ബോളിവുഡ് നടി അനുഷ്ക ശർമ്മക്കെതിരെ ഗൂർഖ അസോസിയേഷൻ ദേശീയ മനുഷ്യാവകാശ കമ്മീഷനിൽ പരാതി നൽകി ​. ആമസോൺ പ്രൈമിൽ സ്ക്രീൻ ചെയ്ത അനുഷ്ക ശർമ്മയുടെ പാതാൾ ലോക് എന്ന വെബ് ടെലിവിഷൻ സീരീസിൽ ​ഗൂർഖകൾക്ക് എതിരായി നടത്തിയ പരാമർശമാണ് വിവാദമായത്
‘ഓൾ അരുണാചൽ പ്രദേശ് ​ഗൂർഖ യൂത്ത് അസോസിയേഷൻ’ ആണ് പരാതി നൽകിയത്.

​ഗൂർഖകൾക്കെതിരെ ടെലിവിഷൻ സീരിസിൽ ലൈം​ഗിക അധിക്ഷേപം നടത്തിയെന്ന് പരാതിക്കാർ ആരോപിക്കുന്നു. ഈ ആഴ്ച്ച ഭാരതീയ ​ഗൂർഖ യുവ പരിസംഘും സംഘടനയുടെ തന്നെ യൂത്ത് വിങ്ങും സീരീസിലെ ഒരു രം​ഗം എടുത്തുമാറ്റണമെന്നും സബ്ടൈറ്റിൽ ഉൾപ്പെടെ നീക്കണമെന്നും ആവശ്യപ്പെട്ട് ഓൺലൈൻ ക്യാമ്പയിൻ നടത്തിയിരുന്നു.

സീരീസിലെ ഒരു വനിതാ കഥാപാത്രത്തിനെതിരെ വംശീയ പരാമർശം നടത്തുന്നുണ്ടെന്നും അവർ മേഘാലയയിലെ ഖാസി വിഭാ​ഗത്തിൽപ്പെടുന്നവരാണെന്നും പരാതിക്കാർ പറയുന്നു. ‌

ഇത്തരം രം​ഗങ്ങളും സംഭാഷണങ്ങളും വംശീയത സ്വാഭാവികമാക്കി തീർക്കും. ഇതിനു പുറമെ ഒരു പ്രത്യേക വിഭാ​ഗത്തെ തെറ്റായ രീതിയിൽ ചിത്രീകരിക്കുന്നതിനും ഇത് സ​ഹായിക്കുമെന്ന് ​ഭാരതീയ ​​ഗൂർഖ യുവ പരിസംഘിന്റെ പ്രസിഡന്റ് നന്ദ കിരാട്ടി ദേവൻ പറഞ്ഞു. അനുഷ്ക ശർമ്മയ്ക്കെതിരെ നിയമ നടപടി സ്വീകരിക്കുമെന്നും ഇവർ പറയുന്നു.

2008-ൽ പുറത്തിറങ്ങിയ റബ് നെ ബനാ ദെ ജോഡി എന്ന സിനിമയിലെ നായികാ കഥാപാത്രമായിട്ടാണ് അനുഷ്ക ചലച്ചിത്രരംഗത്തെത്തിയത്