ബസ് ഓടിക്കുന്നതിനിടയിലാ ഡ്രൈവറുടെ ഫോണ്‍ റിപ്പയറിങ് ! ദൃശ്യങ്ങൾ പുറത്തുവന്നപ്പോൾ കെ.എസ്.ആര്‍.ടി.സി. ഡ്രൈവര്‍ കുടുങ്ങി
കെ.എസ്.ആര്‍.ടി.സി. ബസ് ഓടിക്കുന്നതിനിടയിൽ ഡ്രൈവര്‍ മൊബൈല്‍ ഫോണ്‍ നന്നാക്കി. ഡ്രൈവർ ഫോണ്‍ തുറന്ന് സിം കാര്‍ഡും ബാറ്ററിയും മാറ്റി ഇടുന്നു, നമ്പര്‍ ഡയല്‍ ചെയ്ത് വിളിക്കാന്‍ ശ്രമിക്കുന്നു ഇത് കണ്ട യാത്രക്കാരിലൊരാള്‍ എല്ലാം മൊബൈലില്‍ പകര്‍ത്തുകയും ബസിന്റെ നമ്പരും സമയവും ഉള്‍പ്പെടെ ദൃശ്യങ്ങള്‍ ഫെയ്സ്ബുക്കിലും വാട്സ്‌ആപ്പിലുമായി പ്രചരിപ്പിക്കുകയും ചെയ്തു. ഇതോടെ കുമളി എ.ടി.ഒ: എ.ജെ. ഷാജി നടത്തിയ അന്വേഷണത്തെ തുടർന്ന് ഡ്രൈവറെ സസ്പെൻഡ് ചെയ്യുകയും ചെയ്തു.
അപകടകരമായ രീതിയില്‍ വാഹനമോടിച്ചതിന്റെ പേരില്‍ കുമളി ഡിപ്പോയിലെ ഡ്രൈവര്‍ ഇടുക്കി സ്വദേശി എം.ആര്‍. ജയചന്ദ്രനെയാണ് സസ്പെൻഡ് ചെയ്തത്. കോട്ടയം-കുമളി റൂട്ടിലോടുന്ന ആര്‍.എ.കെ. 580 നമ്പര്‍ ബസിലെ ഡ്രൈവറാണ് ജയചന്ദ്രന്‍. ബുധനാഴ്ച രാവിലെ എട്ടോടെ കോട്ടയത്തുനിന്നു പുറപ്പെട്ടപ്പോഴായിരുന്നു സംഭവം. ഡ്രൈവിങ്ങിനിടെ പോക്കറ്റില്‍നിന്നു താഴെവീണ മൊബൈല്‍ ഫോണ്‍ എടുത്തുവയ്ക്കുക മാത്രമാണു ചെയ്തതെന്നാണ് ജയചന്ദ്രന്‍ പറയുന്നത്.
https://www.facebook.com/Malayalivartha
