സീരിയൽ ലോകത്ത് ആ സ്വപ്നം മാത്രം ബാക്കിയാക്കി പെട്ടെന്നുള്ള വിയോഗം! കംപ്യൂട്ടര് വിദഗ്ധനായി ടെക്നോപാര്ക്കില് ജോലി ചെയ്തുവരുന്നതിനിടയിൽ അപ്രതീക്ഷിതമായി അഭിനയ രംഗത്തേക്ക്... ഷട്ടില് കളിക്കിടെ മൂക്കില് നിന്നുംചോര വാര്ന്നത്തോടെ ഭയപ്പെട്ടു.. താരത്തിന്റെ വേർപാടിൽ വിങ്ങിപ്പൊട്ടി കുടുംബം....
സീരിയൽ താരം ശബരിനാഥിന്റെ വേർപാട് താങ്ങാനാകാതെയാണ് കുടുംബവും സഹ പ്രവർത്തകരും. ഹൃദയാഘാതം മൂലമാണ് താരത്തിന്റെ മരണം. ഇന്നലെ രാത്രി നഗരത്തിലെ സ്വകാര്യ ആശുപത്രിയിലായിരുന്നു അന്ത്യം.
വൈകിട്ട് അരുവിക്കരയില് ഷട്ടില് കളിക്കുകയായിരുന്നു. ഇതിനിടയില് കുഴഞ്ഞ് വീണു. മൂക്കില് നിന്നുംചോര വാര്ന്ന ഇദ്ദേഹത്തെ ആശുപത്രിയില് എത്തിച്ചുവെങ്കിലും മരണം സ്ഥീകരിച്ചു. ഭൗതിക ശരീരം ഇന്നുകോവിഡ് പരിശോധന ഫലം ലഭിച്ചതിന്ശേഷം ബന്ധുക്കള്ക്ക് വിട്ടു നല്കും.
വക്കീല് വേഷത്തില് അഭിനയിക്കണമെന്നായിരുന്നു ശബരി ആഗ്രഹിച്ചത്. നായകനായാലും സഹനടനായാലും തനിക്ക് ലഭിക്കുന്ന കഥാപാത്രങ്ങളെ അങ്ങേയറ്റം മനോഹരമാക്കാറുണ്ട് അദ്ദേഹം. ഈ മേഖലയിലേക്ക് എത്തിയില്ലായിരുന്നുവെങ്കില് കംപ്യൂട്ടര് വിദഗ്ധനായി താന് തുടര്ന്നേനെയെന്നായിരുന്നു താരം പറഞ്ഞത്.
ടെക്നോപാര്ക്കില് ജോലി ചെയ്തുവരുന്നതിനിടയിലായിരുന്നു താരം അഭിനയ രംഗത്തേക്ക് എത്തിയത്. 15 വര്ഷമായി സീരീയില് രംഗത്ത് സജീവമാണ്. പാടാത്ത പൈങ്കിളി , സ്വാമി അയ്യപ്പന്, നിലവിളക്ക്, സാഗരം സാക്ഷി, പ്രണയിനി തുടങ്ങിയ സീരിയലുകളില് പ്രധാനവേഷങ്ങളില് എത്തി.
സാഗരം സാക്ഷി സീരിയലിന്റെ നിര്മാതാക്കളില് ഒരാളായിരുന്നു. സീരിയല് താരങ്ങളുടെ സംഘടന ആത്മയുടെ എക്സിക്യൂട്ടീവ് കമ്മിറ്റി അംഗമായിരുന്നു. അപ്രതീക്ഷിതമായാണ് ശബരീനാഥ് അഭിനയ രംഗത്തേക്ക് എത്തിയത്.
മിന്നുകെട്ടെന്ന സീരിയലിന്റെ ലൊക്കേഷനില് ചിത്രീകരണം നടക്കുമ്ബോള് ശബരിയുമുണ്ടായിരുന്നു. ഒരു താരം വരാതിരുന്നതോടെ പകരക്കാരനായി ശബരിയും അഭിനയിക്കുകയായിരുന്നു. അങ്ങനെയാണ് അഭിനയജീവിതം തുടങ്ങുന്നത്.
പിന്നീട് നിരവധി പരമ്ബരകളിലെ അവസരം അദ്ദേഹത്തെ തേടിയെത്തുകയായിരുന്നു. അവതരിപ്പിച്ച കഥാപാത്രങ്ങളിലൂടെ പ്രേക്ഷകര്ക്കെല്ലാം പരിചിതനായി മാറുകയായിരുന്നു ശബരി.
അതേസമയം ശബരി നാഥിന്റെ വിയോഗം താങ്ങാനാകാതെ നടുങ്ങിയിരിക്കുകയാണ് സഹതാരങ്ങൾ. ശബരിയുടെ അകാല വിയോഗത്തില് സീരിയല് ലോകം ഒന്നടങ്കം ഞെട്ടലിലാണ്. തങ്ങളുടെ ദുഃഖം അവര് സോഷ്യല് മീഡിയ പോസ്റ്റുകളില് കോറിയിടുകയാണ്..
https://www.facebook.com/Malayalivartha
