യാത്രകളെ ഏറെയിഷ്ടപ്പെടുന്ന മലയാളികളുടെ പ്രിയനടി അഹാന തന്റെ ഹൃദയം കവർന്ന, ഭൂമിയിലെ പറുദ്ദീസയെന്നു വിശേഷിപ്പിക്കാവുന്ന മാലിദ്വീപിലേക്ക് വീണ്ടുമെത്തിയിരിക്കുകയാണ്. മാലദ്വീപിൽ നിന്നുള്ള താരത്തിന്റെ ബിക്കിനി ഫോട്ടോഷൂട്ടാണ് ഇപ്പോൾ വൈറലാകുന്നത്.“മാലിദ്വീപ് എന്നറിയപ്പെടുന്ന ഈ പറുദ്ദീസയിൽ രണ്ടുവർഷം മുൻപ് ഞാനുപേക്ഷിച്ച എന്റെ ഹൃദയത്തിന്റെ ഒരു ഭാഗം തേടി ചെന്നപ്പോൾ,” എന്ന ക്യാപ്ഷനോടെയാണ് മാലിദ്വീപിൽ നിന്നുള്ള ചിത്രങ്ങൾ അഹാന പങ്കുവച്ചത്. തമിഴ്നാട്ടിലെ ചെട്ടിനാട് കൊട്ടാരം, മഹാബലിപുരം, ഫാമുകൾ തുടങ്ങിയയിടങ്ങൾ സന്ദർശിച്ചതിന്റെ ചിത്രങ്ങൾ അവർ നേരത്തെ പങ്കുവെച്ചിരുന്നു. തന്റെ യൂട്യൂബ് ചാനലിലൂടെയും അവർ യാത്രാ വിശേഷങ്ങൾ പറയാറുണ്ട്. ജിഷ്ണു ശ്രീകണ്ഠൻ സംവിധാനം ചെയ്ത പിടികിട്ടാപ്പുള്ളിയാണ് അഹാന അഭിനയിച്ച് ഒടുവിൽ പുറത്തിറങ്ങിയ ചിത്രം.