അപ്രതീക്ഷിത അതിഥിയെ കണ്ട് അതീവ സന്തോഷവാനായി ദിലീപ്
ദിലീപ് ജനപ്രിയ പട്ടം നേടിയതിന് പിന്നില് കുടുതലും കുടുംബ പ്രേക്ഷകരുടെ പിന്തുണയായിരുന്നു. ദിലീപിന്റെ തമാശപ്പടങ്ങള് കുട്ടികള്ക്കും വളരെ പ്രിയപ്പെട്ടതാണ്. ദിലീപിന് നിരവധി കുട്ടി ആരാധകരുമുണ്ട്. അത്തരമൊരു ആരാധികയാണ് ദിലീപിനെ തേടി ആലുവയിലെ വീട്ടിലുമെത്തിയത്.
സുമി രാജു എന്ന പെണ്കുട്ടിയാണ് ദിലീപിനെ തേടി ആലുവയിലെ വീട്ടിലെത്തിയത്. സാധാരണ പെണ്കുട്ടികളെ പോലെ അല്ല സുമി. ഓട്ടിസം ബാധിച്ച കുട്ടിയാണ്. നേരത്തെ ദിലീപ് സുമിയെ അങ്ങോട്ട് ചെന്ന് കണ്ടിരുന്നു. ഇപ്പോള് ദിലീപിനെ വീട്ടിലെത്തിയാണ് കണ്ടിരിക്കുന്നത്. നേരത്തെ ആശുപത്രിയില് കഴിയവേ ആണ് സുമിയെ ദിലീപ് കാണാനെത്തിയത്.2016 ജനുവരിയിലായിരുന്നു അത്. ഓട്ടിസം ബാധിച്ച് തിരുവനന്തപുരം പൂജപ്പുരയിലെ കുട്ടികളുടെ ആയുര്വേദ ആശുപത്രിയില് ചികിത്സയില് കഴിയുകയായിരുന്നു സുമി.
ദിലീപിനെ കാണുക എന്നതായിരുന്നു വലിയ ആഗ്രഹം. വാര്ത്തകളിലൂടെ സുമിയുടെ കാര്യം ദിലീപ് അറിഞ്ഞു. വിവരം അറിഞ്ഞ ഉടന് ദിലീപ് സുമിയുടെ മാതാപിതാക്കളുടെ ഫോണ് നമ്പര് വാങ്ങി വിളിച്ചു. സുമിയോട് ഫോണില് സംസാരിക്കുകയും ചെയ്തു. അത് മാത്രമല്ല ദിലീപ് ചെയ്തത്. പിറ്റേ ദിവസം പൂജപ്പുരയിലെ ആയുര്വേദ ആശുപത്രിയില് സുമിയെ കാണാന് നേരിട്ട് എത്തുകയും ചെയ്തു. സുമിയോടൊപ്പം അല്പസമയം ചെലവഴിച്ചാണ് ദിലീപ് മടങ്ങിയത്.
ഇത് പഴയ കഥ. നടി ആക്രമിക്കപ്പെട്ട കേസില് കുടുങ്ങിയതോടെ ദിലീപിന് പഴയ തിളക്കമൊന്നുമില്ല. എന്നാല് കുട്ടി ആരാധികയായ സുമി രാജുവിന് ദിലീപിനോടുള്ള ഇഷ്ടത്തെ അതൊന്നും ബാധിച്ചിട്ടില്ല. ജാമ്യം നേടി പുറത്തിറങ്ങിയ ദിലീപിനെ കാണാന് ആലുവയിലെ വീട്ടിലേക്ക് സുമിയും കുടുംബവും എത്തി. സുമിയേയും അനുജനേയും കൊണ്ടാണ് മാതാപിതാക്കള് ദിലീപിനെ കാണാനെത്തിയത്.
സുമി തന്നെ കാണാന് വന്നതില് ദിലീപും സന്തോഷവാനായിരുന്നു. സുമിയേയും സുമിയുടെ കഥയും വീട്ടിലുള്ളവര്ക്കെല്ലാം പറഞ്ഞു കൊടുത്ത ദിലീപ് ഒപ്പം നിർത്തി ഫോട്ടോ കൂടി എടുത്താണ് സുമിയെ യാത്രയാക്കിയത്. വീണ്ടും കാണാമെന്ന് ഉറപ്പ് നല്കിയാണ് സുമിയെ ദിലീപ് പറഞ്ഞയച്ചത്. അടൂര് സ്വദേശി മിനിയുടേയും രാജുവിന്റേയും മകളാണ് സുമി. ദിലീപ് സുമിയുടെ ഏറ്റവും പ്രിയപ്പെട്ട നടനാണ്.
https://www.facebook.com/Malayalivartha