രഹസ്യ ഭാര്യയുടെ പരമ രഹസ്യം പുറത്ത്... അറ്റ് തൂങ്ങിയ ജനനേന്ദ്രിയം എട്ട് മണിക്കൂര് നീണ്ട ശസത്രക്രിയയിലൂടെ വീണ്ടെടുത്തപ്പോള് യുവാവിന് വീണ്ടും മോഹം
പുരുഷന്മാരെ തോല്പ്പിക്കാനുള്ള അവസാന എളുപ്പത്തിലുള്ള അടവായി ജനനേന്ദ്രിയം മുറിക്കാന് തുടങ്ങിയത് അടുത്ത കാലത്താണ്. തിരുവനന്തപുരത്ത് സ്വാമി ഗംഗേശാനന്ദ തീര്ത്ഥപാദരുടെ ജനനേന്ദ്രിയം മുറിച്ചത് കഥ മാറി മറിഞ്ഞത് നമ്മള് കണ്ടതാണ്. അതുപോലെയായിരുന്നു കുറ്റിപ്പുറത്തെ രഹസ്യ ഭാര്യയുടെ ജനനേന്ദ്രീയം മുറിക്കലും. എല്ലാം മനസ്സിലുറപ്പിച്ചാണ് പെരുമ്പാവൂരില്നിന്ന് ഹൈറുന്നീസ കുറ്റിപ്പുറത്തെത്തിയത്. മറ്റൊരു വിവാഹത്തിന് തയ്യാറെടുത്ത ഭര്ത്താവിന്റെ ജനനേന്ദ്രിയമാണ് രഹസ്യ ഭാര്യ മുറിച്ചത്. പിന്നീട് വിദഗ്ദ ചികില്സയിലൂടെ ജനനേന്ദ്രീയം തുന്നിച്ചേര്ത്തു. എല്ലാം മംഗളമായപ്പോള് രഹസ്യ ഭാര്യയെ കോടതിയുടെ പിന്തുണയോടെ സ്വന്തമാക്കുകയാണ് ഇര്ഷാദ്. മലപ്പുറം തിരൂരിനടുത്ത പുറത്തൂര് കാവിലക്കാട് ബാവാക്കാെന്റ പുരയ്ക്കല് ഇര്ഷാദും(27) പെരുമ്പാവൂര് പൊതിയില് ഹൈറുന്നീസ(30)യും ഇനി ജീവിത പങ്കാളികള്.
കുറ്റിപ്പുറത്ത് യുവാവിന്റെ ജനനേന്ദ്രിയത്തിന് മുറിവേറ്റ സംഭവത്തിലുള്പ്പെട്ട ഇര്ാദും ഹൈറുന്നീസയും ഒന്നിച്ചുജീവിക്കാന് ആഗ്രഹിക്കുന്നതായി ഹൈക്കോടതിയെ ബോധിപ്പിക്കുകയായിരുന്നു. യുവാവിനെ വീട്ടുകാര് തടഞ്ഞുവെച്ചിരിക്കയാണെന്നു കാണിച്ച് ഹൈറുന്നീസ നല്കിയ ഹേബിയസ് കോര്പ്പസ് ഹര്ജിയിലാണിത്. സെപ്റ്റംബര് 21നാണ് കുറ്റിപ്പുറത്തെ ലോഡ്ജില് ഇര്ഷാദിന് ജനനേന്ദ്രിയത്തില് മുറിവേറ്റത്. വിവാഹവാഗ്ദാനം നല്കി വഞ്ചിക്കാന് ശ്രമിച്ചതിന് യുവാവിന്റെ ജനനേന്ദ്രിയം മുറിച്ചതിന് കേസായി. സംഭവത്തില് അറസ്റ്റിലായ യുവതി ജാമ്യത്തിലിറങ്ങിയാണ് ഹൈക്കോടതിയെ സമീപിച്ചത്.
