ബിഗ് ബോസ് സീസൺ 4 ഫൈനലിൽ എത്തുന്ന ആദ്യ മത്സരാർഥിയായിരുന്നു ദിൽഷ. 56 പോയിന്റോടെ ഒന്നാം സ്ഥാനത്ത് ദിൽഷ അവസാനിപ്പിച്ചപ്പോൾ രണ്ടാം സ്ഥാനത്ത് 51 പോയിന്റോടെ ബ്ലെസ്ലി റണ്ണർ ആപ്പ് ആയി മാറി. ഈ സീസണിൽ കണ്ട ഏറ്റവും നല്ല സൗഹൃദമായിരുന്നു ദിൽഷ-റോബിൻ-ബ്ലെസ്ലി എന്നിവരുടേത്. റോബിനും ബ്ലെസ്ലിക്കും ദിൽഷയോട് പ്രണയമായിരുന്നു. രണ്ടുപേരും പ്രണയം ദിൽഷയോട് പറഞ്ഞെങ്കിലും സൗഹൃദത്തിനപ്പുറം തനിക്കൊന്നും തോന്നുന്നില്ലെന്നാണ് ദിൽഷ മറുപടി നൽകിയത്. എങ്കിലും അവർ അടുത്ത സുഹൃത്തുക്കളായി തന്നെ ബിഗ്‌ബോസ് വീട്ടിൽ തുടർന്ന്. അത് പിന്നീട് ത്രികോണ പ്രണയകഥ എന്ന പേരിൽ പുറത്ത് ചർച്ച ചെയ്യപ്പെടുകയും ചെയ്തിരുന്നു. എന്നാൽ റിയാസ് വന്നതോടെ റോബിൻ വീട്ടിൽ നിന്നും പുറത്തായി. റോബിൻ പോയതോടെ ദിൽഷയുടെ കൂട്ട് ബ്ലെസ്ലി മാത്രമായി. റോബിനെ പുറത്താക്കാൻ കാരണക്കാരനായ റിയാസിനോട് പകരം ചോദിച്ചതും ബ്ലെസ്ലിയും ദിൽഷയും ഒരുമിച്ചായിരുന്നു. ബ്ലെസ്ലിയെ തനിക്ക് ഒരിക്കലും പ്രണയിക്കാൻ കഴിയില്ലെന്നും സഹോദരനായിട്ടാണ് കാണുന്നതെന്നും ദിൽഷ പലപ്പോഴായി പറഞ്ഞിരുന്നു. പക്ഷെ പിന്നേയും പല ആവർത്തി അവസരം കിട്ടുമ്പോഴെല്ലാം തന്റെ പ്രണയം ദിൽഷയോട് ബ്ലെസ്ലി പറഞ്ഞിരുന്നു.

അതേസമയം രണ്ട് ദിവസമായി ബ്ലെസ്ലി ദിൽഷയോട് ശത്രുത മനോഭാവത്തോടെയാണ് പെരുമാറുന്നത്. വീക്കിലി ടാസ്ക്ക് ചെയ്തപ്പോൾ ദിൽഷ പലരേയും വേദനിപ്പിച്ചുവെന്ന് പറഞ്ഞ് ദിൽഷയ്ക്ക് മാർക്ക് കൊടുക്കാൻ ബ്ലെസ്ലി തയ്യാറായില്ല. ശേഷം ഇരുവരും തമ്മിൽ പ്രശ്നങ്ങൾ ആരംഭിച്ചു. ഇപ്പോൾ ബ്ലെസ്ലിയും ദിൽഷയും തമ്മിൽ വലിയ വാക്ക് തർക്കം നടന്നിരിക്കുകയാണ്. ബ്ലെസ്ലിയെ ഒരിക്കലും പ്രണയിക്കാൻ കഴിയില്ലെന്നാണ് ദിൽഷ പറയുന്നത്. എനിക്ക് നിന്നെ പ്രണയിക്കാൻ കഴിയില്ല. അത് ഞാൻ പലവട്ടം പറഞ്ഞു. പ്രണയവും പറഞ്ഞ് വീണ്ടും വരരുതെന്ന് ആവർത്തിച്ചിട്ടും നീ അത് തന്നെയാണ് തുടരുന്നത്.' 'നിന്റെ ജീവിതം കൊണ്ട് പല സന്ദേശകളും ജനങ്ങൾക്ക് കൊടുക്കാൻ വന്നതാണെന്ന് പറയാറുള്ള നീ പ്രണയം സ്വീകരിക്കാൻ കഴിയില്ലെന്ന് പറഞ്ഞ പെൺകുട്ടിക്ക് പിന്നാലെ വീണ്ടും നടക്കുന്നതും അവളെ നിർബന്ധിക്കുന്നതും എന്തിനാണ്.'

'നിന്നേയും റോബിനേയും മുതലെടുത്ത് ഞാൻ വോട്ട് സമ്പദിക്കുന്നുവെന്നാണ് വീട്ടിലുള്ളവർ പറയുന്നത്. എനിക്ക് നിന്റെ ഫാൻസിന്റെയോ റോബിൻ ഫാൻസിന്റേയോ വോട്ട് വേണ്ട. എന്റെ ഫാൻസ് തരുന്ന വോട്ട് കൊണ്ട് ജയിക്കാൻ പറ്റുമെങ്കിൽ അത് മതി.' 'ഞാൻ നിങ്ങളെപ്പോലെ ഒമ്പത് മാസം പഠിച്ചിട്ടല്ല ഹൗസിലേക്ക് വന്നിട്ടുള്ളത്. പുറത്ത് എങ്ങനെയാണോ അങ്ങനെ തന്നെയാണ് ഞാൻ വീട്ടിലും നിൽക്കുന്നത്. നീ എന്നെ വിട്ടേക്ക്... എന്നിട്ട് നിന്റെ കളിയിൽ ശ്രദ്ധിക്ക്' എന്നാണ് ബ്ലെസ്ലിയോട് ദിൽഷ പറയുന്നത്. ദിൽഷയുടെ പകുതി ചോ​ദ്യങ്ങൾക്കും ബ്ലെസ്ലിക്ക് മറുപടിയുണ്ടായിരുന്നില്ല. അവസാനം ദിൽഷയുടെ ഫ്രണ്ട്ഷിപ്പ് തനിക്ക് വേണ്ടെന്നാണ് ബ്ലെസ്ലി പറഞ്ഞത്. മാത്രമല്ല ഏത് നേരവും സഹോദരനാണെന്ന് പറഞ്ഞ് നടക്കേണ്ടതില്ലെന്നും ബ്ലെസ്ലി ദിൽഷയോട് പറഞ്ഞു. ഇരുവരും സൗഹൃദം പിരിയുന്നതിന്റെ വക്കിലാണ്. ദിൽഷയും ബ്ലെസ്ലിയും തമ്മിലുള്ള വഴക്കിന് കാരണം റിയാസാണ് എന്നാണ് പ്രേക്ഷകരുടെ കണ്ടുപിടിത്തം.