മത്സ്യകന്യക സിന്ഡ്രോം ബാധിച്ച് ഒട്ടിച്ചേര്ന്ന കാലുകളുമായി ജനിച്ച കുഞ്ഞ് നിമിഷങ്ങള്ക്കകം മരിച്ചു
ജീവനോടെ പ്രസവിച്ചെങ്കിലും മെര്മെയ്ഡ് സിന്ഡ്രോം അവസ്ഥയുമായി ജനിച്ച തന്റെ കുഞ്ഞ് മരണമടഞ്ഞതില് ആ അമ്മക്ക് സങ്കടം അടക്കാനാവുന്നില്ല. മഹാരാഷ്ട്രയിലെ ബീഡ് ഗ്രാമത്തിലാണ് പ്രസ്തുത ശിശു ജനിച്ചത്. 25-കാരിയായ ദിക്ഷ കാംബ്ലെ എന്ന യുവതിയാണ് സൈ റെനോമെലിയ എന്ന അസാധാരണ അവസ്ഥയുള്ള ശിശുവിനെ പ്രസവിച്ചത്.
എട്ടാം മാസത്തിലാണ് ശിശുവിന്റെ ജനനം. കുഞ്ഞിന്റെ അമ്മ ഈ എട്ടു മാസത്തിനിടെ തുടക്കത്തില് ഒരു തവണ മാത്രമാണ് സ്കാനിംഗിന് വിധേയയായത്. അത് കൊണ്ട് തന്നെ തന്റെ കുഞ്ഞിന് ഇങ്ങനെ ഒരു അവസ്ഥ ഉണ്ടെന്ന് പ്രസവിച്ചതിനു ശേഷമാണ് അറിഞ്ഞത് .
താനും തന്റെ ഭാര്യയും വിവരം അറിഞ്ഞു തകര്ന്നു പോയെന്നാണ് 32-കാരനായ ദിക്ഷയുടെ ഭര്ത്താവ് പറഞ്ഞത്. ഇത്തരത്തിലുള്ള കുഞ്ഞുങ്ങള് ഉണ്ടാകാമെന്ന് ആദ്യമായാണ് തങ്ങള് അറിയുന്നതെന്നും കുഞ്ഞിനായി കാത്തിരുന്ന തങ്ങളുടെ നിരാശ പറഞ്ഞറിയ്ക്കാന് ആവില്ലെന്നും നാനോബാ കാംബ്ലെ പറഞ്ഞു.
100000 പ്രസവങ്ങളില് ഒന്ന് മെര്മെയ്ഡ് സിന്ഡ്രോമുമായാണ് ജനിക്കുന്നതെന്നാണ് കണക്ക് എന്ന് മെഡിക്കല് വൃത്തങ്ങള് അറിയിച്ചു. ഇക്കഴിഞ്ഞ തിങ്കളാഴ്ച രാവിലെ പ്രസവവേദന അനുഭവപ്പെട്ടതിനെ തുടര്ന്നാണ് ദിക്ഷ ഭര്ത്താവുമൊത്ത് ആശുപത്രിയിലെത്തിയത്. മൂന്നു വര്ഷത്തിന് മുന്പ് ഈ ദമ്പതികളുടെ ഒരു കുഞ്ഞു പ്രസവത്തില് മരിച്ചിരുന്നു. ഇപ്പോള് ഇവര്ക്ക് ആരോഗ്യവതിയായ ഒരു മകളുണ്ട്.
ഏഴു മണിയോടെയാണ് അവര് ആശുപത്രിയില് എത്തിയതെന്നും 9-മണിയോടെ സ്വാഭാവിക പ്രസവം നടക്കുകയായിരുന്നുവെന്നും ആശുപത്രിയിലെ ഗൈനക്കോളജിസ്റ്റ് ആയ ഡോക്ടര് സഞ്ജയ് ബെന്സോഡെ പറഞ്ഞു. ഏതാണ്ട് ഒരു കിലോയോളം മാത്രമേ കുഞ്ഞിന് തൂക്കം ഉണ്ടായിരുന്നുള്ളൂ എന്ന് അദ്ദേഹം പറഞ്ഞു. പ്രസവ സമയത്ത് കുഞ്ഞിന്റെ കാലോ തലയോ പുറത്തു വരുമെന്ന് പ്രതീക്ഷിച്ചു നിന്ന ഡോക്ടര്മാര് ഇപ്രകാരം വാല്ച്ചിറക് പോലുള്ള ഒരു അവയവം പുറത്തു വന്നപ്പോള് ഞെട്ടിപോയത്രെ.
