മീനൂട്ടി എന്ന് ഏവരും സ്നേഹത്തോടു കൂടി വിളിക്കുന്ന മീനാക്ഷി ദിലീപ്, വളരെയടുത്താണ് ഇൻസ്റ്റഗ്രാം പേജ് തുടങ്ങിയതും അതിൽ സജീവമായതും. താനും തന്റെ കൂട്ടുകാരികളുമാണ് മീനാക്ഷിയുടെ പേജിലെ പോസ്റ്റുകളിൽ സ്ഥിരം പ്രത്യക്ഷപ്പെടുക. നടി നമിത പ്രമോദ് അക്കൂട്ടരിൽ ഒരാളാണ്. അതുപോലെ തന്നെയാണ് നാദിർഷായുടെ മക്കളായ ആയിഷയും ഖദീജയും. സിനിമയിൽ വന്നില്ലെങ്കിലും താരപ്രഭയുള്ള താരപുത്രിയാണ് മീനാക്ഷി. ഇപ്പോൾ മെഡിസിന് പഠിക്കുകയാണ് മീനാക്ഷി. ഇടവേളകളിൽ സോഷ്യൽ മീഡിയയിൽ മീനാക്ഷി പ്രത്യക്ഷപ്പെടാറുണ്ട്.

ഇപ്പോഴിതാ കുറെ നാളുകൾക്ക് ശേഷം വീണ്ടും ഏറ്റവും അടുത്ത കൂട്ടുകാരി നമിതയ്ക്കൊപ്പമുള്ള ചിത്രം സോഷ്യൽമീഡിയയിൽ പങ്കുവെച്ചിരിക്കുകയാണ് മീനാക്ഷി. ഇരുവരും ചേർന്ന് നിൽക്കുന്ന മനോഹരമായ ചിത്രം വളരെ വേ​ഗത്തിൽ വൈറലായിരിക്കുകയാണ്. ആത്മമിത്രം എന്നൊക്കെ പറയുന്നതിലൊന്നും നേരത്തെ വിശ്വാസമുണ്ടായിരുന്നില്ല. എന്നാൽ നിന്നെ കണ്ടതോടെയാണ് അതിലൊക്കെ വിശ്വസിച്ച് തുടങ്ങിയതെന്ന്' ഒരിക്കൽ മീനാക്ഷി നമിതയോട് പറഞ്ഞിരുന്നു. ജീവിതത്തിലെ മുത്തുമണിയായാണ് മീനൂട്ടിയെ കാണുന്നതെന്ന് നമിതയും പറഞ്ഞിരുന്നു. മീനാക്ഷി ഇൻസ്റ്റഗ്രാം അക്കൗണ്ട് തുടങ്ങിയപ്പോൾ നമിതയും സ്വാഗതം ചെയ്തിരുന്നു. പോസ്റ്റുകൾക്കെല്ലാം കമന്റുമായി നമിതയും എത്താറുണ്ട്.