മകന്റെ സിനിമ ലൊക്കേഷനില് മോഹന്ലാലും സുചിത്രയുമെത്തി
താരപുത്രന് പ്രണവ് മോഹന്ലാലിനെ നായകനാക്കി വിനീത് ശ്രീനിവാസന് സംവിധാനം ചെയ്യുന്ന ചിത്രമാണ് ഹൃദയം. മകന്റെ സിനിമ ലൊക്കേഷനില് എത്തിയ മോഹന്ലാലിന്റെ വിഡിയോയാണ് ഇപ്പോള് സോഷ്യല് മീഡിയയില് വൈറലാവുന്നത്. താരത്തിനു പിറന്നാള് ആശംസകള് നേര്ന്ന് ഹൃദയത്തിന്റെ നിര്മാതാവായ വിശാഖ് സുബ്രഹ്മണ്യനാണ് വിഡിയോ പങ്കുവച്ചത്.
ഭാര്യ സുചിത്രയ്ക്കൊപ്പമാണ് താരം ഹൃദയത്തിന്റെ ലൊക്കേഷനില് എത്തിയത്. സംവിധായകന് വിനീത് ശ്രീനിവാസനും അണിയറപ്രവര്ത്തകരുമായി മോഹന്ലാല് സംസാരിക്കുന്നത് വിഡിയോയില് കാണാം. ലോക്കേഷന് മുഴുവന് ചുറ്റിക്കണ്ട് എല്ലാവര്ക്കുമൊപ്പം ഫോട്ടോ എടുത്ത ശേഷമാണ് താരം മടങ്ങിയത്. ലോക്ക്ഡൗണിന് മുന്പായി ചിത്രത്തിന്റെ ഷൂട്ടിങ് നടക്കുന്നസമയത്താണ് മോഹന്ലാല് ലൊക്കേഷനില് എത്തിയത്.
ഹൃദയത്തിന്റെ ചിത്രീകരണം പകുതിയോളം പൂര്ത്തിയായി കഴിഞ്ഞെന്നും ഷൂട്ടിങ് പൂര്ത്തിയായ ശേഷം ചിത്രത്തിന്റെ റിലീസ് പ്രഖ്യാപിക്കുമെന്നും നിര്മാതാവ് വ്യക്തമാക്കി. നിലവിലെ പ്രശ്നങ്ങള് മാറിയതിന് ശേഷം ലോകമെമ്ബാടും ഒരേ സമയം തിയറ്ററിലെത്തിക്കാനാണ് തീരുമാനംമെന്നും വൈശാഖ് കൂട്ടിച്ചേര്ത്തു. കല്യാണി പ്രിയദര്ശനാണ് ചിത്രത്തില് നായികയായി എത്തുന്നത്. തൊണ്ണൂറുകളിലെ ഹിറ്റ് കൂട്ടുകെട്ടായ ശ്രീനിവാസന് മോഹന്ലാന് പ്രിയദര്ശന് എന്നിവരുടെ മക്കള് മൂന്ന് പേരും ഒന്നിക്കുന്ന ചിത്രമെന്ന പ്രത്യേകതയും ഹൃദയത്തിനുണ്ട്.
https://www.facebook.com/Malayalivartha