വെറുതേ വീട്ടില് ഇരുന്നപ്പോള് ബോറടിച്ചില്ലേ... അരാധകരുടെ ചോദ്യത്തിന് മറുപടി നല്കി നസ്രിയ
ബാലതാരമായ് സിനിമയിലെത്തി നായികയായി മാറിയ താരമാണ് നസ്രിയ. നടന് ഫഹദ് ഫാസിലുമായുള്ള വിവാഹത്തെ തുടര്ന്ന് അഭിനയത്തില് നിന്നും ചെറിയൊരു ഇടവേള എടുത്ത നസ്രിയ, പിന്നീട് അഞ്ജലി മേനോന് ഒരുക്കിയ 'കൂടെ' എന്ന ചിത്രത്തിലൂടെയാണ് തിരിച്ചുവന്നത്. ഭര്ത്താവ് ഫഹദിനൊപ്പം അഭിനയിച്ച 'ട്രാന്സ്' ആണ് നസ്രിയ അഭിനയിച്ച ഏറ്റവും ഒടുവിലെ ചിത്രം. 2014 ല് നടന്ന ഫഹദുമായുള്ള വിവാഹശേഷം, കഴിഞ്ഞ ആറുവര്ഷത്തിനിടെ കേവലം രണ്ട് ചിത്രങ്ങളില് മാത്രമാണ് നസ്രിയ അഭിനയിച്ചതെങ്കിലും, നസ്രിയയുടെ താരപദവിക്ക് ഇപ്പോഴും ഒരു കോട്ടവും സംഭവിച്ചിട്ടില്ല.
ഇപ്പോഴിതാ, പ്രേക്ഷകര് ഏറെ നാളായ് ചോദിക്കാന് ആഗ്രഹിച്ച, എന്തുകൊണ്ട് തുടരെത്തുടരെ ചിത്രങ്ങള് ചെയ്യുന്നില്ല എന്ന ചോദ്യത്തിന്, സ്വതസിദ്ധമായ നിഷ്കളങ്ക ചിരിയോടുകൂടി മറുപടി നല്കിയിരിക്കുകയാണ് നസ്രിയ.എല്ലാവരും ചോദിക്കാറുണ്ട് ഇത്രയും നാള് അഭിനയിച്ചു നടന്നിട്ട് വെറുതേ വീട്ടില് ഇരുന്നപ്പോള് ബോറടിച്ചില്ലേയെന്ന്. ഒരിക്കലുമില്ല, സത്യം പറഞ്ഞാല്, വെറുതെ ഇരിക്കാന് നല്ല രസമാ, നസ്രിയ പറഞ്ഞു.
ഫഹദുമായുള്ള വിവാഹ ശേഷം, ഞങ്ങള് രണ്ടുപേരും സിനിമയില് നിന്നും ഒരു വര്ഷത്തോളം ബ്രേക്ക് എടുത്തിരുന്നു. ഒരുപാട് യാത്രകള് ചെയ്തു. പിന്നീട്, ഞാന് ഞങ്ങളുടെ വീട് സെറ്റ് ചെയ്യുന്നതിന്റെ തിരക്കുകളില് മുഴുകി. ഇതിനിടയില് സാധാരണ എല്ലാ പെണ്കുട്ടികളും ചെയ്യുന്ന കാര്യങ്ങളൊക്കെ ഞാനും ചെയ്തു കൊണ്ടിരുന്നു. വീണ്ടും അഭിനയിക്കാന് എന്നെ ഏറ്റവുമധികം പ്രോത്സാഹിപ്പിച്ചത് ഫഹദ് തന്നെയാണ്. ഞാന് അഭിനയിക്കാതിരുന്നാലോ, റൊമാന്റിക് റോളുകള് ചെയ്യാതിരുന്നാലോ ഫഹദ് പറഞ്ഞിട്ടാണെന്ന് തെറ്റിദ്ധരിക്കപ്പെടുമോയെന്ന സംശയം ഫഹദിനുണ്ടായിരുന്നു.
നല്ല കഥകള് വന്നാല് തുടര്ന്നും അഭിനയിക്കും. എന്നാല്, കഥ കേള്ക്കുമ്ബോള് എനിക്കൊരു ഫീല് കിട്ടണം. ആ ഫീലിനെ വിശ്വസിച്ചാണ് ഞാന് തീരുമാനമെടുക്കുക. ചിലപ്പോള് അടുത്ത നാലു വര്ഷത്തിന് ശേഷമാകും ഞാന് വീണ്ടും അഭിനയിക്കുന്നത്. ഒരു തിരക്കുമില്ല, പണത്തിനും പ്രശസ്തിക്കും വേണ്ടി മാത്രമല്ലല്ലോ സിനിമ ചെയ്യുന്നത്. ഞാന് മാത്രമല്ല എല്ലാവരും അഭിനയിക്കുന്നത് ആ ജോലി ആസ്വദിക്കുന്നതുകൊണ്ടാണ്, നസ്രിയ പറഞ്ഞു.
https://www.facebook.com/Malayalivartha