അത്യപൂര്വമായ മത്സ്യകന്യക സിന്ഡ്രോം ആണെന്ന് പിന്നീട് ഡോക്ടര്മാര്ക്ക് മനസ്സിലായി. തന്റെ മെഡിക്കല് വിദ്യാര്ത്ഥികളില് ആരും ഇത്തരം ഒരു ശിശുവിന്റെ ജനനം കണ്ടിട്ടുണ്ടായിരുന്നില്ലെന്നും ഡോക്ടര് തുടര്ന്ന് പറഞ്ഞു. കുഞ്ഞിന്റെ കാലുകള് കൂടി ചേര്ന്ന് വാല്ചിറക് പോലെ രൂപപ്പെട്ടിരുന്നത് കൂടാതെ ആ കുഞ്ഞ് ആണാണോ പെണ്ണാണോ എന്ന് തിരിച്ചറിയാനാകാത്ത വിധത്തില് അതിന്റെ ലൈംഗികാവയവം പ്രകടമായിരുന്നില്ല. മാസം തികയാതെ പ്രസവിക്കുന്ന മറ്റു കുഞ്ഞുങ്ങളെ പ്പോലെ ശുശ്രൂഷകള് നല്കിയിരുന്നെങ്കില് പോലും ആ കുഞ്ഞ് അധിക സമയം ജീവിക്കുമായിരുന്നില്ലെന്ന് ഡോക്ടര്മാര് പറഞ്ഞു. ആന്തരിക അവയവങ്ങളില് പലതും ശരിയായി വികസിച്ചിരുന്നില്ലെന്നും അവര് കണ്ടെത്തി.
തന്റെ കുഞ്ഞിനെ ഇത്തരമൊരു അവസ്ഥയില് കണ്ടതിന്റെ ഞെട്ടലും നിരാശയും കാംബ്ലെ കുടുംബത്തിന് മാറിയിട്ടില്ല. തങ്ങള് ദിവസക്കൂലിക്ക് ജോലി ചെയ്തു ജീവിക്കുന്ന സാധു കുടുംബം ആണെന്നും തങ്ങളുടെ ആദ്യകുഞ്ഞ് പ്രസവിച്ചു ഒരു ദിവസം കഴിഞ്ഞ ഉടനെ തന്നെ മരിച്ചതിനാല് രണ്ടാമത് ഗര്ഭിണി ആയപ്പോള് കൃത്യമായ സ്കാനിംഗ് ഒക്കെ നടത്തിയിരുന്നുവെന്നും ഇത്തവണ തുടക്കത്തില് ഒരു തവണ മാത്രമാണ് സ്കാന് ചെയ്തതെന്നും കാംബ്ലെ വേദനയോടെ പറഞ്ഞു. കുഞ്ഞിന് ചില പ്രശ്നങ്ങള് ഉണ്ടെന്ന്്് അന്ന് പറഞ്ഞിരുന്നതിനാല് എന്ത് ആരോഗ്യ പ്രശ്നമായാലും അത് കേള്ക്കാന് ഒരുങ്ങി ഇരിക്കയായിരുന്നു തങ്ങളെന്നും എന്നാലും തങ്ങളുടെ കുഞ്ഞിന് മീന് രൂപം ഉണ്ടായത് തങ്ങളെ നടുക്കി കളഞ്ഞുവെന്നും അയാള് തുടര്ന്ന് പറഞ്ഞു.
https://www.facebook.com/Malayalivartha