മുന്കൂര് ജാമ്യം നല്കിയത് സമൂഹത്തിന് മാതൃകയാകുന്ന നടപടിയല്ല, കേസ് തേച്ചുമായ്ച്ച് കളയാനാണ് വിദേശത്ത് പോയത്, പല തവണ സ്വാധീനിക്കാന് ശ്രമിച്ചു, വിജയ്ബാബിനെതിരെ നടിയുടെ അച്ഛന് രംഗത്ത്...!
യുവ നടിയെ ബലാത്സംഗം ചെയ്ത കേസില് വിജയ്ബാബുവിന് മുന്കൂര് ജാമ്യം നല്കിയ നടപടിക്കെതിരെ നടിയുടെ അച്ഛന് രംഗത്ത്.മുന്കൂര് ജാമ്യം നല്കിയ നടപടി സമൂഹത്തിന് മാതൃകയാകുന്നില്ലെന്ന് അദ്ദേഹം പറഞ്ഞു. നടന് വിദേശത്ത് പോയത് കേസ് തേച്ച് മായ്ച്ചു കളയാനാണ്. പല തവണ വിജയ് ബാബു സ്വാധീനിക്കാന് ശ്രമിച്ചിട്ടുണ്ട്.
കോടതി നല്കിയ മുന്കൂര് ജാമ്യത്തിനെതിരെ അപ്പീല് പോകുമെന്നും നടിയുടെ അച്ഛന് വ്യക്തമാക്കി.നാലഞ്ചുവര്ഷമായി നടി സിനിമാരംഗത്തെത്തിയിട്ട്. ഇതുവരെ പേരുദോഷം കേള്പ്പിച്ചിട്ടില്ല. അത് ആര്ക്ക് അന്വേഷിച്ചാലും മനസ്സിലാകും. കോടതി വിധിയില് അടുത്ത നടപടി വക്കീലുമായി ആലോചിച്ച് ചെയ്യുമെന്നും നടിയുടെ പിതാവ് പറഞ്ഞു.
സമൂഹമാധ്യമത്തിലൂടെ വിജയ്ബാബു പെണ്കുട്ടിയെ അപമാനിക്കുന്ന തരത്തില് നടൻ പരാമര്ശം നടത്തി. നടി ഒരു തരത്തിലും വിജയ്ബാബുവിനെ അപമാനിക്കാന് മുതിര്ന്നിട്ടില്ല. സംഭവം ഉണ്ടായപ്പോള് നിയമപരമായി കേസ് കൊടുക്കുക മാത്രമാണ് ചെയ്തത്.
ഏപ്രില് 22 ന് കൊടുത്ത പരാതിയില് രണ്ടുദിവസത്തിന് ശേഷമാണ് പൊലീസ് കേസ് രജിസ്റ്റര് ചെയ്യുന്നത്. വിജയ് ബാബു നാടുവിട്ടാൻ കാരണം ആ സ്റ്റേഷനിലെ ഏതോ പൊലീസുകാരന് വിവരം ചോര്ത്തി കൊടുത്തതിനെ തുടര്ന്നാണെന്നും നടിയുടെ പിതാവ് ആരോപിച്ചു.
മുൻകൂർ ജാമ്യം കിട്ടിയതിൽ ദൈവത്തിന് നന്ദിയെന്നാണ് വിജയ് ബാബു പ്രതികരിച്ചത്. അഞ്ച് ലക്ഷം രൂപയുടെ ബോണ്ടിന്മേലാണ് ജാമ്യം. 27 മുതൽ അടുത്ത മാസം മൂന്നു വരെ അന്വേഷണസംഘത്തിന് മുന്നിൽ വിജയ് ബാബു ഹാജരാകണം.രാവിലെ 9 മുതൽ ആറുവരെ ചോദ്യം ചെയ്യാം. തുടങ്ങിയ ഉപാധികളോടെയാണ് ജാമ്യം അനുവദിച്ചത്. അറസ്റ്റ് ചെയ്താൽ ജാമ്യം അനുവദിക്കണമെന്നും കോടതി നിർദേശിച്ചു.
https://www.facebook.com/Malayalivartha
