ഞങ്ങളെ വെറുതേവിടൂ..അന്യമതക്കാരനെ വിവാഹം ചെയ്ത പെണ്കുട്ടിയെ ഭീഷണിപ്പെടുത്തുന്ന എസ്.ഡി.പി.ഐക്കാരോട് യുവതി കേണപേക്ഷിക്കുന്ന ഫേസ്ബുക്ക് പോസ്റ്റ് വൈറലാകുന്നു
ഹിന്ദു മതത്തില് പെട്ട യുവാവിനെ വിവാഹം ചെയ്ത മുസ്ലിം യുവതിയ്ക്കെതിരെ എസ്.ഡി.പി.ഐക്കാരുടെ വധഭീഷണിയെന്ന് പെണ്കുട്ടിയുടെ ഫേസ്ബുക്ക് പോസ്റ്റ്. കൊല്ലത്തെ തേവലക്കര എന്ന പ്രദേശത്ത് താമസിക്കുന്ന ജാസ്മി ഇസ്മായില് എന്ന യുവതിയാണ് ഡി.ജി.പിക്ക് ഉള്പ്പെടെ പരാതി നല്കിയത്. പരാതി യുവതി ഫേസ്ബുക്കിലും പോസ്റ്റ് ചെയ്തിട്ടുണ്ട്.
പെണ്കുട്ടിയുടെ ഫേസ്ബുക്ക് പോസ്റ്റ് ഇങ്ങനെ...
എന്റെ പ്രിയ എസ്.ഡി.പി.ഐ പ്രവര്ത്തകരെ, അന്യ മതത്തില് പെട്ട ഒരു പയ്യനുമായി ഞാന് സ്നേഹിക്കുകയോ ,ജീവിക്കുകയോ ചെയ്തോട്ടേ ,നിങ്ങള് എന്തിനാണ് ഞങ്ങളുടെ പുറകില് വരുന്നതു ,നിങ്ങള്ക്കു ഞങ്ങളുടെ ജീവന് ആണോ വേണ്ടതു, ഞാനും ഈ ഭുമിയില് ജീവിക്കാന് ആഗ്രഹിക്കുന്നു, ദയവ് ചെയ്തു എന്നെയോ ഞാന് ഇഷ്ട്ടപ്പെടുന്ന വ്യക്തിയേയോ ഇല്ലാതാക്കാന് ശ്രമിക്കരുത്..
ഇത് എന്റെ ജീവിതമാണ് ഇതില് നിങ്ങള് തല ഇടരുത്. എന്റെ ജിവന് എത്ര നാള് ഉണ്ടെന്നു അറിയില്ല. എന്റെ ഇഷ്ട്ടം അറിഞ്ഞപ്പോള് എന്റെ നേരെ കമ്പിവടിയുമായി എന്റെ തല അടിച്ച് പൊട്ടിക്കാന് വന്നവന് ഇനി എന്നെ ഇല്ലാതാക്കും എന്ന് ഉറപ്പാണു, അതിന് കൂട്ട് തെക്കുംഭാഗം പോലിസും, എനിക്ക് ജീവിക്കണം. എന്നെ വെറുതെ വിടൂ..ഒരു അപേക്ഷയാണ്.
എസ്. ഡി.പി.ഐ എന്ന രാഷ്ട്രീയ പാര്ട്ടിയില് പ്രവര്ത്തിക്കുന്ന മൂന്ന് പ്രവര്ത്തകര് തങ്ങളുടെ നാശം അടങ്ങിയേ തീരുവെന്ന് വാശിപിടിക്കുന്നതായും യുവതി ചൂണ്ടിക്കാട്ടുന്നു.
https://www.facebook.com/Malayalivartha