ഡോക്ടര് റോബിന്റെയും അപര്ണ്ണയുടെയും ഡാന്സ് ബിഗ് ബോസ് വിഴുങ്ങി? വീക്കെന്ഡ് എപ്പിസോഡിന്റെ പ്രമോയില് ഉണ്ടായിരുന്ന ഭാഗം എപ്പിസോഡ് വന്നപ്പോള് എവിടെ പോയി?
ബിഗ് ബോസ് വീട്ടില് ലാലേട്ടന്റെ 62ാം ജന്മദിനം മത്സരാത്ഥികള് ആഘോഷപൂര്വമാണ് കൊണ്ടാടിയത്. മോഹന് ലാലിന് ട്രിബ്യൂട്ട് എന്നപോലെ അദ്ദേഹത്തിന്റെ സിനിമകളിലെ പാട്ടുകളും ഡയലോഗുകളും കഥാപാത്രങ്ങളും കോര്ത്തിണക്കി സ്കിറ്റും ഡാന്സും പാട്ടുമെല്ലാം മത്സരാര്ത്ഥികള് അവതരിപ്പിച്ചു. മോഹന്ലാലിനായി ബൊക്കെയും പാല്പ്പായസവും തയ്യാറാക്കിയ മത്സരാര്ത്ഥികള് താരത്തിന്റെ സിനിമകളിലെ പാട്ട് പാടുകയും സ്കിറ്റ് അവതരിപ്പിക്കുകയും നൃത്തം ചെയ്യുകയുമെല്ലാം ചെയ്തു. ഈ ആഘോഷമാണ് ഇപ്പോള് ബിഗ് ബോസ് പ്രേക്ഷകര്ക്കിടയില് സംസാരവിഷയം ആവുന്നത്.
വീക്കെന്ഡ് എപ്പിസോഡിന്റെ പ്രമോയില് മോഹന്ലാലിന്റെ ജന്മദിനാഘോഷം നടക്കുന്ന ബിഗ് ബോസ് വീടും വീട്ടിലെ മത്സരാര്ത്ഥികള് നടത്തുന്ന ഓരോ കലാപരിപാടികളും കാണിക്കുകയുണ്ടായി. ഇതില് ഹൈലൈറ്റ് ആയിരുന്നത് ഡോക്ടര് റോബിന്റെയും അപര്ണ്ണയുടെയും ഡാന്സ് ആയിരുന്നു. മോഹന്ലാലിന്റെ 'വന്ദനം' എന്ന സിനിമയിലെ 'കവിളിണയില് കുങ്കുമമോ' എന്ന ഗാനത്തിനൊത്ത് റോബിനും അപര്ണ്ണയും തകര്ത്ത് ചുവട് വയ്ക്കുന്ന ദൃശ്യങ്ങളാണ് പ്രമോയില് കണ്ടത്.
പ്രോമോ കണ്ട പ്രേക്ഷകര് ഏറെ പ്രതീക്ഷയോടെയാണ് എപ്പിസോഡിനായി കാത്തിരുന്നത്. എന്നാല് ഷോ ടെലികാസ്റ്റ് ചെയ്തപ്പോള് ആ നൃത്ത ദൃശ്യം എഡിറ്റ് ചെയ്ത് മാറ്റുകയായിരുന്നു.
ഇത് ബിഗ് ബോസ് പ്രേക്ഷകരിലും റോബിന് ആരാധകരിലും വലിയ നീരസമാണ് ഉളവാക്കിയത്. ബിഗ് ബോസ് ടീം ഡോക്ടര് റോബിനോട് ചെയ്തത് വളരെ മോശമാണെന്നും ഡോക്ടര് റോബിനോട് എന്തുകൊണ്ടാണ് ബിഗ് ബോസിന് ഇത്രയും വിരോധമെന്നും ആരാധകര് ചോദിക്കുന്നു.
ബിഗ് ബോസ് കരുതിക്കൂട്ടി വിജയി ആക്കാന് നിശ്ചയിച്ചിരുന്ന ആളെ വിജയിപ്പിക്കാന് സാധിക്കില്ല എന്ന് മനസിലാക്കിയതിലെ അമര്ഷമാണോ റോബിനോട് തീര്ക്കുന്നതെന്ന് റോബിന് ആരാധകര് ചോദിക്കുന്നുണ്ട്.
അപര്ണയുടെ കാര്യമെങ്കിലും ബിഗ് ബോസിന് ഓര്ക്കാമായിരുന്നുവെന്നും ബിഗ് ബോസില് നിന്നും അപര്ണ പുറത്താവുന്നതിന് തൊട്ട് മുന്നേ ഉള്ള എപ്പിസോഡ് ആയതിനാല് ഇതിലെ അപര്ണയുടെ പ്രകടനം പ്രേക്ഷകരില് എത്തിക്കാമായിരുന്നുവെന്നും പ്രേക്ഷകര് പറയുന്നു.
ബിഗ് ബോസിന് വീക്കെന്ഡ് എപ്പിസോഡിന്റെ ടി ആര് പി ഉയര്ത്തുവാന് റോബിനെ ആവശ്യമായിരുന്നുവെന്നും അതിനുവേണ്ടി മാത്രമാണ് റോബിന്റെയും അപര്ണയുടെയും ഡാന്സിന്റെ ദൃശ്യങ്ങള് പ്രമോയില് ഉള്ക്കൊള്ളിച്ചതെന്നും ആരാധകര് പറയുന്നു.
https://www.facebook.com/Malayalivartha