കരാര് പ്രകാരമുള്ള പ്രൊമോഷനില് പങ്കെടുത്തില്ല: നടന് ബിജു മേനോനെതിരെ ബി. ഉണ്ണികൃഷ്ണന്
നടന് ബിജു മേനോന് കരാര് പ്രകാരമുള്ള പ്രൊമോഷനില് പങ്കെടുക്കാത്തതിനെതിരായി ഫെഫ്ക ജനറല് സെക്രട്ടറി ബി. ഉണ്ണികൃഷ്ണന് രംഗത്ത്. സിനിമയില് അഭിനയിച്ച ശേഷം പ്രൊമോഷന് പങ്കെടുക്കാത്തതിനാല് നിര്മാതാവിന് 25 ലക്ഷം രൂപ നഷ്ടമായെന്ന് ബി. ഉണ്ണികൃഷ്ണന് കൊച്ചിയില് നടന്ന വാര്ത്ത സമ്മേളനത്തില് പറഞ്ഞു.
'മലയാള സിനിമയിലെ പ്രധാനപ്പെട്ട നടന് പ്രൊമോഷന് പോവാത്തതുകൊണ്ട് ഒരു നിര്മാതാവിന്, അദ്ദേഹം ഒരു സംവിധായകന് കൂടിയാണ്, കൂടാതെ ഞങ്ങളുടെ അംഗവുമാണ്, അദ്ദേഹത്തിന് 25 ലക്ഷം രൂപയാണ് ചാനലില്നിന്ന് കിട്ടാനുള്ള തുകയില് കുറഞ്ഞത്.
അതേ നടന്, ജീത്തു ജോസഫ് സംവിധാനംചെയ്ത സിനിമയിലും പ്രൊമോഷന് പോയിട്ടില്ല. ഞാന് ബിജു മേനോനെക്കുറിച്ചാണ് സംസാരിക്കുന്നത്. പേരുപറയാന് മടിയുള്ള ആളല്ല ഞാന്. പ്രൊമോഷന് എന്നത് പ്രൊഡ്യൂസേഴ്സ് അസോസിയേഷന്റെ കരാറിലുള്ള കാര്യമല്ലേ', ബി. ഉണ്ണികൃഷ്ണന് ചോദിച്ചു.
'പടം പ്രൊമോട്ട് ചെയ്യാനുള്ള ബാധ്യത എനിക്കാണെന്ന് കരാറില് ഒപ്പിട്ട ശേഷം പോവാതിരിക്കുക. അതിനെത്തുടര്ന്ന് നിര്മാതാവിന് 25 ലക്ഷം രൂപ നഷ്ടപ്പെടുക. ഇപ്പോള് വന്ന സിനിമയിലും ഇതുതന്നെയാണ് സംഭവിക്കുന്നത്', അദ്ദേഹം കൂട്ടിച്ചേര്ത്തു.
https://www.facebook.com/Malayalivartha
