മലയാളികള്‍ നെഞ്ചിലേറ്റിയ ഒരു കള്ളനുണ്ടായിരുന്നു മീശമാധവന്‍. ഒരു ജൂലൈ നാലിനാണ് മീശമാധവന്‍ എന്ന സിനിമ റിലീസ് ആയത്. സിനിമയില്‍ കള്ളന്റെ പേര് മാധവന്‍ എന്നായിരുന്നു. മീശമാധവന്‍ എന്ന് നാട്ടുകാര്‍ പറയും. മാധവന്‍ ആരെയെങ്കിലും നോക്കി മീശ പിരിച്ചാല്‍ അന്ന് ആ വീട്ടില്‍ മോഷ്ടിക്കാന്‍ കയറിയിരിക്കും. അതാണ് മാധവന്റെ രീതി. മീശമാധവന്‍ എന്ന ഹിറ്റ് ചിത്രം ഇറങ്ങിയിട്ട് പതിനാല് വര്‍ഷം തികഞ്ഞു.

മീശമാധവന്റെ ഓര്‍മകള്‍ രുക്മണിയായെത്തിയ കാവ്യ മാധവന്‍ പങ്കുവെച്ചിരിക്കുകയാണ്. കൂടെയുള്ളവരും, വേര്‍പിരിഞ്ഞവരുമായ ഒട്ടേറെ നല്ല സഹപ്രവര്‍ത്തകരോടൊപ്പമുള്ള സ്മരണകള്‍ പുതുക്കുന്ന സിനിമ കൂടിയാണ് മീശമാധവനെന്ന് കാവ്യ ഫെയ്‌സ്ബുക്കില്‍ കുറിച്ചു.

കാവ്യമാധവന്റെ ഫെയ്‌സ്ബുക്ക് പോസ്റ്റ് വായിക്കാം:

പതിനാല് വര്‍ഷങ്ങള്‍ക്ക് മുമ്പൊരു ജൂലൈ 4 നാണ് മീശമാധവന്‍ റിലീസ് ആയത്. ഒരു സിനിമ, വര്‍ഷമേറെ കഴിഞ്ഞിട്ടും അതില്‍ പ്രവര്‍ത്തിച്ചവരും പ്രേക്ഷകരും ഒരുപാട് ഇഷ്ടത്തോടെ ഓര്‍ക്കുന്നുവെങ്കില്‍ അവിടെയാണ് ആ സിനിമ മഹാവിജയമാകുന്നത്.

മീശമാധവന്റെ വിജയത്തിളക്കത്തിന് ഇന്നും ശോഭ ഏറെയാണ്. എന്റെ അഭിനയജീവിതത്തിലെ ഏറ്റവും പ്രിയപ്പെട്ട കഥാപാത്രങ്ങളിലൊന്നാണ് മീശമാധവനിലെ 'രുഗ്മിണി'.

പ്രകൃതിയും , പ്രണയവും പ്രമേയത്തിലലിഞ്ഞ് ചേര്‍ന്ന് പാട്ടുകളുടേയും , പൊട്ടിച്ചിരിയുടേയും പൂക്കാലമൊരുക്കിയ ചിത്രം. ലാല്‍ ജോസ് ദിലീപ് കൂട്ടുകെട്ട് ഒന്നിച്ചപ്പോഴൊക്കെ മലയാളികളാസ്വദിച്ച രസക്കൂട്ടുകള്‍ മീശമാധവനിലും ആവര്‍ത്തിച്ചു. കൂടെയുള്ളവരും, വേര്‍പിരിഞ്ഞവരുമായ ഒട്ടേറെ നല്ല സഹപ്രവര്‍ത്തകരോടൊപ്പമുള്ള സ്മരണകള്‍ പുതുക്കുന്ന സിനിമ കൂടിയാണ് മീശമാധവന്‍.

കരിമിഴിക്കുരുവിയായും, ചേലൊത്ത ചെമ്പരുന്തായും 'ചേക്ക്' എന്ന ഗ്രാമത്തിലൂടെ ചിറക് വിടര്‍ത്തി പറന്നതിന്റെ നല്ല ഓര്‍മ്മകള്‍ സമ്മാനിക്കുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha