'ആടൈ' യുടെ ഹിന്ദി പതിപ്പില് കാമിനിയായി ശ്രദ്ധ കപൂര്?
തമിഴ് ചിത്രം ആടൈ ഹിന്ദിയിലേക്ക് റീമേക്ക് ചെയ്യുന്നുവെന്നും ചിത്രത്തില് കാമിനി ആയി എത്തുന്നത് ശ്രദ്ധ കപൂര് ആണെന്നുമാണ് പുതിയ വാര്ത്ത. അമലാ പോളിന്റെ ശ്രദ്ധേയമായ ചിത്രങ്ങളില് ഒന്നായിരുന്നു ആടൈ. രത്ന കുമാര് ആയിരുന്നു ആടൈ സംവിധാനം ചെയ്തത്. പ്രേക്ഷകരുടെയും നിരൂപകരുടെയും ശ്രദ്ധ ഒരുപോലെ ചിത്രത്തിന് ലഭിച്ചു. അമലാ പോളിന്റെ അഭിനയത്തെ ആരാധകര് പ്രശംസിച്ചിരുന്നു. ഇപ്പോള് ചിത്രം ഹിന്ദിയിലേക്ക് എത്തുമ്ബോഴും രത്നകുമാര് തന്നെയാകും സംവിധാനം ചെയ്യുക.
ആടൈയുടെ തമിഴ് പതിപ്പ് ഇറങ്ങിയ സമയത്ത് തന്നെ ചിത്രം ഹിന്ദിയിലേക്ക് റീമേക്ക് ചെയ്യുമെന്ന് അഭ്യൂഹങ്ങളുണ്ടായിരുന്നു. നായികയായി കങ്കണ റണൗട്ടിനെയാണ് ആദ്യം പരിഗണിച്ചതെന്നും ചില റിപ്പോര്ട്ടുകള് ഉണ്ടായിരുന്നു. എന്നാല് ചിത്രത്തില് നായികയായി ശ്രദ്ധ കപൂര് അഭിനയിച്ചേക്കുമെന്നാണ് സിനിമയുടെ പ്രവര്ത്തകര് ഇപ്പോള് സൂചിപ്പിക്കുന്നത്.
ശ്രദ്ധ കപൂറുമായി പ്രാഥമിക ചര്ച്ച നടന്നിട്ടുണ്ട്. ശ്രദ്ധ കപൂര് സിനിമയില് താല്പര്യം പ്രകടിപ്പിച്ചിട്ടുണ്ട്. പക്ഷേ ഔദ്യോഗികമായി സ്ഥിരീകരിച്ചിട്ടില്ല. ഹിന്ദി റീമേക്ക് അവകാശം വാങ്ങിയ അരുണ് പാണ്ഡ്യന് ആണ് ഇതുസംബന്ധിച്ച് സൂചനകള് നല്കിയത്.
https://www.facebook.com/Malayalivartha