ജനനേന്ദ്രിയത്തിലെ മുറിവ് അബദ്ധത്തില് പറ്റിയതാണെന്നും യുവതി മുറിച്ചതല്ലെന്നും യുവാവ് കോടതിയില് ബോധിപ്പിച്ചു. യുവതിയുടെകൂടെ ജീവിക്കാനാണ് ആഗ്രഹമെന്ന് അറിയിച്ചതിനെത്തുടര്ന്ന് കോടതി യുവാവിനെ സ്വന്തം ഇഷ്ടപ്രകാരം പോകാന് അനുവദിച്ചു. വിവാഹിതരാണെന്നും യുവാവിനെ വീട്ടുകാര് തടഞ്ഞുവെച്ചിരിക്കയാണെന്നുമാണ് യുവതി ഹേബിയസ് കോര്പ്പസ് ഹര്ജിയില് ബോധിപ്പിച്ചത്. ഏപ്രില് 12ന് പാലക്കാട്ട് ഒരു ഖാസിയുടെ കാര്മികത്വത്തില് വിവാഹം നടന്നെന്ന് യുവതി ബോധിപ്പിച്ചു. വൈകാതെ യുവാവ് കുവൈത്തില് പോയി. തിരികെ നാട്ടിലെത്തിയപ്പോള് യുവാവും യുവതിയും കുറ്റിപ്പുറത്തെ ലോഡ്ജില് മുറിയെടുത്തു.
വീട്ടുകാരുടെ എതിര്പ്പ് മാറിയില്ലെന്ന് യുവാവ് അറിയിച്ചു. വിഷമംമൂലം യുവതി ബ്ലെയിഡെടുത്ത് കൈമുറിക്കാനൊരുങ്ങി. അത് തടയവേയാണ് തനിക്ക് മുറിവേറ്റതെന്നാണ് യുവാവ് കോടതിയെ അറിയിച്ചത്. ഇത് കോടതി അംഗീകരിക്കുകയായിരുന്നു. ജനനേന്ദ്രീയം മുറിഞ്ഞ് ആശുപത്രിയില് ആയിരുന്നപ്പോഴും ഇര്ഷാദ് ഹൈറുന്നീസയെ തള്ളി പറഞ്ഞിരുന്നില്ല. ജനനേന്ദ്രിയം സ്വയം മുറിച്ചതാണെന്നും പരാതിയില്ലെന്നുമാണ് ഇര്ഷാദ് പൊലീസിനോട് പറഞ്ഞത്. എന്നാല് പൊലീസ് ഇത് വിശ്വസിച്ചില്ല. ഒപ്പമുണ്ടായിരുന്ന യുവതിയെ ചോദ്യം ചെയ്തപ്പോള് സത്യം പുറത്തായി. താനാണ് മുറിച്ചതെന്ന് ഹൈറുന്നീസ പൊലീസിന് മൊഴി നല്കി. പ്രണയം കൂടിയതിലുള്ള പ്രതികാരം. ഭര്ത്താവ് കൈവിട്ടുപോകാതിരിക്കാന്... വേണ്ടിയെടുത്ത അവസാന കരുതലാണിതെന്നും പറഞ്ഞു. ഇതോടെയാണ് കേസായതും യുവതിയെ അറസ്റ്റ് ചെയ്തതും.
