മന്ത്രി തോമസ് ചാണ്ടിക്കെതിരെയുള്ള ഭൂമി കയ്യേറ്റത്തിനെ സംബന്ധിച്ച് പ്രതിപക്ഷത്തിന്റെ കൈയിൽ എന്ത് തെളിവാണുള്ളതെന്ന് സിപിഐഎം കേന്ദ്ര കമ്മറ്റി അംഗം ഇപി ജയരാജന്‍. തെളിവുണ്ടെങ്കില്‍ അത് കൈമാറുകയാണ് പ്രതിപക്ഷം ചെയ്യേണ്ടതെന്നും, തെറ്റ് ചെയ്തിട്ടുണ്ടെങ്കില്‍ എല്‍ഡിഎഫ് ഉചിതമായ ശിക്ഷ നല്‍കുമെന്നും ജയരാജൻ പറഞ്ഞു 

ഒരു സെന്റ് ഭൂമിയെങ്കിലും കയ്യേറിയിട്ടുണ്ടെന്നു തെളിയിച്ചാല്‍ പൊതുപ്രവര്‍ത്തനം അവസാനിപ്പിക്കാമെന്നു തോമസ് ചാണ്ടി പറഞ്ഞിട്ടുണ്ട്.അല്ലാതെ ആരെങ്കിലും പറയുന്നത് കേട്ട് ഇടതു സര്‍ക്കാരിനെ വേട്ടയാടരുതെന്നും ജയരാജന്‍ പറഞ്ഞു. തെറ്റ് ചെയ്യുന്നവരെ സംരക്ഷിക്കുന്ന നിലപാടല്ല എല്‍ഡിഎഫിന്റെതെന്നും ജയരാജന്‍ പറഞ്ഞു.