സംസ്ഥാന ഹജ്ജ് കമ്മിറ്റി സുപ്രീംകോടതിയില് നല്കിയ കേസിന്റെ അടിസ്ഥാനത്തില് 65നും 69നും ഇടയില് പ്രായമുള്ള അപേക്ഷകര്ക്ക് അവസരം
സംസ്ഥാന ഹജ്ജ് കമ്മിറ്റി സുപ്രീംകോടതിയില് നല്കിയ കേസിന്റെ അടിസ്ഥാനത്തില് 65നും 69നും ഇടയില് പ്രായമുള്ള അപേക്ഷകര്ക്ക് അവസരം. കോടതിവിധിയുടെ അടിസ്ഥാനത്തില് കേരളത്തില്നിന്നുള്ള അഞ്ചാംവര്ഷ അപേക്ഷകരായ 1,102 പേര്ക്ക് അവസരം നല്കിയതായി കേന്ദ്ര ഹജ്ജ് കമ്മിറ്റി സര്ക്കുലര് പുറപ്പെടുവിച്ചു. പുതിയ ഹജ്ജ് നയപ്രകാരം തുടര്ച്ചയായി അഞ്ചാം വര്ഷം അപേക്ഷിക്കുന്നവര്ക്ക് നേരിട്ട് അവസരം നല്കിയിരുന്നില്ല.
തുടര്ന്ന്, കേരളം കോടതിയെ സമീപിച്ചതോടെയാണ് 65നും 69നും ഇടയില് പ്രായമുള്ളവര്ക്ക് അനുമതി നല്കാന് കോടതി നിര്ദേശിച്ചത്. അഞ്ചാം വര്ഷക്കാരായി ഇന്ത്യയില് ആകെ 1,965 പേര് മാത്രമാണുള്ളത്. കേരളത്തിന് പുറമെ ഗുജറാത്ത്, മഹാരാഷ്ട്ര എന്നിവിടങ്ങളിലും ഈ വിഭാഗത്തിലുള്ള അപേക്ഷകരുണ്ട്. പുതുതായി അവസരം ലഭിച്ച അഞ്ചാം വര്ഷക്കാരായ മുഴുവന് അപേക്ഷകരും പാസ്പോര്ട്ട്, ഫോട്ടോ, മെഡിക്കല് സര്ട്ടിഫിക്കറ്റ്, നിശ്ചിത മാതൃകയിലുള്ള ഡിക്ലറേഷന് ഫോറം എന്നിവ സഹിതം ഏപ്രില് 30ന് സംസ്ഥാന ഹജ്ജ് കമ്മിറ്റി ഓഫിസില് നേരിട്ട് സമര്പ്പിക്കണമെന്ന് അസി. സെക്രട്ടറി അറിയിച്ചു. കൂടുതല് വിവരങ്ങള് ഹജ്ജ് ട്രെയിനര്മാരില് നിന്നും ഹജ്ജ് കമ്മിറ്റി വെബ്സൈറ്റായ www.keralahajcommittee.com
ല് നിന്നും ലഭിക്കും.
സൗദി പുതുതായി ഈ വര്ഷം ഇന്ത്യക്ക് അനുവദിച്ച ക്വോട്ടയായ 5,000 എണ്ണം കേന്ദ്ര ഹജ്ജ് കമ്മിറ്റി വിവിധ സംസ്ഥാനങ്ങള്ക്കായി വീതിച്ചു. മുസ്ലിം ജനസംഖ്യ അടിസ്ഥാനത്തില് പുതിയ ക്വോട്ടയില് കേരളത്തിന് 299 സീറ്റുകളാണ് ലഭിച്ചത്. കാത്തിരിപ്പ് പട്ടികയില് നിന്നുള്ളവര്ക്കാണ് പുതുതായി അവസരം ലഭിക്കുക.
പ്രവാസികള് 30നകം പാസ്പോര്ട്ട് സമര്പ്പിക്കണം
സംസ്ഥാന ഹജ്ജ് കമ്മിറ്റി മുഖേന ഈ വര്ഷത്തെ ഹജ്ജിന് അവസരം ലഭിച്ച പ്രവാസികളായ തീര്ഥാടകരുടെ പാസ്പോര്ട്ട് തിങ്കളാഴ്ചക്കകം സമര്പ്പിക്കണം. ഞായറാഴ്ചയും ഓഫിസ് പ്രവര്ത്തിക്കുമെന്ന് അസി. സെക്രട്ടറി അറിയിച്ചു.
https://www.facebook.com/Malayalivartha