ആദ്യ ഭര്ത്താവിന്റെ ദുര്നടപ്പ് സഹിക്കാതെയാണ് ഹൈറുന്നിസ വിവാഹ മോചനം തേടിയത്. ആക്രമണത്തിനിരയായ ഇര്ഷാദിന്റെ നാട്ടിലേക്കായിരുന്നു പെരുമ്പാവൂരില് നിന്ന് ഹൈറുന്നീസയെ ആദ്യം വിവാഹം ചെയ്തുകൊണ്ടുവന്നത്. വിവാഹമോചനം നേടിയ യുവതിയുടെ മൊബൈല് നമ്പറിലേക്ക് ഇര്ഷാദിന്റെ വിളിയെത്തി. ഇതോടെ പ്രണയം തുടങ്ങി. ഹൈറുന്നീസയ്ക്ക് ഇര്ഷാദിനെക്കാള് പ്രായക്കൂടുതലുണ്ടായിരുന്നു. പക്ഷേ അകലാന് മനസ്സ് സമ്മതിക്കില്ലെന്നായപ്പോള് രഹസ്യമായി വിവാഹം രജിസ്റ്റര് ചെയ്തു. എന്നാല് ഇര്ഷാദ് ചതിക്കാനൊരുങ്ങുന്നുവെന്ന് യുവതി തിരിച്ചറിഞ്ഞു. ഇര്ഷാദ് മറ്റൊരു സ്ത്രീയെ വിവാഹം കഴിക്കാനൊരുങ്ങിയതോടെ അവള് കത്തിയെടുത്തു. വിദേശത്തുള്ള ഇര്ഷാദ് നാട്ടിലെത്തിയപ്പോള് വിവാഹത്തില്നിന്ന് പിന്മാറാന് ആവശ്യപ്പെട്ടു. വീട്ടുകാരുടെ എതിര്പ്പിനെ കുറിച്ചായിരുന്നു ഇര്ഷാദിന് പറയാനുണ്ടായിരുന്നത്. ഇതിനിടെയാണ് ജനനേന്ദ്രീയം മുറിഞ്ഞത്.
സ്വയം മുറിച്ചതാണെന്ന ഇര്ഷാദിന്റെ ആദ്യമൊഴിയാണ് പൊലീസിനെ കുഴക്കിയത്. ഭര്ത്താവ് കൈവിട്ടു പോകാതിരിക്കാന് കൃത്യം നടത്തിയെന്ന് ഹൈറുന്നീസ പൊലീസിനോട് സമ്മതിച്ചെങ്കിലും ഇര്ഷാദ് നിലപാട് മാറ്റിയില്ല. എന്നിട്ടും യുവതിക്കെതിരെ വധശ്രമത്തിന് കേസ് എടുത്ത കുറ്റിപ്പുറം പൊലീസ് ഇവരെ അറസ്റ്റ് ചെയ്യുകയായിരുന്നു. യുവതിക്കെതിരെ വധ ശ്രമത്തിനാണ് കുറ്റിപ്പുറം പൊലീസ് കേസെടുത്തത്. സംഭവം നടന്ന ടൂറിസ്റ്റ് ഹോമിലെ മാനേജറുടെ മൊഴിയുടെ അടിസ്ഥാനത്തിലാണ് യുവതിയെ പ്രതിയാക്കി പൊലീസ് കേസെടുത്തത്. ഹൈക്കോടതിയില് ഇര്ഷാദ് നടത്തിയ വെളിപ്പെടുത്തലോടെ ഈ കേസ് അസ്ഥാനത്താകും. ഇര്ഷാദിന്റെ ജനനേന്ദ്രിയം എട്ടുമണിക്കൂര് നീണ്ട അപൂര്വ ശസ്ത്രക്രിയയിലൂടെ ആസ്റ്റര് മിംസിലെ ഡോക്ടര്മാര് കൂട്ടിച്ചേര്ത്തിരുന്നു.
ആസ്റ്റര് മിംസ് പ്ലാസ്റ്റിക് ആന്ഡ് റീകണ്സ്ട്രക്ടീവ് സര്ജറി വിഭാഗം മേധാവിയും സീനിയര് കണ്സല്റ്റന്റുമായ ഡോ. കൃഷ്ണ കുമാറിന്റെ നേതൃത്വത്തില് അടിയന്തര ശസ്ത്രക്രിയ നടത്തുകയായിരുന്നു. കഴിഞ്ഞ മാസം 21നാണ് 90 ശതമാനത്തിലധികം മുറിഞ്ഞ ജനനേന്ദ്രിയത്തോടെ ഇര്ഷാദിനെ ആശുപത്രിയില് പ്രവേശിപ്പിച്ചത്. ചികില്സ കഴിഞ്ഞ ശേഷമാണ് ഇരുവരും കോടതിയുടെ പിന്തുണയോടെ ഒന്നിക്കുന്നത്.
https://www.facebook.com/Malayalivartha