ഇന്ത്യ-ബംഗ്ലാദേശ് ടെസ്റ്റ്; കോഹ്ലിക്കും മുരളി വിജയ്ക്കും സെഞ്ച്വറി; ഇന്ത്യ മികച്ച സ്കോറിലേക്ക്
ഇന്ത്യയും ബംഗ്ലദേശും തമ്മിലുള്ള ടെസ്റ്റിന്റെ ആദ്യദിനത്തില് ഇന്ത്യ ശക്തമായ നിലയില്. ഒന്നാം ദിനം കളിയവസാനിപ്പിക്കുമ്പോള് ഇന്ത്യ 3 വിക്കറ്റ് നഷ്ടത്തില് 356 റണ്സ് എടുത്തിട്ടുണ്ട്. 111 റണ്സ് നേടി സെഞ്ചുറിയോടെ വിരാട് കോഹ്ലിയും 45 റണ്സെടുത്ത് അജിങ്ക്യ രഹാനയുമാണ് ക്രീസില്.
നേരത്തെ കളി തുടങ്ങി ആദ്യ ഓവറില് തന്നെ ലോകേഷ് രാഹുലിന്റെ വിക്കറ്റ് ഇന്ത്യക്ക് നഷ്ടമായിരുന്നു. അതിന് ശേഷം സെഞ്ച്വറി നേടിയ മുരളി വിജയ്!യുടെയും അര്ദ്ധസെഞ്ചുറി നേടിയ ചേതേശ്വര് പൂജാരയുടെയും ബലത്തില് ഇന്ത്യ തിരിച്ചടിക്കുകയായിരുന്നു. വിജയ് 108 റണ്സും പൂജാര 83 റണ്സെടുത്തും പുറത്തായി.
ബംഗ്ലാദേശിന് വേണ്ടി ടാസ്കിന് അഹമ്മദും മെഹ്ദി ഹസ്സനും തൈജുല് ഇസ്ലാമും ഓരോ വിക്കറ്റ് വീതം നേടി.
https://www.facebook.com/Malayalivartha