ഗായകന്‍ അഫ്‌സലിന്റെ മകള്‍ മുഹ്സിന വിവാഹിതയായി. ചാവക്കാട് സ്വദേശിയായ മിദിലാജ് ആണ് വരന്‍. കൊച്ചി അസീസിയ കണ്‍വെന്‍ഷന്‍ സെന്ററില്‍ ഇന്നലെയായിരുന്നു വിവാഹം. അഫ്‌സലിന്റെ മൂന്നാമത്തെ മകളായ മുഹ്‌സിന എംബിഎ ബിരുദധാരിയാണ്. മിദിലാജ് ദോഹയില്‍ ആര്‍ക്കിടെക്ട് ആണ്. സിനിമാ പിന്നണി ഗാനരംഗത്തെ പ്രമുഖര്‍ ചടങ്ങില്‍ പങ്കെടുത്തു.

ഗായകരായ സുജാത, രാജലക്ഷ്മി, ജ്യോത്സ്‌ന, അന്‍വര്‍ സാദത്ത്, സുദീപ് കുമാര്‍, ഗണേശ് കുമാര്‍, സന്നിധാനന്ദന്‍, ജി ശ്രീറാം, ബിജിബാല്‍, കെ കെ നിഷാദ്, പന്തളം ബാലന്‍, പ്രദീപ് പള്ളുരുത്തി, വൃന്ദ മേനോന്‍, മഞ്ജു മേനോന്‍, ദേവാനന്ദ തുടങ്ങിയവര്‍ പങ്കെടുത്തു. വിവാഹച്ചടങ്ങിലെ വീഡിയോ ഗായിക രാജലക്ഷ്മി പങ്കുവച്ചത് ശ്രദ്ധനേടുകയാണ്.