ദാഹം ശമിപ്പിക്കാന് നെട്ടോട്ടം...
ഇന്ന് കേരളത്തിലെ 14 ജില്ലകളും നേരിടുന്ന ഏറ്റവും വലിയ പ്രശ്നം കുടിവെള്ളക്ഷാമമാണ്. അതുകൊണ്ട് തന്നെ വെള്ളത്തിനായി പരക്കം പായുകയാണ് ജനങ്ങള്. തെക്ക് പടിഞ്ഞാറന് മണ്സൂണിന്റെ ലഭ്യത കുറവും വേനലിന്റെ ആധിക്യവും വളരെ വലിയ രീതിയില് ജനങ്ങളെ അലട്ടുന്നു. ഈ സാഹചര്യത്തില് ജലത്തിനായി പത്ര പരസ്യം വരെ നല്കേണ്ടി വരുന്നു.
വാട്ടര് അതോറിറ്റിയില് നിന്നുള്ള വെള്ളത്തിന്റെ ലഭ്യതക്കുറവ് കാരണം ഫ്ലാറ്റുകള്, വിദ്യാഭ്യാസ സ്ഥാപനങ്ങള്, തൊഴില് സ്ഥാപനങ്ങള് എന്നിവിടങ്ങളില് നിന്നാണ് കൂടുതലായും പരസ്യങ്ങള് നല്കുന്നത്. ശുദ്ധ ജലത്തിന്റെ ലഭ്യത കുറവ് കാരണം പല സ്ഥാപനങ്ങളും ആവശ്യപ്പെടുന്നത് വിശ്വാസ്യയോഗ്യമായ ടാങ്കര് ലോറിയില് വെള്ളം എത്തിക്കുന്നവരെയാണ്.
ജൂണ് മുതല് സെപ്തംബര് വരെ 2039 മില്ലിമിറ്റര് മഴലഭ്യത വേണ്ടിയിരുന്ന അവസരത്തില് 1352 മില്ലിമീറ്റര് മഴയാണ് ലഭിച്ചത്. ഈ കാരണത്താല് റിസര്വയറുകള്, കിണര്, നദീ തടങ്ങള് എന്നിവിടങ്ങളിലെ ജലനിരപ്പ് കുറഞ്ഞു. ബാക്കിയുള്ള ജല സ്ത്രോതസ്സുകളില് പലതും ഉപയോഗിക്കാന് പറ്റാത്ത വിധം മലിനമാക്കപ്പെട്ടിരിക്കുന്നു.
ചടങ്ങുകള്ക്കും മറ്റും ജലം പുറത്തു നിന്ന് വാങ്ങേണ്ടിവരുന്നു. അതു കൊണ്ട് തന്നെ ഭീമമായ വില ഇടനിലക്കാര്ക്ക് നല്കേണ്ടി വരുന്നു. വെള്ളത്തിന്റെ പേരില് വന്കൊള്ള ഉടലെടുക്കുന്ന സാഹചര്യവും ഉണ്ടാകുന്നു. എന്നാല് പലപ്പോഴും ലഭിക്കുന്നത് ശുദ്ധ ജലമല്ല എന്നത് വാസ്തവമാണ്.
https://www.facebook.com/Malayalivartha