സംവിധായകന് കമലിനെ ചലച്ചിത്ര അക്കാദമി അധ്യക്ഷ സ്ഥാനത്ത് നിന്ന് മാറ്റണമെന്ന ആവശ്യം സര്ക്കാര് നിരാകരിക്കുമെന്ന് സൂചന .
സംവിധായകന് കമലിനെ ചലച്ചിത്ര അക്കാദമി അധ്യക്ഷ സ്ഥാനത്ത് നിന്ന് മാറ്റണമെന്ന ആവശ്യം സര്ക്കാര് നിരാകരിക്കുമെന്ന് സൂചന .ചലച്ചിത്ര അക്കാദമിയില് കഴിഞ്ഞ ഏതാനും മാസങ്ങളായി നടക്കുന്ന ചക്കളത്തിപോരിന്റെ ഭാഗമാണ് ഇപ്പോള് കമലിനെതീരെ ഉയര്ന്നിരിക്കുന്ന ആരോപണങ്ങളെന്ന് സര്ക്കാര് വിശ്വസിക്കുന്നു. കമലിനോട് അക്കാദമിയിലെ ചില ജീവനകാര്ക്ക് എതിര്പ്പുണ്ട്. അവരില് ഒരാള് അടുത്ത കാലത്ത് അക്കാദമിയിലെ ജോലി രാജിവച്ചു. കമലിനെതീരെ പെട്ടെന്ന് പൊട്ടിപുറപ്പെട്ട സംഭവങ്ങള് അക്കാദമിക്ക് ഉള്ളില് നിന്ന് ഉണ്ടായതാണെന്ന് സര്ക്കാര് കരുതുന്നു.
മന്ത്രി കെ. റ്റി ജലീലിനെതിരെ നടപടി വേണമെന്ന ആവശ്യം നിരാകരിച്ചത് പോലെ തന്നെയാണ് കമലിനെതിരായ നടപടിയും സര്ക്കാരും മുഖ്യമന്ത്രിയും നിരാകരിച്ചത്. ബിജെപി യുടെ തന്ത്രം വിലപ്പോവില്ലെന്ന ശക്തമായ സൂചനയാണ് സര്ക്കാര് നല്കുന്നത്.
ജനം ടി വിയും ജന്മഭൂമിയും ചേര്ന്ന് ഉയര്ത്തി കൊണ്ടു വന്ന വിവാദം അവാസ്തമാണെന്ന രീതിയിലാണ് സര്ക്കാര് മുന്നോട്ടു പോകുന്നത്. ഇതിന് കാരണമായി സര്ക്കാര് ചുണ്ടികാണിക്കുന്നത് കമലിന്റെ പേര് കമാലുദീന് മുഹമ്മദ് മജീദ് എന്നാണ് ജനവും ജന്മഭൂമിയും വിശേഷിപ്പിക്കുന്നത് എന്നാണ്. കമലിന്റെ പേര് കമാലുദീന് എന്നാണെന്ന് കേരളത്തില് അധികമാര്ക്കും അറിയില്ല. കമലിന്റെ പേരില് പോലും വര്ഗീയത കൊണ്ടുവന്നവര്ക്ക് കൃത്യമായ അജണ്ടയുണ്ടെന്ന് സര്ക്കാര് കരുതുന്നു.
കമലിനെതിരെ വര്ഗീയ വിഷം കുത്തി വയ്ക്കാന് ശ്രമിക്കുന്നു എന്നാണ് സര്ക്കാരിന്റെ വിശ്വാസം. യുവ നടി കമലിനെതിരെ ഉയര്ത്തിയത് ലൈംഗിക ആരോപണമാണ്. സിനിമയിലെ ലൈംഗിക ചൂഷണം അവസാനിപ്പിക്കാന് ജുഡീഷ്യല് കമ്മീഷനെ നിയോഗിച്ച സര്ക്കാരാണ് പിണറായിയുടേത് .2019 ഡിസംബര് 30 ന് ഇവര് സര്ക്കാരിന് ശുപാര്ശ സമര്പ്പിച്ചു. അതില് ജില്ലാ ജഡ്ജിയുടെ നേതൃത്വത്തില് ട്രൈബ്യൂണല് രൂപീകരിക്കണമെന്ന് പറഞ്ഞിട്ടുണ്ട്.എന്നാല് എല്ലാ ജുഡിഷ്യല് കമ്മീഷന് റിപ്പോര്ട്ടുകളും പോലെ സര്ക്കാര് ഇതിനെയും അവഗണിച്ചു.
ദിലീപിനെതീരെ ആരോപണം ഉണ്ടായപ്പോള് അതികര്ശനമായി നേരിട്ട സര്ക്കാരാണ് കേരളം ഭരിക്കുന്നത്. അതിന് പിന്നില് സര്ക്കാരിനും സി പി എമ്മിനും വ്യക്തമായ രാഷ്ട്രീയമുണ്ടെന്നാണ് അക്കാലത്ത് ആരോപണം ഉയര്ന്നിരുന്നു. അക്കാര്യം സി പി എം നിഷേധിച്ചിട്ടില്ല.
കമലിനെതിരായ ആരോപണങ്ങളെ കുറിച്ച് സര്ക്കാരിനുളളില് അന്വേഷണം നടന്നെങ്കിലും ആരോപണങ്ങള് തെറ്റൈന്നാണ് കണ്ടെത്തിയിരിക്കുന്നത്.
https://www.facebook.com/Malayalivartha