അഞ്ചുവർഷം കൊണ്ട് മിനി സ്ക്രീൻ പ്രേക്ഷകരുടെ പ്രിയ പരമ്പരയായി മാറുകയായിരുന്നു ഉപ്പും മുളകും. പരമ്പരയിലെ ആയിരം എപ്പിസോഡുകൾക്ക് ശേഷം ലച്ചു പരമ്പരയിൽ നിന്ന് പിന്മാറിയത് പ്രേക്ഷകരിൽ കനത്ത നിരാശ ഉളവാക്കിയിരുന്നു. ആയതിനാൽ തന്നെ ലച്ചുവിനെ അവതരിപ്പിച്ച ജൂഹിയുടെ പിന്മാറ്റം പ്രേക്ഷകരെ സംബന്ധിടത്തോളം ഒരിക്കലും താങ്ങനായിരുന്നില്ല

അതോടൊപ്പം തന്നെ പരമ്പരയിൽ ലച്ചുവിൻ്റെ വിവാഹം മലയാള സീരിയൽ ചരിത്രത്തില്‍ ഇന്നേവരെ കാണാത്ത വിധത്തിലുള്ള തയാറെടുപ്പോടെയാണ് ടീം ഷൂട്ട് ചെയ്തത്. റിയൽ ലൈഫിനെ വെല്ലുന്ന റീൽ ലൈഫാണ് ഉപ്പും മുളകും പ്രേക്ഷകര്‍ക്ക് സമ്മാനിച്ചത്. ഈ ഒരൊറ്റ ഈവൻ്റിനായി ലക്ഷക്കണക്കിന് രൂപയാണ് അണിയറ പ്രവ‍ര്‍ത്തകര്‍ ചിലവാക്കിയത്. എന്നാൽ വിവാഹത്തിന് ശേഷമാണു ലച്ചുവായി എത്തിയ ജൂഹി പിന്മാറുന്നത്. പിന്മാറ്റത്തിന് ശേഷമാണ് കൂടുതൽ വെളിപ്പെടുത്തലുകൾ താരം പ്രേക്ഷകരോട് പങ്കുവച്ചതും.

അങ്ങനെ ആർഭാടപൂർവ്വമായ വിവാഹം, ഹണിമൂണിനായി ദമ്പതികളുടെ ഡൽഹി യാത്ര, തുടങ്ങിയ നിരവധി രംഗങ്ങൾ ആയിരുന്നു ലച്ചുവിന്റെ പിന്മാറ്റത്തിന് മുൻപ് വരെ സീരിയലിൽ നിറഞ്ഞു നിന്നത്. ഇതിനെപ്രതി നിരവധി ചർച്ചകളും പ്രേക്ഷകർ സോഷ്യൽ മീഡിയ വഴി നടത്തി. സാധാരണ ഒരു സീരിയലിൽ നിന്നും താരങ്ങൾ പിന്മാറുമ്പോൾ ഉണ്ടാകുന്ന പതിവ് ശൈലി തന്നെയല്ലേ ഈ പരമ്പരയിലും നടന്നത് എന്ന പ്രേക്ഷകരുടെ സംശയവും വർധിച്ചിരുന്നു. മാത്രമല്ല സോഷ്യൽ മീഡിയ പ്ളാറ്റ് ഫോമുകളിൽ സജീവമായിരുന്ന നടിയുടെ നിശബ്ദതയും പ്രേക്ഷകരുടെ സംശയത്തിന് ആക്കം കൂട്ടി.

അതേസമയമ് പ്രേക്ഷകർ നിരന്തരമായി ആവശ്യപ്പെട്ടതിനെ തുടർന്നാണ്, ഒരു ദിവസം സ്വന്തം യൂ ട്യൂബ് ചാനലിലൂടെ താൻ ഉപ്പും മുളകും പരമ്പരയിൽ ഇനി പ്രത്യക്ഷപെടില്ല എന്ന വെളിപ്പെടുത്തൽ നടത്തികൊണ്ട് ജൂഹി രംഗത്ത് വന്നത്. പഠനത്തിനുവേണ്ടി പരമ്പരയിൽ നിന്നും പിന്മാറുകയാണ് എന്നും ജൂഹി വെളിപ്പെടുത്തിയിരുന്നു. മാത്രവുമല്ല ഇനി കുറച്ചു യാത്രകൾ കോർത്തിണക്കി കൊണ്ട് ഒരു യൂ ട്യൂബ് ചാനൽ തുടങ്ങുകയാണ് എന്നും ജൂഹി പറഞ്ഞിരുന്നു. പെർഫെക്ട് സ്‌ട്രേഞ്ചേഴ്‌സ് എന്ന് പേരിട്ടുകൊണ്ട് ആരംഭിച്ച യൂ ട്യൂബ് ചാനൽ ലക്ഷകണക്കിന് ആരാധകർ ഏറ്റെടുത്തു.

എന്നാൽ നിരവധി വ്യൂവേഴ്‌സിനെ സമ്മാനിച്ച ആ വീഡിയോ ഇപ്പോൾ ജൂഹിയുടെ യൂ ട്യൂബ് ചാനലിൽ നിന്നും ഡിലീറ്റ് ചെയ്തതിനു പിന്നാലെയാണ് ആരാധകർ പുതിയ സംശയവുമായി രംഗത്ത് വന്നിരിക്കുകയാണ്. റോവിനുമായി ബ്രേക്ക് അപ് ആയോ എന്ന സംശയമാണ് ആരാധകർ ഇപ്പോൾ ഉയർത്തുന്നത്. മാത്രവുമല്ല ഇൻസ്റ്റയിൽ ജൂഹിയുടെ പ്രൊഫൈലിൽ റോവിന് ഒപ്പമുള്ള ചിത്രങ്ങൾ കാണാത്തതും ആരാധകരിൽ സംശയം ഉയർത്തിയിരിക്കുകയാണ്. റോവിനൊപ്പമുള്ള ഓർമ്മകൾ ഡിലീറ്റ് വേണ്ട എന്ന നിലപാടിൽ ആണോ ലച്ചു എന്ന സംശയവും ആരാധകർ ഉയർത്തുന്നുണ്ട്.