ജമ്മുവില്‍ മരിച്ച ജവാന്‍ സാം എബ്രഹാമിന്റെ അമ്മയുടെ കണ്ണീരിനു മുന്നില്‍ പിടിച്ചു നില്‍ക്കാനാകാതെ ആലപ്പുഴ ജില്ല കളക്ടര്‍ ടി വി അനുപമ. ധീരജവാന്റെ അമ്മ സാറാമ്മയുടെ നെഞ്ചുപൊട്ടുന്ന വേദന കണ്ടാണു കളക്ടര്‍ ടി വി അനുപമയ്ക്ക് തേങ്ങിക്കഴിഞ്ഞത്. പാക്കിസ്ഥാന്‍ നടത്തിയ വെടിവയ്പ്പിലാണു സാം എബ്രാഹം വീരമൃത്യൂ വരിച്ചത്.

മകനെകുറിച്ചുള്ള ഓര്‍മ്മകള്‍ പങ്കുവയ്ക്കുന്നതിനിടയിലാണ് അമ്മ സാറാമ്മ കരഞ്ഞത്. ഇതു കണ്ടു കളക്ടര്‍ വികാരഭരീതയാകുകയായിരുന്നു. എന്നാല്‍ പിന്നീട് അമ്മയെ ആശ്വസിപ്പിച്ചു. അമ്മ ധൈര്യമായിരിക്കം എന്നും മകനു വേണ്ടി ബാക്കിയുള്ള കാര്യങ്ങള്‍ ചെയ്യണം എന്നും അനുപമ പറഞ്ഞു. ജമ്മുവില്‍ മരിച്ച ജവാന്‍ സാം എബ്രഹാമിന്റെ മൃതദേഹം ഇന്നു കേരളത്തില്‍ എത്തിക്കും നാളെ രാവിലെ മാവേലിക്കരയിലേയ്ക്കു കൊണ്ടു പോകും.