ശശീന്ദ്രന് വീണ്ടും വളയം പിടിക്കുന്നു; ഗതാഗത വകുപ്പ് മന്ത്രിയായി താമസിക്കാതെ സത്യപ്രതിജ്ഞ ചെയ്യും
ഫോണ് കെണി വിവാദത്തില് മന്ത്രിക്കസേര തെറിച്ച എ.കെ ശശീന്ദ്രന് വീണ്ടും ഗതാഗതമന്ത്രിയാകും. ഇത് സംബന്ധിച്ച സൂചനകള് എല്.ഡി.എഫ് നേതൃത്വം നല്കി. എന്.സി.പി എം.എല്.എമാരായ ശശീന്ദ്രനും തോമസ് ചാണ്ടിയും കേസില് പെട്ട് പുറത്തായിരുന്നു. ആദ്യം കുറ്റവിമുക്തനായി ആര് വരുന്നോ അയാള് മന്ത്രിയാകും എന്നതാണ് പാര്ട്ടി സംസ്ഥാന ഭാരവാഹി യോഗം തീരുമാനിച്ചത്. പാര്ട്ടി പഞ്ഞാല് അനുസരിക്കാതിരിക്കാനാവില്ലെന്ന് എ.കെ ശശീന്ദ്രന് രാവിലെ മാധ്യമങ്ങളോട് വ്യക്തമാക്കിയിരുന്നു. സംസ്ഥാന പ്രസിഡന്റ് പിതാംബരന്മാസ്റ്റര് ദേശീയനേതൃത്വവുമായി ചര്ച്ചനടത്താന് ഡല്ഹിയില് പോയിരിക്കുകയാണ്. ഫോണ്കെണി കേസിലെ ജുഡീഷ്യല് അന്വേഷണം പൂര്ത്തിയായി ചൊവ്വാഴ്ച റിപ്പോര്ട്ട് മുഖ്യമന്ത്രിക്ക് നല്കി. പരാതിക്കാരിയായ യുവതി മൊഴി പോലും നല്കാന് എത്താത്ത സാഹചര്യത്തില് ശശീന്ദ്രന് അനുകൂലമായ തീരുമാനമാണ് റിപ്പോര്ട്ടിലുള്ളതെന്ന് വിലയിരുത്തുന്നു.
ഈ വര്ഷം ആദ്യമാണ് ശശീന്ദ്രനെ മംഗളം ചാനല് ഫോണ് കെണിയില് വീഴ്ത്തിയത്. സംഭവം വിവാദമാകുന്നതിന് മുമ്പ് അദ്ദേഹം രാജിവച്ചിരുന്നു. അപേക്ഷയുമായി ചെന്ന വീട്ടമ്മയുമായി അടുത്ത ശേഷം മന്ത്രി ഫോണില് അശ്ലീലം പറഞ്ഞെന്നാണ് ചാനല് റിപ്പോര്ട്ട് ചെയ്തത്. സംഭവത്തില് ഉന്നതതല ഗൂഡാലോചന നടന്നെന്ന് ആക്ഷേപമുണ്ടായിരുന്നു. അതേക്കുറിച്ച് കമ്മിഷന് അന്വേഷിച്ചില്ല. എന്.സി.പിയിലെ ഒരു പ്രമുഖന് ചാനലിലെ ചിലരുമായി ചേര്ന്ന് കരുക്കള് നീക്കിയെന്ന് അന്ന് പലരും രഹസ്യമായി ആരോപണം ഉന്നയിച്ചിരുന്നു. ഇതിനെല്ലാം ഒടുവിലാണ് ജുഡീഷ്യല് അന്വേഷണം നടത്തിയിരുന്നു. പ്രതിയായ മാധ്യമപ്രവര്ത്തക ശശീന്ദ്രനെതിരെ കോടതിയില് പരാതിയും നല്കിയിരുന്നു. കഴിഞ്ഞയാഴ്ച ഈ പരാതി ഒത്തുതീര്പ്പാക്കിയെന്നും അതിനാല് പിന്വലിക്കാന് അനുവദിക്കണമെന്നും ആവശ്യപ്പെട്ട് മാധ്യമപ്രവര്ത്തക ഹൈക്കോടതിയെ സമീപിച്ചിരുന്നു.
കേസില് നിന്ന് ഒഴിവാകുന്നതും കമ്മിഷന് റിപ്പോര്ട്ട് അനുകൂലമാകുന്നതും ശശീന്ദ്രന്റെ രാജയോഗമാണ് സൂചിപ്പിക്കുന്നത്. ക്ലീന് ചിറ്റ് കിട്ടിയാല് മന്ത്രി പദത്തില് എത്താന് ശശീന്ദ്രന് തടസമില്ലെന്നും പാര്ട്ടി അതിന് അനുമതി നല്കുമെന്നും ടി.പി പീതാംബരന് മാസ്റ്റര് ഡല്ഹിയില് മാധ്യമങ്ങളോട് വ്യക്തമാക്കി. തലസ്ഥാനത്ത് നടക്കുന്ന പുതിയ രാഷ്ട്രീയ സംഭവ വികാസങ്ങളെ കുറിച്ച് മുന് മന്ത്രി തോമസ് ചാണ്ടി ഇതുവരെ പ്രതികരിച്ചിട്ടില്ല. ശശീന്ദ്രന് കുറ്റവിമുക്തനായി എത്തിയാല് മന്ത്രിയാകുന്നതില് തനിക്ക് എതിര്പ്പില്ലെന്ന് അദ്ദേഹം രാജി വെച്ചന്ന് വ്യക്തമാക്കിയിരുന്നു.
https://www.facebook.com/Malayalivartha