ജയില്പുള്ളികള്ക്കൊപ്പം മേളപ്പെരുക്കത്തിന് തയ്യാറായി ജയറാം
താരങ്ങള്ക്കിടയില് വ്യത്യസ്തനായി ജയറാം വീണ്ടും. സ്വാതന്ത്ര്യദിനത്തില് പ്രിയതാരം ജയറാമിനൊപ്പം മേളപ്പെരുക്കം തീര്ക്കാന് ഒരുങ്ങുകയാണ് കണ്ണൂര് സെന്ട്രല് ജയിലിലെ 18 തടവുകാര്. ജയറാമിനൊപ്പം സ്വാതന്ത്ര്യദിനം ഉത്സവമാക്കി മാറ്റാനുള്ള തയ്യാറെടുപ്പിലാണ് ജയിലധികൃതരും. നേരത്തെ തന്നെ തടവുകാര്ക്കൊപ്പം കൊട്ടിക്കയറാനുള്ള ആഗ്രഹം ജയറാം പ്രകടിപ്പിച്ചിരുന്നതാണ്. കഴിഞ്ഞ ഏപ്രില് 26ന് തടവുകാര്ക്ക് ചെണ്ടകളുമായി എത്താനുള്ള തയ്യാറെടുപ്പുകളും നടത്തിയിരുന്നു. എന്നാല് അന്ന് സിനിമാ തിരക്കുകള് കാരണം ജയറാമിന് എത്താനായില്ല.
എന്നാല് ജയിലില് അസുരവാദ്യത്തില് പരിശീലനം നടത്തുന്നവര്ക്കായി 10 ചെണ്ടകള് അദ്ദേഹം സമ്മാനിച്ചു. ജയറാം ഫാന്സ് അസോസിയേഷന് പ്രവര്ത്തകരാണ് അദ്ദേഹത്തിന് വേണ്ടി ചെണ്ടകള് ജയിലില് എത്തിച്ചത്. എ.പി. അബ്ദുള്ളക്കുട്ടി എം.എല്.എ ഇവ ജയില് സൂപ്രണ്ട് അശോകന് അരിപ്പയ്ക്ക് കൈമാറി. അന്നുതന്നെ പിന്നീടൊരിക്കല് ജയിലിലെത്താന് ശ്രമിക്കുമെന്ന് ജയറാം ജയില് അധികൃതരെയും കലാകാരന്മാരെയും അറിയിക്കുകയും ചെയ്തു.
വാദ്യം പഠിക്കാന് ഏറെ ആഗ്രഹിച്ചിരുന്ന പാലക്കാട് സ്വദേശിയായ ജീവപര്യന്തം തടവുകാരന് സുകുമാരന് ജയറാമിന് കത്തെഴുതിയതിനെ തുടര്ന്നാണ് ഒന്നര ലക്ഷം രൂപയുടെ 10 ചെണ്ടകള് അദ്ദേഹം ജയിലില് എത്തിച്ചത്. അതിന് മുമ്പു തന്നെ ജയിലില് 11 തടവുകാര് ചെണ്ടമേളം അഭ്യസിച്ചിരുന്നു. അവരുടെ അരങ്ങേറ്റവും ഗംഭീരമായി തന്നെ നടത്തുകയും ചെയ്തു. ആവശ്യമായ ചെണ്ടകള് അന്ന് വാടകയ്ക്കെടുക്കുകയായിരുന്നു. കുന്ദംകുളത്ത് നിര്മ്മിച്ച ഒന്നാംതരം ചെണ്ടകളാണ് ജയറാം തടവുകാര്ക്കായി നല്കിയത്.
ഏപ്രിലില് ജയിലിലെത്തി ചെണ്ട കൊട്ടാനുള്ള ആഗ്രഹം മറ്റു അസൗകര്യങ്ങളെ തുടര്ന്ന് അവസാന നിമിഷമാണ് ഉപേക്ഷിക്കേണ്ടിവന്നത്. പുതിയ സാഹചര്യത്തില് ആഗസ്റ്റ് 15ന് കണ്ണൂരില് എത്താനാണ് ഉദ്ദേശിക്കുന്നത്\' ജയറാം പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha