സംസ്ഥാനത്ത് ട്യൂഷന്‍ സെന്ററുകളുടെ എണ്ണം കുറയ്ക്കല്‍ വിദ്യാഭ്യാസ വകുപ്പിന്റെ പരിഗണനയിലാണെന്ന് മന്ത്രി വി.ശിവന്‍കുട്ടി. വിദ്യാര്‍ത്ഥികളുടെ മാനസികസംഘര്‍ഷം ഒഴിവാക്കാനാണിത്.കുട്ടികള്‍ക്ക് കളിക്കാനും പത്രം വായിക്കാനും സമയം ലഭിക്കുന്നില്ല. നല്ല കഴിവുള്ളവരാണ് നമ്മുടെ അദ്ധ്യാപകര്‍.

എന്നാല്‍ ചില രക്ഷിതാക്കള്‍ക്ക് കുട്ടികളെ ട്യൂഷന് വിട്ടേ മതിയാകൂ. സ്‌കൂള്‍ സമയക്രമീകരണത്തെക്കുറിച്ച് ആരും പരാതി നല്‍കിയിട്ടില്ല പ്രായോഗിക ബുദ്ധിമുട്ടുകളുണ്ടെങ്കില്‍ സര്‍ക്കാരിനെ അറിയിക്കണം. പരാതി ലഭിച്ചാല്‍ ചര്‍ച്ചയ്ക്ക് തയ്യാറാണ്. പല വിദ്യാഭ്യാസ സ്ഥാപനങ്ങളും ക്ലാസ് തുടങ്ങുന്നത് പല സമയങ്ങളിലാണ്.

എന്‍ട്രന്‍സ് കോച്ചിംഗ് സ്ഥാപനങ്ങള്‍ ലക്ഷങ്ങളാണ് വാങ്ങുന്നത്. കുട്ടികളുടെ കോച്ചിംഗിന് വേണ്ടി കുടുംബസമേതം സ്ഥാപനങ്ങള്‍ക്കരികെ വീടെടുത്ത് താമസിക്കുന്ന സ്ഥിതിയാണുള്ളത്.


90 ശതമാനത്തിന് മേല്‍ മാര്‍ക്കുള്ള കുട്ടികള്‍ക്കാണ് പല കോച്ചിംഗ് സെന്ററുകളും അഡ്മിഷന്‍ പോലും നല്‍കുന്നത് അങ്ങനെ പഠിക്കുന്ന കുട്ടികള്‍ക്ക് എന്‍ട്രന്‍സ് കോച്ചിങ്ങിന്റെ ആവശ്യമില്ലെന്നാണ് തന്റെ അഭിപ്രായം. കോച്ചിംഗ് സ്ഥാപനങ്ങളുടെ ഫീസ് സംബന്ധിച്ച് നിരവധി പരാതികളുണ്ടെന്നും മന്ത്രി .