‍ ബി.ജെ.പി നേതാവടക്കം ഏഴു പേരെ പൊലീസ് അറസ്റ്റ് ചെയ്തു.

ന്യൂനപക്ഷമോര്‍ച്ചയുടെ ദേശീയ വൈസ് പ്രസിഡന്റ് അസ്ലം ഗുരുക്കള്‍, ഗണ്‍മാന്‍ കേശവമൂര്‍ത്തി, റിയാസ്, അര്‍ഷാദ്, ഉസ്മാന്‍, രമേശ്, സുനില്‍ എന്നിവരെയാണ് അറസ്റ്റ് ചെയ്തത്.

തിങ്കളാഴ്ച രാവിലെ ആറ് മണിക്കാണ് സംഭവം നടന്നത്. റബീയുള്ളയെ തട്ടിക്കൊണ്ടു പോകാനെത്തിയ സംഘം വീട്ടുമുറ്റത്തുണ്ടായിരുന്ന വാഹനം അടിച്ചുതകര്‍ക്കുകയും ചെയ്തിരുന്നു. 

റബീയുള്ളയെ നേരിട്ട് കാണണമെന്നാവശ്യപ്പെട്ട് ഈസ്റ്റ് കോഡൂരിലെ വീടിനു മുന്നിലെത്തിയ സംഘത്തെ സെക്യൂരിറ്റി തടയുകയായിരുന്നു. തുടര്‍ന്ന് അക്രമികള്‍ മതില്‍ ചാടി അകത്ത് കടക്കുകയായിരുന്നു.