ചിലരുണ്ട് വിവാദങ്ങള്‍ ഇല്ലെങ്കില്‍ ഞങ്ങളില്ല എന്നു പറയുന്നവര്‍ അത്തരത്തില്‍ രണ്ടുപേരാണ് നസ്രിയയും രഞ്ജിനിയും. ഇത്തവണ രഞ്ജിനി പട്ടിവിഷയം അല്ല ഇത്തരി ആനക്കാര്യത്തിലാണ് പ്രശ്‌നം. ആനക്കൊമ്പില്‍ തൂങ്ങി നടന്‍ ഫഹദ്ഫാസില്‍ പുലിവാല് പിടിച്ചത് മാസങ്ങള്‍ക്ക് മുമ്പായിരുന്നു. ദേ തൊട്ടുപിന്നാലെ ഭാര്യ നസ്രിയഫഹദും ആനയെക്കൊണ്ടുള്ള പുകിലില്‍ കുരുങ്ങി. കോടനാട് നടത്തുന്ന ആനസവാരിയില്‍ പങ്കെടുത്തതാണ് നസ്രിയയ്ക്ക് തിരിച്ചടിയായത്.
വനംവകുപ്പിന്റെ കൈവശമുള്ള ആനകളെ ഉപയോഗിച്ച് കോടനാട് നടത്തുന്ന ആനസവാരിയിലാണ് രണ്ടുപേരും പങ്കെടുത്തത്.ഇക്കാര്യത്തില്‍ ശിക്ഷണ നടപടികള്‍ ആവശ്യപ്പെട്ട് തൃശൂര്‍ ഹെറിറ്റേജ് ആനിമല്‍ ഫോഴ്‌സ് രംഗത്ത് വന്നു. അനുമതി ഇല്ലാതെ ആനകളെ സവാരിക്ക് ഉപയോഗിച്ചെന്നാണ് ആരോപണം.
ആനകളെ ഉപയോഗിക്കാന്‍ കേന്ദ്ര മൃഗക്ഷേമ ബോര്‍ഡിന്റെ അനുമതി വേണമെന്ന നിയമം ലഘിച്ചെന്നും ചൂണ്ടിക്കാട്ടിയിട്ടുണ്ട്. ഇക്കാര്യം ചൂണ്ടിക്കാട്ടി തൃശൂര്‍ ഹെറിറ്റേജ് ആനിമല്‍ ടാസ്‌ക് ഫോഴ്‌സ് സെക്രട്ടറി വി.കെ.വെങ്കിടാചലം കേന്ദ്ര മൃഗക്ഷേമ ബോര്‍ഡിനും കേന്ദ്ര വനം ഡയറക്ടര്‍ ജനറലിനും പരാതി അയച്ചു. കോടനാട് ഡിഎഫ്ഒയ്ക്കും നടികള്‍ക്കുമെതിരെ നടപടി സ്വീകരിക്കണമെന്നും ആവശ്യമുണ്ട്.
സവാരിക്ക് ആനകളെ ഉപയോഗിക്കമ്പോള്‍ കേന്ദ്ര മൃഗക്ഷേമ ബോര്‍ഡിന്റെ അനുമതി വേണമെന്ന് 2014 ഡിസംബര്‍ 4 ന് കേരള ഹൈക്കോടതിയാണ് ഉത്തരവ് പുറപ്പെടുവിച്ചത്. വനംവകുപ്പിന്റെ കൈവശമുള്ള ആനകള്‍ക്കൊന്നും തന്നെ ഉടമസ്ഥാവകാശം തെളിയിക്കുന്ന സര്‍ട്ടിഫിക്കറ്റ് ഇല്ലാത്തതിനാല്‍ കേന്ദ്ര മൃഗക്ഷേമ ബോര്‍ഡിന്റെ അനുമതി ലഭ്യമാവുക എളുപ്പമല്ല.

 അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha