സംസ്ഥാനത്ത് വേനൽമഴ കടുക്കുന്നു.ഇന്ന് ഒൻപത് ജില്ലകളിൽ ഒറ്റപ്പെട്ട സ്ഥലങ്ങളിൽ ശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു. പത്തനംതിട്ട, ആലപ്പുഴ, കോട്ടയം, എറണാകുളം ,ഇടുക്കി, കോഴിക്കോട്, വയനാട്, കണ്ണൂർ, കാസർകോട് ജില്ലകളിൽ മഴ മുന്നറിയിപ്പ് നൽകി.

അതിനിടെ കാലവർഷം ശ്രീലങ്കയിൽ എത്തി. സംസ്ഥാനത്ത് അടുത്തയാഴ്ച അവസാനത്തോടെ കാലവർഷമെത്തുമെന്നാണ് അറിയിപ്പ്. അതുവരെ വേനൽമഴയും തുടർന്നേക്കും. കേരളത്തിൽ ഇത്തവണ മൺസൂൺ മെയ് 26ഓടെ എത്താൻ സാധ്യതയുണ്ടെന്നും നാല് ദിവസം വരെ മുന്നോട്ടോ പിന്നോട്ടോ വ്യത്യാസം ഉണ്ടാകാമെന്നും വ്യക്തമാക്കി കാലാവസ്ഥാ വകുപ്പ്.