എണ്‍പതുകളിലും തൊണ്ണൂറുകളിലും മലയാളത്തില്‍ തിളങ്ങി നിന്ന ശേഷം റഹ്മാന്‍ തമിഴിലേക്ക് പോയി. അവിടെ ചില ചിത്രങ്ങള്‍ പരാജയപ്പെട്ടതോടെ അവിടെയും ഇല്ല ഇവിടെയും ഇല്ല എന്ന സ്ഥിതിയായി. വീട്ട് വാടക എങ്ങനെ കൊടുക്കുമെന്ന് അറിയാതെ കുഴഞ്ഞ സമയമായിരുന്നു അതൊക്കെ. ഭാര്യയായിരുന്നു അന്ന് ആശ്രയമായിരുത്. ഇക്കാര്യം പറഞ്ഞാല്‍ ഒരു പക്ഷെ, ആരും വിശ്വസിക്കില്ലെന്നും താരം പറഞ്ഞു. അപ്പോഴും ഒരൊറ്റ സിനിമ കൊണ്ട് തിരിച്ച് വരാമെന്ന വിശ്വാസം റഹ്മാനുണ്ടായിരുന്നു.
കെ.എസ് രവികുമാറിന്റെ ഐത്തിരിയിലെ വില്ലന്‍ വേഷത്തിലൂടെയാണ് റഹ്മാന്‍ പിന്നെ തിരിച്ച് വന്നത്. വില്ലന്‍ വേഷമായത് കൊണ്ട് ആദ്യം സ്വീകരിച്ചില്ല. പക്ഷെ, രവികുമാര്‍ വെറുതെ വിട്ടില്ല. അങ്ങനെ ആ വേഷം ശ്രദ്ധിക്കപ്പെട്ടു. നീണ്ട ഇടവേളയ്ക്ക് ശേഷം ട്രാഫിക്കിലൂടെയാണ് റഹ്മാന്‍ മലയാളത്തില്‍ എത്തിയത്. അതിന് മുമ്പ് രാജമാണിക്ക്യത്തിലും ബഌക്കിലും അഭിനയിച്ചിരുന്നു. കൂടെവിടെ എ സിനിമയുടെ ലൊക്കേഷനില്‍ വെച്ച് സഞ്ജയ് ബോബിയുമായുള്ള അടുപ്പമാണ് ട്രാഫിക്കില്‍ എത്തിച്ചത്. അവര് കുട്ടികളായിരുന്നു.
പിന്നീട് ബോബി സഞ്ജയ് മുംബയ് പൊലീസിലേക്ക് വിളിച്ചു. നല്ല വേഷമായിരുന്നു. പക്ഷെ, ബോക്‌സ് ഓഫീസില്‍ ആ പടം വലിയ വിജയമാകാഞ്ഞത് തന്നെ നിരാശപ്പെടുത്തിയെന്ന് റഹ്മാന്‍ പറഞ്ഞു. നായകന്‍ ഹോമോ സെക്ഷ്വല്‍ ആയത് മലയാള പ്രേക്ഷകര്‍ക്ക് ഇഷ്ടപ്പെട്ടില്ലെന്നും താരം പറഞ്ഞു. നിലമ്പൂരിലാണ് റഹ്മാന്റെ വീട്. കുടുംബത്തിന് സ്വന്തമായി സിനിമ തിയേറ്റര്‍ ഉണ്ടായിരുന്നു. പക്ഷെ, അന്നൊന്നും നടനാവുക എന്ന സ്വപ്‌നം പോലും തനിക്ക് ഇല്ലായിരുന്നെന്നും റഹ്മാന്‍ പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha