നിപാ ബാധ തെലങ്കാന ആരോഗ്യവകുപ്പും ജാഗ്രതയില്
ആരോഗ്യ വകുപ്പ് ജാഗ്രത പുലര്ത്തുന്നതായി തെലങ്കാന ആരോഗ്യമന്ത്രി സി ലക്ഷ്മണ റെഡ്ഡി അറിയിച്ചു. പൂനെയിലെ നാഷണല് ഇന്സ്റ്റിറ്റിയൂട്ട് ഓഫ് വൈറോളജിയിലെ വിദഗ്ദരുമായി വിഷയത്തില് സംസാരിച്ചതായും അദ്ദേഹം വ്യക്തമാക്കി.
കര്ണ്ണാടകയും കേരളവുമായി അതിര്ത്തി പങ്കിടുന്ന ജില്ലകള്ക്ക് മുന്നറിയിപ്പ് നല്കിയിട്ടുണ്ട്. നിപാ ബാധ സംശയിക്കുന്ന രണ്ട് പേര് മംഗലാപുരത്ത് ചികിത്സയിലാണ്. ഇരുപത് വയസുള്ള യുവതിയും എഴുപത്തഞ്ച് കാരനായ പുരുഷനുമാണ് മംഗലാപുരത്ത് ചികിത്സയിലുള്ളത്. ഇവര് കേരളത്തിലെത്തിയിരുന്നതായും നിപാ ബാധിതരുമായി സമ്പര്ക്കം പുലര്ത്തിയിരുന്നതായും ആശുപത്രി അധികൃതര് അറിയിച്ചു.
അതേസമയം കേരളവുമായി അതിര്ത്തി പങ്കിടുന്നവ ഉള്പ്പെടെയുള്ള എട്ട് ജില്ലകളില് രോഗ ബാധയുണ്ടോ എന്ന് വ്യക്തമാക്കുന്ന ഡെയ്ലി റിപ്പോര്ട്ട് നല്കാന് കര്ണ്ണാടക ആരോഗ്യ സെക്രട്ടറി നിര്ദ്ദേശം നല്കിയിട്ടുണ്ട്. ചാമരാജ നഗര്, മൈസുരു, കൊടഗു, ദക്ഷിണ കന്നഡ, ഉത്തര കന്നഡ, ഷിവമോഗ, ചിക്കമംഗളൂര് എന്നീ ജില്ലകളിലാണ് ആരോഗ്യവകുപ്പ് നിര്ദ്ദേശം നല്കിയത്. മംഗലാപുരത്ത് പനിബാധിച്ചെത്തിയവരെ പ്രത്യേക വാര്ഡിലാണ് പാര്പ്പിച്ചിരിക്കുന്നത് ഇവിടെ നഴ്സുമാരടക്കം ആശുപത്രി ജീവനക്കാര് മുന്കരുതലുകളെല്ലാം പാലിക്കുന്നുണ്ടെന്ന് ഉറപ്പ് വരുത്തുന്നതിനും ആരോഗ്യ സെക്രട്ടറി നിര്ദ്ദേശം നല്കിയിട്ടുണ്ട്.
https://www.facebook.com/Malayalivartha