ഗ്രീന് ഇന്ത്യ ചലഞ്ച് ഏറ്റെടുത്ത് വിജയ്...
മഹേഷ് ബാബുവിന്റെ ചലഞ്ച് ഏറ്റെടുത്തിരിക്കുകയാണ് നടന് വിജയ്. ചെന്നൈയിലെ തന്റെ വീട്ടുമുറ്റത്ത് മരം നട്ടാണ് വിജയ് ചലഞ്ച് പൂര്ത്തിയാക്കിയത്. ഗ്രീന് ഇന്ത്യ ചലഞ്ചിന്റെ ഭാഗമായാണ് താരം മരം നട്ടിരിക്കുന്നത്. തെലുങ്ക് താരം മഹേഷ് ബാബു ശ്രുതി ഹാസനെയും വിജയ്യെയും ഗ്രീന് ഇന്ത്യ ചലഞ്ച് ചെയ്യുകയായിരുന്നു. മരം നടുന്ന ചിത്രങ്ങള് താരം തന്നെയാണ് ട്വീറ്റ് ചെയ്തിരികക്കുന്നത്. ഒട്ടേറെ ആരാധകരാണ് വിജയ്യെ അഭിനന്ദിച്ച് കമന്റുകളുമായി രംഗത്ത് എത്തിയിരിക്കുന്നത്. തമിഴകത്തു നിന്നും തെലുങ്ക് സിനിമാലോകത്തു നിന്നും നിരവധി താരങ്ങള് ഈ ചലഞ്ചിന്റെ ഭാഗമായിരുന്നു. മഹേഷ് ബാബുവും ചലഞ്ച് ഏറ്റെടുത്ത് ഒരു വീഡിയോ പങ്കുവച്ചിരുന്നു. തന്റെ പിറന്നാള് ദിനത്തിലായിരുന്നു ചലഞ്ചിന്റെ ഭാഗമായി ഹൈദരാബാദിലെ തന്റെ വീട്ടില് മഹേഷ് ബാബു മരം നട്ടത്. ആഗസ്ത് 9നായിരുന്നു താരത്തിന്റെ ജന്മദിനം.മാസ്റ്റര് ആണ് വിജയ്യുടേതായി ഉടന് റിലീസിന് എത്തേണ്ട ചിത്രം. ആരാധകര് ഏറെ ആകാംക്ഷയോടെ കാത്തിരിക്കുന്ന ചിത്രവുമാണ് ഇത്. ലോകേഷ് കനകരാജ് ആണ് ചിത്രം സംവിധാനം ചെയ്യുന്നത്.
https://www.facebook.com/Malayalivartha