മുരിങ്ങയില പറിക്കുന്നതിനിടെ വൈദ്യുത ലൈനില് നിന്നും ഷോക്കേറ്റ് നവവധുവിന് ദാരുണാന്ത്യം
തൃശൂർ: തൃശ്ശൂരിൽ മുരിങ്ങയില പറിക്കുന്നതിനിടെ വൈദ്യുത ലൈനില് നിന്നും ഷോക്കേറ്റ് നവവധു മരിച്ചു. വീടിന്റെ മുകളിൽ നിന്നും ഇരുമ്പ് തോട്ടിയുപയോഗിച്ചു മുരിങ്ങയില പറിക്കുന്നതിനിടെയായിരുന്നു അപ്രതീക്ഷത അപകടം സംഭവിച്ചത്.
ചെന്ത്രാപ്പിന്നി ഹലുവ തെരുവില് പടിഞ്ഞാറ്റയില് സജിലിന്റെ ഭാര്യ അശ്വതിയാണ് (20) ആണ് മരിച്ചത്. ചൊവ്വാഴ്ച രാവിലെ പത്തരയോടെയായിരുന്നു സംഭവം. ടെറസിലേക്കു ചാഞ്ഞുനിന്നിരുന്ന മുരിങ്ങ അരിവാള് തോട്ടിയുപയോഗിച്ചു മുറിച്ചുമാറ്റുന്നതിനിടെ തോട്ടി വൈദ്യുതി ലൈനില് തട്ടുകയായിരുന്നു.
താഴെ നിന്നിരുന്ന ഭര്തൃ മാതാവ് ത്രിവേണിയാണ് അശ്വതി ഷോക്കേറ്റ് നില്ക്കുന്നതു കണ്ടത്. ത്രിവേണിയുടെ കരച്ചില് കേട്ട് അയല്വാസികളും, നാട്ടുകാരും എത്തി പ്രാഥമിക ശുശ്രൂഷ നല്കി ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. ആറു മാസം മുൻപാണ് അശ്വതിയും സജിലും തമ്മിലുള്ള വിവാഹം നടന്നത്. ഭർത്താവ് സജില് ഇപ്പോൾ വിദേശത്താണ്.
https://www.facebook.com/Malayalivartha