സൂപ്പര്‍സ്റ്റാര്‍ ചിത്രങ്ങളുടെ സാറ്റലൈറ്റ് പോലും ചാനലുകള്‍ വാങ്ങാതായി. തിയറ്ററില്‍ കളക്ഷന്‍ നേടുന്ന സിനിമകള്‍ മാത്രം നല്ല വില നല്‍കി വാങ്ങിയാല്‍ മതി എന്ന നിലപാടിലാണ് ചാനലുകള്‍. നിവിന്‍ പോളി, ദുല്‍ഖര്‍, പൃഥ്വിരാജ് എന്നിവരുടെ സിനിമകള്‍ തിയറ്ററുകളില്‍ നല്ല കഌന്‍ നേടുന്നതിനെ തുടര്‍ന്നാണ് സൂപ്പര്‍താര ചിത്രങ്ങളുടെയും ചെറിയ ചിത്രങ്ങളുടെയും അവകാശം വാങ്ങാന്‍ ചാനലുകള്‍ മടിക്കുന്നത്. മമ്മൂട്ടിയുടെ വൈറ്റിന്റെ റിലീസ് വൈകാന്‍ കാരണം സാറ്റലൈറ്റ് അവകാശം വില്‍ക്കാത്തതിനാലാണ്. ലണ്ടനില്‍ ചിത്രീകരിച്ച സിനിമയ്ക്ക് നല്ല ബജറ്റ് ആയിട്ടുണ്ട്.
ബോളിവുഡ് താരം ഹുമഖുറോഷിയാണ് ചിത്രത്തിലെ നായിക. ഏതാണ്ട് ഒരു കോടിയോളം രൂപയാണ് അവരുടെ പ്രതിഫലം. പിന്നെ മമ്മൂട്ടിക്ക് രണ്ട് കോടി നല്‍കി. പിന്നെ ലണ്ടനിലെ നിര്‍മാണച്ചെലവും കൂടുതലായിരുന്നു. മോഹന്‍ലാലിന്റെ പുലിമുരുഗനും ഇതേ പ്രശ്‌നമാണ് നേരിടാന്‍ പോകുന്നത്. ഇരുപത് കോടിയിലധികം രൂപയാണ് ചിത്രത്തിന്റെ മുതല്‍മുടക്ക്. രണ്ടരക്കോടിയാണ് മോഹന്‍ലാലിന്റെ പ്രതിഫലം. സാറ്റലൈറ്റ് ഇനത്തില്‍ പരമാവധി അഞ്ച് കോടിയാണ് ലാല്‍ ചിത്രത്തിന് ലഭിക്കുന്നത്. എന്നാല്‍ പുലിമുരുഗന് നല്ല തുക കിട്ടണമെന്ന നിലപാടിലാണ് അണിയറപ്രവര്‍ത്തകര്‍. അത്രയും നല്‍കാന്‍ ചാനലുകള്‍ തയ്യാറല്ലതാനും.
കഴിഞ്ഞ വര്‍ഷം ഇറങ്ങിയ സുരേഷ്‌ഗോപി ചിത്രമായ രുദ്രസിംഹാസനത്തിന്റെ സാറ്റലൈറ്റ് അവകാശവും ഇതുവരെ വിറ്റ് പോയിട്ടില്ല. ഓ മൈ ഗോഡ് വളരെ തുച്ഛമായ വിലയ്ക്കാണ് വിറ്റത്. അത് കാരണം മുടക്ക് മുതല്‍ പോലും നിര്‍മാതാവിന് ലഭിച്ചില്ല. തിയറ്ററിലെ കളക്ഷന്‍ ടാക്‌സിന്റെ അടിസ്ഥാനത്തില്‍ നോക്കി തിട്ടപ്പെടുത്തിയ ശേഷമാണ് ചാനലുകള്‍ സാറ്റലൈറ്റ് അവകാശം വാങ്ങുന്നത്. അതിന് താരങ്ങളുടെ മുഖമല്ല, നല്ല കളക്ഷനാണ് പ്രധാനം. ഇത് നല്ല സിനിമകള്‍ ഉണ്ടാകാന്‍ സഹായിക്കുമെന്ന് സിനിമാക്കാര്‍ തന്നെ പറയുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha