സിനിമാ നടന്‍മാര്‍ക്ക് പൊതുവേ പെണ്ണ് കിട്ടില്ല എന്നൊരു രീതി പണ്ട് ഉണ്ടായിരുന്നു. കുഞ്ചന്‍ ഒരുപാട് വിവാഹ ആലോചനകള്‍ നടത്തിയെങ്കിലും ഒന്നും ശരിയായില്ല. അവസാനം ഏതാണ്ട് ഒന്ന് ഒത്തുവന്നു. നടനായ സ്ഥിതിക്ക് മരുമോന്റെ ഒരു സിനിമാ കാണണമെന്ന് അമ്മായി അച്ഛന് മോഹം. നേരെ തിയറ്ററിലേക്ക് വച്ച് പിടിച്ചു. കുഞ്ചന്‍ എച്ചിലില പെറുക്കി അതില്‍ നിന്ന് ഭക്ഷണം കഴിക്കുന്ന സീനുണ്ടായിരുന്നു ആ സിനിമയില്‍. അതോടെ ആ കല്യാണം ഠിം. ഈ കഥ കേട്ടതോടെ മണിയന്‍പിള്ള രാജുവിന്റെ വീട്ടുകാര്‍ക്കും ഭയമായി. എങ്ങനെ മോന് നല്ല പെണ്ണിനെ കിട്ടും. 

ചിരിയോ ചിരി എന്ന സിനിമയുടെ ഷൂട്ടിംഗ് നടക്കുന്ന സമയത്ത് സുഹൃത്ത് മണി ഒരു ബന്ധുവീട്ടില്‍ കൂട്ടികൊണ്ട് പോയി. വളരെ കാലം കാത്തിരുന്ന ശേഷം ഉരുളി കമഴ്തി ഉണ്ടായ മകളാണ് അവര്‍്കകുള്ളത്, പേര് ഇന്ദിര. ഒറ്റനോട്ടത്തില്‍ മണിയന്‍പിള്ളയ്ക്ക് പെണ്ണിനെ ഇഷ്ടമായി. പക്ഷെ, അതില്‍ കാര്യമില്ലായിരുന്നു. പെണ്ണിന്റെ പിതാവ് പട്ടാളക്കാരനായിരുന്നു, സിനിമാക്കാരെ തീരെ ഇഷ്ടവുമല്ല. എന്നാലും ഒന്ന് നോക്കാമെന്ന് കരുതി അവര്‍ മണിയന്‍പിള്ള അഭിനയിച്ച സിനിമ കാണാന്‍ പോയി. അതോടെ എല്ലാ പ്രതീക്ഷകളും അവസാനിച്ച പോലെയായി. അറിയാത്ത വീഥികള്‍ എന്ന പടമായിരുന്നു. അതില്‍ സബിതാ ആനന്ദിനെ ബലാല്‍സംഘം ചെയ്ത് കൊന്ന ശേഷം മോഹന്‍ലാലിന്റെ തലേല്‍ കുറ്റം ചാര്‍ത്തുന്ന കഥാപാത്രമായിരുന്നു. അതോടെ ആലോചന മുടങ്ങി. 

പിന്നീട് മറ്റൊരു സുഹൃത്തായ ബാബു വഴി ഇന്ദിരയുടെ വീട്ടില്‍ ചെന്നു. അങ്ങനെയാണ് കല്യാണം നടന്നത്. അത് കഴിഞ്ഞ് ഇന്ദിര പറഞ്ഞു, അവള്‍ക്ക് ഇഷ്ടമില്ലാത്തത് കൊണ്ടാണ് പിന്നീട് വന്ന ആലോചനകള്‍ നടക്കാതിരുന്നതെന്ന്. പിന്നീട് അമ്മായി അച്ഛനും മണിയന്‍ പിള്ളയെ കുറിച്ചുള്ള തെറ്റിദ്ധാരണകള്‍ മാറി. ഇന്നിപ്പോ സിനിമാക്കാര്‍ക്ക് പെണ്ണ് കിട്ടാന്‍ വല്യ പ്രയാസമൊന്നുമില്ല.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha