രാജമൗലി സംവിധാനം ചെയ്ത ബാഹുബലിയ്ക്ക് ശേഷം തെന്നിന്ത്യയിലും ബോളിവുഡിലും ഒരുപോലെ ആരാധകരുള്ള താരമാണ് പ്രഭാസ്. ബാഹുബലിയെ വെല്ലുന്നതോ അതിനോടൊപ്പം നില്‍ക്കുന്ന മറ്റൊരു ചിത്രം അതിന് ശേഷം നടന്റേതായി പുറത്ത് വന്നിട്ടില്ലെങ്കിലും ഇന്നും ഇന്ത്യന്‍ സിനിമയില്‍ ഏറ്റവും താരമല്യമുളള നടന്‍ പ്രാഭാസ് തന്നെയാണ്. സിനിമ പുറത്ത് ഇറങ്ങിയിട്ട് വര്‍ഷങ്ങള്‍ കഴിഞ്ഞിട്ടും ഇന്നും പ്രേക്ഷകരുടെ ഇടയില്‍ ചര്‍ച്ച വിഷയമാണ്. ബാഹുബലിയുടെ പോപ്പുലാരിറ്റി ഭേദിക്കാന്‍ മറ്റൊരു ചിത്രത്തിനും ഇതുവരെ കഴിഞ്ഞിട്ടില്ല.

പ്രേക്ഷകര്‍ ആകാംക്ഷയോടെ കാത്തിരിക്കുന്ന പ്രഭാസ് ചിത്രമാണ് ആദിപുരുഷ്. ഇതിഹാസ കാവ്യമായ രാമയാണത്തെ ആസ്പരദമാക്കി ഓം റൗട്ടാണ് ചിത്രം സംവിധാനം ചെയ്യുന്നത്. ആദി പുരുഷില്‍ പ്രഭാസിനോടൊപ്പം വന്‍താരനിരയാണ് അണിനിരക്കുന്നത്. ഇപ്പോഴിത ചിത്രത്തെ ചുറ്റിയുള്ള ഒരു വര്‍ത്തയാണ് പുറത്ത് വരുന്നത്.

സിനിമയ്ക്കായി വന്‍ തുകയാണ് പ്രഭാസ് പ്രതിഫലമായി ചോദിച്ചിരിക്കുന്നതെന്നാണ് ഇപ്പോള്‍ പുറത്ത് വരുന്ന റിപ്പോര്‍ട്ട്. പുറത്ത് പ്രചരിക്കുന്ന റിപ്പോര്‍ട്ട് പ്രകാരം120 കോടി രൂപയാണ് പ്രതിഫലമായി ചോദിച്ചിരിക്കുന്നത്. ഇത് നടന്റെ കരിയറിലെ തന്നെ ഏറ്റവും വലിയ തുകയാണ്. ബോളിവുഡ് മാധ്യമം ബോളിവുഡ് ലൈഫാണ് ഇതുസംബന്ധമായ വാര്‍ത്ത പുറത്ത് വിട്ടിരിക്കുന്നത്. പ്രഭാസ് പ്രതിഫലം കൂട്ടിയതുമായി ബന്ധപ്പെട്ടുള്ള ഔദ്യോഗിക പ്രഖ്യാപനം ഇതുവരെയുണ്ടായിട്ടില്ല. 500 കോടി രൂപ ബഡ്ജറ്റിലാണ് ചിത്രം ഒരുങ്ങുന്നത്. പുറത്ത് വന്ന റിപ്പോര്‍ട്ട് ശരിയാണെങ്കില്‍ ബോളിവുഡിലെ പല സൂപ്പര്‍ താരങ്ങളെക്കാളും ഏറ്റവും കൂടുതല്‍ പ്രതിഫലം വാങ്ങുന്നത് പ്രഭാസ് ആയിരിക്കും.
ചിത്രത്തില്‍ രാമനായി പ്രഭാസ് എത്തുമ്‌ബോള്‍ രാവണനാവുന്നത് ബോളിവുഡ് താരം സെയ്ഫ് അലിഖാന്‍ ആണ്. കൃതി സനോണ്‍ ആണ് സീത. അടുത്ത വര്‍ഷമാകും ചിത്രം റിലീസ് ചെയ്യുക.

ആദിപുരുഷ് കൂടാതെ നിരവധി ബിഗ് ബജറ്റ് ചിത്രങ്ങളാണ് നടന്റേതായി അണിയറയില്‍ ഒരുങ്ങുന്നത്. കെജിഎഫ് സംവിധായകന്‍ പ്രശാന്ത് നീലിന്റെ പുതിയ ചിത്രമായ സാലാറാണ് പ്രതീക്ഷയോടെ കാത്തിരിക്കുന്ന നടന്റെ മറ്റൊരു ചിത്രം. സാലാറില്‍ ഇരട്ട വേഷത്തിലാകും പ്രഭാസ് എത്തുക. ബാഹുബലി പോലെ രണ്ട് കാലഘട്ടത്തിലായിരിക്കും ഈ സിനിമയും കഥ പറയുക. നടന്‍ പൃഥ്വിരാജും ഈ സിനിമയുടെ ഭാഗമാവുന്നുണ്ട്. നടി ശ്രുതി ഹാസനാണ് നായിക. മധു ഗുരുസ്വാമിയാണ് ചിത്രത്തിലെ പ്രതിനായകന്‍.